1 SAMUEL 4:4 - Dios Rimashca Shimicunami

⁴ Israelcunaca, Silo pueblomanmi taucacunata cacharcacuna. Paicunaca, querubincunapaj chaupipi tucuita Mandaj Dios causacun arcatami apamurcacuna. Elipaj churi Ofni, Finees shuti curacunapishmi shamurcacuna.

1 SAMUEL 4:4 Iomraidhean Croise

2 SAMUEL 15:24

Sadocpish Dioshuan ari ninacushcata huaquichina arcata apaj tucui levitacunandijmi ch'imbarca. Dioshuan ari ninacushca quillcata huaquichina arcataca Abiatarpaj c'uchupi tiyachishpami ch'imbarcacuna. Tucuicuna chai pueblomanta llujshishca q'uipami Abiatarpish chai arca c'uchumanta huichiyarca.

2 SAMUEL 6:2

Chaimantaca Davidca tucui paihuan cajcunandijmi Judapi caj Baalaman rirca. Diospaj arcata chaimanta apamungapajmi rirca. Chai arca jahuapi querubincunapaj chaupipimi tucuita Mandaj Diosca causan. Chaipimi imata cashpapish paiman mañana.

2 REYES 19:15

Ezequiasca Mandaj Diospaj ñaupajpica cashna nishpami mañarca: “Israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish, cai pachatapish canmi rurarcangui.

SALMOS 80:1

Israelcunata michij uyahuayari. Quiquinca Josepaj huahua huahuacunataca ovejacunata shina michijmi cangui. Querubincunapaj chaupipi cajlla achijyachihuayari.

SALMOS 80:2

Quiquin tucuita rurai tucuj cashcahuan Efrainpaj, Benjaminpaj, Manasespaj ñaupajpi shayariyari. Paicunata quishpichinaman shamuhuayari.

SALMOS 99:1

¡Mandaj Diosmari mandacun! Tucui llajtacunami chujchunga. Paica querubincunapaj jahuapimi tiyacun. Tucui cai pachami chujchunga.

ISAÍAS 37:16

“Tucuita Mandaj Dios, israelcunata Mandaj Dios, querubincunapaj chaupipimi causangui. Canllamari tucui cai pacha llajtacunapaj Dios cangui. Jahua pachatapish cai pachatapish canmi rurarcangui.

MALAQUÍAS 1:9

Chaimantaca: Cunanca Taita Dios ñucanchijpaj allita rurachun, ñucanchijta llaquichun mañapaichigari ninguichijmi. Ashtahuanpish chashna imapish mana allicunata cujpica, maitataj ñucaca cushicushari. Tucuita Mandaj Diostajmi chashna nini.

NÚMEROS 4:15

Israelcuna shujtajman rina tucujpica Diospajlla ch'icanchishca huasita, chai ucupi tucui imalla charinacunata Aarón, paipaj churicunandij ña tucui pilluchijpica, Coatpaj huahua huahuacuna chaicunata apanaman c'uchuyachun. Ashtahuanpish Diospajlla cajtaca imata ama tuparichun. Diospajlla cajta tuparishpaca huañungami. Dioshuan tupanacuna carpa huasipi imalla cajcunata Coatpaj huahua huahuacuna apanaca chaicunami.

NÚMEROS 4:5

Israelcuna causacushcamanta shujtaj ladoman rina tucujpica, Aaronhuan, paipaj churicunahuan shamushpa, Diospaj carpa huasita jarcachishca linsota pascashpa, chaihuanca Dioshuan ari ninacushca quillcata huaquichina arcata pilluchichun.

NÚMEROS 7:89

Dioshuan tupanacuna carpa huasipi Dioshuan rimangapaj Moisés yaicushpaca, Dioshuan ari ninacushca quillcata huaquichina arca jahuapi caj propiciatorio jahuapi caj ishqui querubincunapaj chaupimanta Dios rimajtami uyarca. Chashnami Diosca Moiseshuan rimaj carca.

1 SAMUEL 1:24

Ña huahuata raquishca q'uipaca huahua uchillaraj cajpipish, Mandaj Diospaj huasimanmi Silo puebloman aparca. Quimsa malta huagratapish, shuj efa cutatapish, shuj puñu vinotapishmi aparca.

1 SAMUEL 14:3

Efod nishcata apajca, Ahitob curapaj churi Ahiasmi carca. Ahitobca, Icabodpaj huauquimi carca. Ahitobca, Fineespaj churimi carca. Fineesca, Elipaj churimi carca. Elica, Silo pueblopimi Mandaj Diospajta ruraj cura carca. Israelcunaca Jonatán rishcataca mana yacharcacunachu.

1 SAMUEL 2:22

Elica ña yuyajmi carca. Israelcunata paipaj churicuna imallata rurajtaca yacharcami. Dioshuan tupanacuna huasi pungupi imalla rurana cashcata ruraj huarmicunahuan paipaj churicuna dormij cashcatapish yachashpami,