1 SAMUEL 8:2 - Dios Rimashca Shimicunami

² Paipaj punta churica Joelmi carca. Q'uipa churica Abiasmi carca. Paicunaca ishquindijmi Beerseba pueblopi juezcuna carca.

1 SAMUEL 8:2 Iomraidhean Croise

GÉNESIS 22:19

Chai q'uipaca, Abrahamca paipajta rurajcuna maipi cashcaman tigrashpami paicunahuan tandanacushpa Beersebaman tigrarca. Abrahamca Beersebapimi causarca.

GÉNESIS 46:1

Yaya Israelca tucui pai imalla charishcacunandijmi llujshirca. Beersebaman ña chayashpaca paipaj yaya Isaacpaj Taita Diosmanmi animalcunata cushpa huañuchirca.

1 REYES 19:3

Chaita uyashpami Eliasca jatarishcahuan paipaj causaita quishpichingapaj Judapi caj Beersebapi miticunaman rirca. Chaiman chayashpaca paipajta rurajtaca chaipimi saquirca.

1 CRÓNICAS 6:13

Salumca Hilcías churitami charirca. Hilciasca Azarías churitami charirca.

1 CRÓNICAS 6:28

Samuelpaj churicunaca: Punta churica Vasni, q'uipa churica Abías shuticunami carca.

1 CRÓNICAS 6:38

Coreca Izharpaj churimi. Izharca Coatpaj churimi. Coatca Levipaj churimi. Levica yaya Israelpaj churimi carca.

AMÓS 5:5

Bet-el pueblomanca ama ringuichijchu. Gilgal pueblomanpish ama yaicunguichijchu. Beerseba pueblomanpish ama c'uchuyanguichijchu. Gilgal pueblopi causajcunaca, prezu apashcami canga. Bet-el pueblopish, tucui chingachishcami saquiringa” ninmi.