1 SAMUEL 7:9 - Dios Rimashca Shimicunami

⁹ Chaimi Samuelca, chuchucujraj bachujta japishpa Mandaj Diosman tucuita cushpa rupachirca. Samuelca Mandaj Diostaca caparishpa israelcunamanta mañajpimi, Mandaj Diosca pai mañashcata uyarca.

1 SAMUEL 7:9 Iomraidhean Croise

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

LEVÍTICO 22:27

“Bizita cashpa, bachujta cashpa, chivota cashpa ñucaman cusha nishpaca huacharishcamanta canchis punllacama paipaj mamata chuchuchun saquingui. Ña pusaj punllayuj cajpi cujpimi, Mandaj Diosman cushpa rupachishca cajpi chasquishca tucunga.

DEUTERONOMIO 9:26

Mandaj Diostaca cashnami mañarcani: Mandaj Jatun Dioslla, cambaj cajcunataca amataj chingachihuaichu. Egiptomantaca cambaj cashcamantamari can jatun cashcahuan, cambaj tucuita rurai tucuj maquihuan cacharichishpa llujshichimurcangui.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

JUECES 6:26

Chashna rurashpaca, cai rumi urcu jahuapi maipi alli canapi canta Mandaj Diospaj shuj altarta shayachi. Chaipica cati torota cushpa tucui rupachi. Chaitaca Asera shuti huarmi diosman rijchajta rurashca diosta ñutushca yantahuan rupachi– nircami.

JUECES 6:28

Ofra pueblopi causajcuna cayandij tutamanta jatarishpaca, Baalpaj altartapish urmachishcatami ricurcacuna. Chai c'uchupi shayaj Asera huarmi diosman rijchajta rurashca diostapish p'itishcatami ricurcacuna. Gedeón rurashca altar jahuapica cati torota cushpa tucuita rupachishcatami ricurcacuna.

1 SAMUEL 10:8

Chai q'uipaca, Gilgalman ñucapaj ñaupa ringuilla. Ñucaca Diosman cushpa tucuita rupachingapaj, sumaj causaimanta cuna cashcata cungapajpishmi cambajman chai puebloman shamusha. Ñuca chai puebloman shamushpa can imalla rurana cashcata huillangacama canchis punllata chaipi shuyangui– nircami.

1 SAMUEL 12:17

Cunanca ¿manachu trigota cozichana punllacuna? Cancunata jatun mandaj cachun jatun mandajta mañashpaca, Mandaj Diospaj ñaupajpi jatun millaita rurashcata ricuchingapajmi c'ulun nichishpa tamyachichun Mandaj Diosta caparishpa mañagrini– nircami.

1 SAMUEL 16:2

Chaimi Samuelca: –¿Ima shinataj rishari? Saúl yachashpaca ñucataca huañuchingamari– nijpimi Mandaj Diosca: –Shuj huarmi bizita apai: Mandaj Diosman sacrificiota cungapajmi shamurcani ningui.

1 SAMUEL 2:35

Paipaj randica ñuca shungu ñuca yuyai munashca shinata chaitataj pajtachij shuj curatami churasha. Paipaj huasi familiataca unicama catichun sinchitami rurasha. Paicunaca punllantami ñuca churashca jatun mandajpajta rurangacuna.

1 SAMUEL 7:17

Chaimantaca Ramá pueblopi caj paipaj huasimanmi tigrajlla carca. Paica chaipimi israelcunapurapi ima allichinatapish allichij carca. Chaipica Mandaj Diospaj shuj altartapishmi rurarca.

1 SAMUEL 9:12

paicunaca: –Ari, caipimi. Cunan punllaca caipi causajcuna lomapi tiyaj altarpi cushpa rupachina punlla cajpimari, cai puebloman shamurca. Utca richijlla.