1 SAMUEL 5:3 - Dios Rimashca Shimicunami

³ Asdod pueblopi causajcuna cayandij tutamanta utca jatarishpa ricugrishpaca, Dagón diosca Mandaj Diospaj arca ñaupajpi urisinga siricujtami japircacuna. Dagón diostaca jatarichishpami, pai tiyanallapitaj churarcacuna.

1 SAMUEL 5:3 Iomraidhean Croise

1 REYES 18:26

Chaimi paicunaca Baalman cushca huagrata japishpa allichishpa altar jahuapi churashpa Baalpaj shutipi mañashpaca: “¡Baal ñucanchij mañashcata uyahuai!” nishpa, tutamantamanta chaupi punllacama mañarcacuna. Ashtahuanpish ima rimashca mana uyarircachu, pi imata mana cutichircachu. Paicuna rurashca altar muyundijtami caparishpa saltashpa puricurcallacuna.

SALMOS 115:7

Maquita charishpapish, mana imata japincunachu. Chaquita charishpapish, mana purincunachu. Cungata charijpipish ima rimashca mana uyarinchu.

SALMOS 97:7

Imamanpish rijchajta labrashpa rurashca dioscunapajta rurajcuna pingarichigari. Rurashcalla dioscunahuan jatun tucujcuna pingarichigari. Taita Diospaj ñaupajpica tucui dioscuna cumurichigari.

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ISAÍAS 19:1

Egipto llajta ima tucuna cashcataca cashnami huillachishca: Mandaj Diosca callpacuj p'uyupi tiyarishcami Egiptomanca yaicunga. Egiptopi tiyaj rurashcalla dioscunaca paipaj ñaupajpimi chujchungacuna. Egipciocunapish tucuicunami manchaihuan huañucungacuna.

ISAÍAS 40:20

Huajcha runaca polilla mana japina caspita mashcashpami, imatapish ruranata alli yachajta mashcashpa mana cuyurij diosta rurachin.

ISAÍAS 41:7

Carpinteroca cullquimanta imatapish rurajmanmi alli yuyaita cun. Martillohuan tacashpa llambujllata rurajca yunquepi fierrocunata tacajtami: “Cai fierroca allimari” nishpa alli yuyaita cun. Ama cuyurichunca clavocunahuan tacashpami sinchita ruran.

ISAÍAS 46:7

Rigra jahuapi aparishpa rishpaca, paita maipi churanapimi churancuna. Chaipica maiman mana cuyurishpa tiyacunllami. Caparijpipish imata mana cutichinchu. Llaquimantapish, mana quishpichinchu.

JEREMÍAS 10:8

Tucui paicunaca upacunami, imata mana yachajcunami. Paicunapaj yanta caspicunaca, imata mana yachachi tucunchu.

SOFONÍAS 2:11

Mandaj Diosca, paicunahuanca jatuntami p'iñaringa. Chaimanta cai pachapi tiyaj dioscunataca tucuitami chingachinga. Tucui llajtacunapi causajcunaca, tucuicunallatajmi paicuna maipi cashcallapitaj Diostaca cunguringacuna.

Marcos 3:11

Millai espiritucuna japishcacunapish Jesusta ricushpaca, paipaj ñaupajpi cungurishpa cumurishpaca: –¡Canca Taita Diospaj Churimi cangui!– nishpami caparircacuna.

1 SAMUEL 6:1

Mandaj Diospaj arcaca, canchis quillatami filisteocunapaj llajtapi carca.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.