1 SAMUEL 5:1 - Dios Rimashca Shimicunami

¹ Filisteocunaca Eben-ezerpi israelcunata Diospaj arcata quichushpaca Asdod pueblomanmi aparcacuna.

1 SAMUEL 5:1 Iomraidhean Croise

SALMOS 78:61

Pai tucuita rurai tucuj cashcata ricuchijtaca prezu apachunmi curca. Sumaj cashcata ricuchijtapish p'iñajcunapaj maquipimi churarca.

ISAÍAS 20:1

Asiria llajtata jatun mandaj Sargonca soldadocunata mandajtami Asdodman cacharca. Chai huatapi pai shamushpami Asdodpi causajcunahuan macanacushpa chai pueblotaca japirca.

AMÓS 3:9

Asdod pueblota mandajcunamanpish, Egipto llajtata mandajcunamanpish, paicuna mandana huasicunapi cashna nishpa huillagrichij: “Samaria urcuman tandanacushpa, chai llajtapi causajcuna millaita ruracujta ricugrichij. Paicunaca yallitaj llaquichishpami causacuncuna.”

Hechos 8:40

Felipeca, Azoto pueblopi ricurircallami. Azotomanta callarishpa Cesareaman chayangacamami tucui pueblocunapi alli huillaita huillashpa rirca.

JOSUÉ 11:22

Anaceocunaca, israelcuna japin llajtapica shujllapish mana saquirircachu. Chaicunaca israelcuna japishca llajtapica Gaza, Gat, Asdod pueblocunallapimi saquirircacuna.

JOSUÉ 13:3

Egiptomanta inti llujshin ladoman caj Sihor jatun yacumanta janaj lado Ecrón puebloman tupanacuncamami japina tiyanraj. Chai llajtacunaca cananeocunapajrajmi. Chai llajtacunataca Gaza, Asdod, Ascalón, Gat, Ecrón llajtacunata pichca jatun mandaj filisteocunami mandacun. Ura ladoman caj Aveocunapaj llajtatapish japinarajmi.

1 SAMUEL 4:1

Samuel rimashcaca tucui israelcunamanmi chayarca. Chai punllacunallatajmi israelcunaca, filisteocunahuan macanacungapaj llujshishpaca, Eben-ezer shuti pambapi carpa huasicunata shayachishpa tandanacurcacuna. Filisteocunapish Afec pueblo c'uchupimi, carpa huasicunata shayachishpa tandanacurcacuna.

1 SAMUEL 4:11

Taita Diospaj arcatapish quichurcami. Elipaj Ofni, Finees ishqui churicunapish huañurcami.

1 SAMUEL 4:22

“Taita Diospaj arcata quichushpa apashpaca, israelcunapi Diospaj sumaj canatamari anchuchishca” nircami.

1 SAMUEL 6:1

Mandaj Diospaj arcaca, canchis quillatami filisteocunapaj llajtapi carca.

1 SAMUEL 7:12

Samuelca, shuj rumita japishpami Mizpa pueblohuan, Sen pueblohuan chaupipi churarca. Chai rumitaca: “Mandaj Diosca ñucanchijtaca caicamami ayudan” nishpami, Eben-ezerta shutichirca.