1 SAMUEL 9:3 - Dios Rimashca Shimicunami

³ Shuj punllami Saulpaj yaya Cis runapaj burrocuna chingarijpi, Cisca paipaj churi Saultaca: –Cunanca jatari, ñucanchijpajta rurajcunamanta maijanta pushashpa burrocunata mashcagri– nirca.

1 SAMUEL 9:3 Iomraidhean Croise

JUECES 10:4

Paica quimsa chunga churicunatami charirca. Tucuicunami tiyarishpa puringapajca shuj shuj burrota charircacuna. Galaad llajtapipish tucuicunami shuj shuj quiquin pueblota charircacuna. Chai quimsa chunga pueblocunaca cunancama: “Jairpaj pueblocuna” shutillahuantajmi.

JUECES 5:10

Yuraj burrocunapi tiyarishca purijcunapish, llaquicunata allichijcunapish, maimanpish chaquillahuan purijcunapish Mandaj Diosta alabaichij.

1 SAMUEL 10:14

Saulpaj shuj tiomi, Saultapish, paipajta rurajtapish: –¿Maimantaj rircanguichij?– nijpi Saulca: –Burrocunata mashcanamanmi rircanchij. Mana ricurijpimi, Samuelpajman rircanchij– nirca.

1 SAMUEL 10:2

Can ñucamanta ch'icanyashpa ricujpica, ishqui runacunami canhuan tupangacuna. Paicunaca Benjaminpaj llajtapi caj Selsa pueblo c'uchupi Raquel huarmita pambashca c'uchupi tupashpaca cashnami ningacuna: “Cancuna mashcanaman rishca burrocunataca ñami japircanchij. Cunanca cambaj yayaca burrocunamantaca ña mana llaquillachu. Ashtahuanpish cancunamanta llaquirishpamari: Cunanca ñuca huahuamantaca imatataj rurashari nicun” ningacunami.

1 SAMUEL 9:2

Cisca Saúl shuti shuj churitami charirca. Paica sumaj mosomi carca. Israelcunapurapica pai shinaca, shujtajca mana tiyarcachu. Chai mosoca israelpurapi cajcunataca tucuicunatami umahuan yalli jatun carca.

1 SAMUEL 9:20

Ña quimsa punllata chingarishca burrocunamantaca ama llaquilla caichu. Chaicunataca ñami japirca. Israelpi tiyaj tucui munananquicunaca ¿pipajshi? Ashtahuanpish chaicunaca cambajpish, cambaj huasi ucupuracunapajpishmari– nircami.

1 SAMUEL 9:4

Chaimi Saulca Efraín aillupaj urcuta mashcashpa rishpaca, Salisa llajtacama mashcashpapish mana japircacuna. Chai q'uipaca Saalim llajtata mashcashpa rishpaca Benjamín aillupaj llajtata mashcashpapish mana japircacunachu.