1 SAMUEL 4:9 - Dios Rimashca Shimicunami

⁹ Filisteocuna fuerzarichij, c'ari c'ari caichij. Hebreocuna ñucanchijpajta rurashpa causashca shina ñucanchijpish, paicunapajta ama rurangapaj c'ari c'ari macanacuichij” ninacurcacunami.

1 SAMUEL 4:9 Iomraidhean Croise

2 SAMUEL 10:12

Taita Diospaj agllashcacunamanta, ñucanchij pueblomantaca c'ari c'ari cailla, c'ari c'ari cashunlla. Mandaj Dios paipaj ima shina alli canapaj rurachunlla” nirca.

ISAÍAS 14:2

Shujtaj llajta gentecuna japishpami paicuna maipi cashcaman apangacuna. Mandaj Diospaj llajtapi paicunapajta ruraj cachunmi churangacuna. Israelcunaca paicunata prezu apajcunataca paicunapish prezu apangacunami. Paicunata llaquichishpa causajcunataca paicunami mandangacuna. Ñaupaman paicunata llaquichijcunataca, paicunami mandashpa charingacuna.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

1 Corintios 16:13

Chaparaichij, crishcapi sinchi caichij. C'ari c'ari sinchicuna caichij.

JUECES 10:7

Mandaj Diosca nina sindirij shina israelcunahuan p'iñarishpami filisteocunapaj, amonitacunapaj maquipi churarca.

JUECES 13:1

Israelcunaca Mandaj Diospaj ñaupajpica cuntinllatajmi millaita rurarcacuna. Paicunataca Mandaj Diosca chuscu chunga huatacama llaquichichunmi filisteocunapaj maquipi churarca.

1 SAMUEL 14:21

Maijan hebreocunaca, ñaupamantami filisteocunapurapi causarcacuna. Chaimantami paicunaca filisteocunapaj soldadocunahuan tandanacungapaj huichiyarcacuna. Chai hebreocunaca Saulhuan Jonatanhuan caj Israel soldadocunapurami tucurcacuna.

1 SAMUEL 4:8

¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.