1 SAMUEL 5:4 - Dios Rimashca Shimicunami

⁴ Cayandij tutamantapish cutinllataj ricunapajca, Dagón diosca cungamanta urimanca Mandaj Diospaj arca ñaupajpimi urisinga siricushca carca. Dagonpaj umapish, paipaj ishqui maquipish p'itishcami pungu chaquipi quinriman churashca caspi jahuapi siricushca carca.

1 SAMUEL 5:4 Iomraidhean Croise

ISAÍAS 27:9

Chashna rurashpami Jacob millaita rurashcataca perdonanga. Rumimanta rurashca altarcunata tucui urmachishpa, cal rumicunata shina ñutu allpata saquishpa, Asera diosman rijchajcunataca ña manataj cutin rurashpa, intiman rijchaj dioscunatapish ña manataj rurashpami paicunapaj juchacunata perdonashcamanta p'ucushca granoca ricuringa.

ISAÍAS 40:20

Huajcha runaca polilla mana japina caspita mashcashpami, imatapish ruranata alli yachajta mashcashpa mana cuyurij diosta rurachin.

JEREMÍAS 10:11

Israelcuna, cashna nichigari: “Manapish cai pachata, jahua pachata ruraj dioscunaca allpamanta anchuchishca cachun. Chaipica shujllapish ama saquirichun” nichigari.

JEREMÍAS 10:14

Chaita ricushpaca tucui runacunami: “Imata mana yachaj, upami canchij” nishpa yuyarincuna. Diosta rurajcunapish cullquita yacuyachishpa diosta rurashcamantaca, pingai tucunmi. Pai rurashca diosca yangallamari. Causaillatapish mana charincunachu.

JEREMÍAS 10:15

Chaicunaca yangallami, imapaj mana valinchu. Dios llaquichi punllapica chingaringallami.

JEREMÍAS 50:2

“Llajtacunapi huillashpa yachaj chayachichigari. Banderacunatapish ricunallapi churashpa cashna huillaichigari: Babilonia puebloca shujtajpaj maquipi urmanca. Bel shuti diosca yallitaj pingai tucunca, Merodac diospish ñuturishcamari. Paicunapaj rurashcalla tucui dioscunamari ñutushca siricun nishpa caparichigari. Imata ama upalla saquirichijchu.

DANIEL 11:8

Chaipi tiyaj dioscunatapish, cullquita yacuyachishpa rurashca dioscunatapish, cullquimanta, curimanta rurashca sumaj charinacunatapish Egiptomanmi apanga. Chai q'uipaca uni huatacunatami janaj lado llajtata jatun mandajhuanca mana macanacunga.

MIQUEAS 1:7

Paicunapaj rurashcalla dioscunatapish p'aquishpa, ñutushami. Imalla japishcacunatapish ninapimi tucuita rupachisha. Chashnami paicunapaj dioscunataca tucuita chingachisha. Huainayaj huarmicunamantami imacunatapish japircacuna. Chai, japishcacunaca huainayaj huarmicunapajllamantajmi tigranga” nircami.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.