1 SAMUEL 8:9 - Dios Rimashca Shimicunami

⁹ Cunanca paicuna mañashcata uyailla. Jatun mandaj paicunata mandacushpaca ima shina mandana cashcata ricuchishpa tucuicunaman alli huillangui” nircami.

1 SAMUEL 8:9 Iomraidhean Croise

JEREMÍAS 11:7

Cancunapaj ñaupa yayacunata Egipto llajtamanta llujshichimui punllamantapachami, ñuca mandashcata uyaichij nishpa rimarcani, cunarcani. Cancunatapish cai tucui huatacunata mana upalla saquishcanichu. Ashtahuanpish chai shinallatajmi cunani.

EZEQUIEL 3:18

Ñucaca, ñucata mana manchaj runataca: Huañunami cangui nimanchari. Chaitaca paimanmi yachaj chayachina cangui. Ñucata mana manchaj runa millaita ruranata saquishpa causaita charichun, can mana huillajpica, millaita rurashcamantami huañunga. Pai huañujpica, cambaj jahuami canga.

EZEQUIEL 46:18

Mandajca, cai llajtapi causajcuna charishca allpacunataca ama quichuchun, pai charishca allpallamantataj mirga allpata paipaj churicunamanca cuchun. Chashna rurajpimi ñuca agllashcacunaca, shujllapish mana allpa illaj saquiringacuna. Shujllapish paicunapaj llajtamantaca mana llujshingacuna” nircami.

1 SAMUEL 10:25

Chai q'uipami Samuelca, jatun mandaj ima shina mandana cashcata tucuita huillashpa chaitaca shuj libropi quillcashpa Mandaj Diospaj ñaupajpi huaquichirca.

1 SAMUEL 12:1

Samuelca, tucui israelcunataca: –Ñucaca tucui cancuna imalla nishcata uyashpami, jatun mandajtaca churarcani.

1 SAMUEL 14:52

Saulca tucui paipaj causaipimi filisteocunahuanca yallitaj sinchita macanacuj carca. Chaimi Saulca c'ari c'ari caj macanacushpa mishaipajtaj caj runacunata paipaj soldadocuna cachunca japij carca.

1 SAMUEL 2:13

Paicunaca israelcunahuanca cashnami rurajcuna carca: Sacrificiota maijan cujpi chai aichata yanucujpica, curapajta rurajmi garfio nishca quimsa puntayuj fierrohuan shamushpaca,

1 SAMUEL 8:8

Paicunaca Egiptomanta llujshichimushca punllamanta cunan punllacama paicuna munashcata rurashpami, ñucata saquishpa shujtajcunapaj dioscunapajta rurancuna. Chashnallatajmi cantapish ruracuncuna.