1 SAMUEL 4:8 - Dios Rimashca Shimicunami

⁸ ¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.

1 SAMUEL 4:8 Iomraidhean Croise

ÉXODO 15:14

Tucui llajtacunami uyanga. Chujchungacunami. Filisteocunaca jatun nanaihuanmi huañucungacuna.

ÉXODO 7:5

Egipto llajta jahuapi ñuca maquita chutashpa paicunapaj chaupimanta israelcunata llujshichijpimi, egipciocunaca ñucataca Mandaj Dios cashcata yachangacuna– nircami.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

Apocalipsis 11:6

Dios huillachishcata paicuna huillacui punllacunapi ama tamyachun, jahua pachata huichcai tucujcunami. Yacutapish yahuarta rurai tucujcunami. Cai pachatapish paicuna mashna cutin munashcata shujtaj shujtaj llaquicunahuan llaquichi tucujcunami.

1 SAMUEL 4:7

Filisteocunaca mancharinacushpami cashna ninacurcacuna: “Paicunapaj carpa huasicunamanca Diosmari shamushca. ¡Aij, ñucanchijlla! Cunancamaca manamari chashna carcachu” nishpami caparinacurcacuna.

1 SAMUEL 4:9

Filisteocuna fuerzarichij, c'ari c'ari caichij. Hebreocuna ñucanchijpajta rurashpa causashca shina ñucanchijpish, paicunapajta ama rurangapaj c'ari c'ari macanacuichij” ninacurcacunami.

1 SAMUEL 5:7

Chaita ricushpami, Asdod pueblopi causajcunaca: “Israelcunapaj Diospaj arcaca ñucanchijpurapica ama saquirichun, paipaj maquica ñucanchijtapish ñucanchij Dagón diostapish yallitajmi llaquichicun” ninacurcacuna.