1 SAMUEL 4:7 - Dios Rimashca Shimicunami

⁷ Filisteocunaca mancharinacushpami cashna ninacurcacuna: “Paicunapaj carpa huasicunamanca Diosmari shamushca. ¡Aij, ñucanchijlla! Cunancamaca manamari chashna carcachu” nishpami caparinacurcacuna.

1 SAMUEL 4:7 Iomraidhean Croise

ÉXODO 14:14

Mandaj Diosmi cancunamantaca macanacunga. Cancunaca imata mana ruranachu canguichij– nirca.

ÉXODO 14:25

paicunapaj carrocunapaj ruedacunatapish llujshijpi chai carrocunapish urata janajta llaqui tucurcacuna. Chaimi egipciocunaca: –Israelcunamanta anchushpa callpashunchij. Mandaj Diosmari paicunapaj randi egipciocunahuan macanacugrin– nircacuna.

DEUTERONOMIO 32:30

Paicunaca shujllamari huarangata manchachishpa catircacuna. Ishquillamari chunga huarangata callpachircacuna. Miticuna jatun Rumi shina ñucanchijta Mandaj Dios, paicunapaj maquipi churajpimari chashna rurarcacuna. Pai Diosllatajmi c'atuj shina paicunaman curca.

1 SAMUEL 4:6

Cushicushpa caparinacushcata filisteocuna uyashpaca: “Hebreocunapaj carpa huasicunapica ¿ima cushicui caparitashi caparicuncuna? nircacunami. Israelcunapaj carpa huasicunamanca Mandaj Dioshuan ari ninacushca arcata apamushcatami yachaj chayarcacuna.

1 SAMUEL 4:8

¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.