1 SAMUEL 7:6 - Dios Rimashca Shimicunami

⁶ israelcunaca Mizpapi tandanacushpa yacuta huishishpa Mandaj Diospaj ñaupajpi tallircacuna. Chai punllaca ayunashpami: “Mandaj Diostaca canta p'iñachishpamari juchallishcanchij” nishpa Samuelca israelcuna mana allita rurashcataca Mizpa pueblopi allichirca.

1 SAMUEL 7:6 Iomraidhean Croise

GÉNESIS 31:49

Mizpa shutitapish shutichishpaca Jacobtaca: –Canpish ñucapish ch'icanyashpa carupi causacujpica, Mandaj Dios cantapish ñucatapish cuidachun ninimi.

2 SAMUEL 14:14

Allpapi yacu tallirijpica, pi mana tandai tucunchu. Chashnallatajmi tucuicuna huañunataj canchij. Shina cajpipish Taita Diosca pita mana causaita quichunllachu. Ashtahuanpish llajtamanta llujshichishpa cachashcatapish paimanta ama ashtahuan caruyachun tigrachimunatami munan.

1 REYES 8:47

Paicunaca prezu apashca llajtapi cashpami, quiquin shungullapitaj mana allita rurashcamanta cutirishpaca, huananchijmi nishpa cashna nishpa mañangacuna: Juchallishcanchijmi, millaitami rurashcanchij, mapatami rurashcanchij ningacuna.

1 CRÓNICAS 11:18

Shina nijpimi, chai quimsa c'ari c'ari runacunaca filisteocunapaj carpa huasi chaupita rishpa, Belén pueblo pungu c'uchupi tiyaj pugyu yacuta llujshichishpa japishpa Davidpajman apamurcacuna. Ashtahuanpish Davidca mana ubyasha nircachu. “Cai yacutaca Mandaj Diosmanmi cuni” nishpa tallishpami:

2 CRÓNICAS 20:3

Chaita huillajpica Josafatca manchashpami, Mandaj Diosman huillangapaj shunguhuantaj llaquirirca. Chashna llaquirishpaca, tucui Judá llajtapi causajcunamanmi mana micushpa Diosta mañachun huillajcunata cacharca.

NEHEMÍAS 9:27

Chaimi paicunata p'iñajcunapaj maquipi churarcangui. Paicunata p'iñajcunami llaquichircacuna. Chashna llaquichijpi llaquihuan cashpaca, quiquintami caparircacuna. Quiquinca jahua pachamantami uyarcangui. Quiquinca jatunta c'uyaj cashca shinallatajmi cacharichijcunata cacharcangui. Paicunata p'iñajcunapaj maquimanta quishpichingapajmi cacharcangui.

JOB 16:20

Ñucata rimajcunaca ñucahuan tandalla purijcunallatajmi. Ashtahuanpish Taita Diospaj ñaupajpimi, huiquita shitashpa mañasha.

JOB 3:24

Micunata micunapaj randica, shungurajmi llujshini. Aij nishpa caparishca shimicunaca, yacu shinami callpacun.

JOB 33:27

Taita Diosca runacunataca ricuracunmi. Shuj runa: Ñucaca juchatami rurashcani, allita ruranapaj randica, mana allitami rurashcani. Shina cashpapish, ima allita mana japishcanichu nijpica,

JOB 40:4

“Mandaj Dioslla, ñucaca imapaj mana valij runamari cani. ¿Imatataj canmanca cutichichun ninguiyari? Ashtahuanpish ñucaca maquihuanmi shimita taparipani.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

SALMOS 106:6

Ñucanchijca juchallishcanchijmari. Ñucanchij ñaupa yayacuna shinallatajmari juchallishcanchij. Millaitamari rurashcanchij. Mapatamari rurashcanchij.

SALMOS 119:136

Quiquin mandashcata mana pajtachishcamantami ñuca ñahuimanta huiquica jatun yacu shina rirca.

SALMOS 42:3

Tutapish, punllapish ñuca micunaca huiquillami carca. Punllantami ñucataca: “¿Maitagari cambaj Taita Diosca?” nincuna.

SALMOS 6:6

Tucui tutacunami ñuca sauna shutujyajta huacani. Ñuca camapipish ñuca huiquita jichacunillami. Huacana fuerzapish ña mana tiyanchu.

SALMOS 62:8

Gentecuna, paillapi shunguta churaichigari. Tucui causaipi paillata shuyaichigari. Tucui shunguhuan paipaj ñaupajpi mañaichigari. Taita Diosca ñucanchij paca tucunamari. Selah

JEREMÍAS 31:19

Canmanta anchurishca cashpapish, cunanca llaquirinimi. Ñucallataj mana allita rurashcata cunan yuyaita japishpamari, ñuca changata chugrichirini. Manataj cungaripaj, yallitaj pingai tucunica. Huambraraj cashpa juchata rurashcamantamari cashna pingai tucuni ninmi.

JEREMÍAS 36:9

Josiaspaj churi jatun mandaj Joacimca, Judá llajtataca ñami pichca huatata mandacurca. Chai huatapaj quillapimi Jerusalenpi causajcunatapish, Judá llajtapi caj tucui caishuj pueblocunamanta Jerusalenman shamujcunatapish Mandaj Diospaj ñaupajpi mana micushpa mañashun nircacuna.

JEREMÍAS 9:1

Ñuca uma pugyu tucujpica, ñuca ñahuicunamanta yacu huiñacuj shina huiqui llujshicujllapica, ñuca llajtapi causajcuna huañushcamantaca, tutapish punllapish huacacuimanllachari.

LAMENTACIONES 2:11

Ñuca aillupuracunaca chashna jatun llaquimi tucurca. Malta huahuacunapish, chuchucuj huahuacunapish pueblo chaupi pambacunapimi yaricaihuan urmashpa huañurcacuna. Chaita ricushpami shunguta allashpa llaquirishpa huacarcani. Ñuca ñahuicuna tucui yacuyacuj shinami huiquica llujshirca.

LAMENTACIONES 3:49

Manataj ashallatapish samarina tiyanchu. Chaimantami huacanataca, manataj upallashpa huacani.

LAMENTACIONES 5:16

Ñucanchij umapi tiyacushca coronamari urmashca. ¡Aij ñucanchijlla, juchata rurashcamantamari cunanca cashna llaquipi canchij!

EZEQUIEL 20:4

Huañujlla aichayuj runa, paicuna imalla rurashcataca canmi ricuchina cangui. Paicunapaj yayacuna millaita rurashcata rijsichishpaca,

OSEAS 5:1

Curacuna, caita uyaichij. Israelcuna, alli uyaichij. Mandana huasipi causaj mandajcuna uyaichij. Mizpa pueblopica, lazyana angu shinami carcanguichij. Tabor urcupica, urmachinapaj linchita tendishca shinami carcanguichij. Cancunapajmanca jatun llaquimi shamugrin.

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

LEVÍTICO 16:29

Tucui cai mandashcacunaca chashna ruracuchunlla mandashcami. Canchis quillapaj chunga punllapica cancunapaj alma llaquilla tucushpa, imata mana rurashpami samarina canguichij. Cancunapish, cancunahuan causacuj mana israelcunapish chai shinallataj rurachun.

LEVÍTICO 26:40

Chaipimi paicuna millaita rurashcatapish, paicunapaj ñaupa yayacuna millaita rurashcatapish, ima shinalla rurashpa ñucata c'ariyashcatapish, imamanta ñucata mana cazushcatapish ñucaman huillangacuna.

Lucas 15:18

Ñuca yayapaj huasiman tigrashalla. Chaiman chayashpaca: Yayitu, jahua pachapi caj Taita Diostapish, cantapish p'iñachishpami juchallishcani.

JOSUÉ 18:26

Mizpa, Cafira, Mozah,

JUECES 10:10

Chaimi israelcunaca Mandaj Diostaca: “Ñucanchijmi, can ñucanchij Diosta saquishpa, baal dioscunapajllata rurashpa can Diosta p'iñachishpa juchallishcanchij” nishpami caparishpa mañarcacuna.

JUECES 10:15

Israelcunaca Mandaj Diostaca: “Ñucanchijca juchallishcanchijmi. Cunanca cambaj ima ashtahuan alli canata rurailla. Cunan cai cutinllahuan ñucanchijta quishpichihuai” nishpami mañarcacuna.

JUECES 2:4

Mandaj Diospaj ángel chashna rimajpica, tucui israelcunami sinchita caparishpa huacarcacuna.

JUECES 20:23

Chaimantaca israelcunaca Mandaj Diospaj ñaupajpi tutayangacama huacashpami Mandaj Diostaca: “¿Benjaminpaj aillu ñucanchij huauquicunahuanca cutin macanacugrishunchu?” nishpa tapujpi, Mandaj Diosca: “Ari, macanacunaman huichiyaichijlla” nirca.

JUECES 20:26

Chaimi tucui israelcunapish, tucui soldadocunapish, Taita Diospaj huasiman huichiyarcacuna. Mandaj Diospaj ñaupajpi tiyarishpami chai punllaca tutayangacama mana micushpa huacarcacuna. Mandaj Diosman cuna cashcatapish cushpami tucui rupachishpa curcacuna. Taita Dioshuan alli cangapajpish curcacunami.

JUECES 3:10

Otonielca Mandaj Diospaj Espíritu paipaj jahuaman shamujpimi, israelcunapaj juez tucurca. Pai macanacunaman llujshijpica Siria llajtata jatun mandaj Cusan-risataimtaca Otonielpaj maquipimi Mandaj Diosca churarca. Chaimi Otonielca Cusan-risataimtaca misharca.

1 SAMUEL 1:15

Ashtahuanpish Anaca: –Ñuca amito, mana machashcachu cani. Vinotapish, sidratapish mana ubyarcanichu. Ashtahuanpish ñuca shungupi llaquihuan huañucuj huarmimari cani. Chaimi Mandaj Diospaj ñaupajpi shungu p'aquirishpa mañacuni.

1 SAMUEL 10:17

Chai q'uipami Samuelca, Mizpa pueblopi israelcunata Mandaj Diospaj ñaupajpi tandachishpa,

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.

1 SAMUEL 7:15

Samuelca tucui paipaj causaipimi israelcunata pushaj carca.