1 SAMUEL 4:3 - Dios Rimashca Shimicunami

³ Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.

1 SAMUEL 4:3 Iomraidhean Croise

2 SAMUEL 15:25

Jatun mandajca Sadoctaca: –Taita Diospaj arcataca puebloman tigrachilla. Mandaj Diospaj ñaupajpi ñuca alli ricurishca cajpica, paica ñucata ayudashpa arcatapish, paipaj carpa huasitapish cutin ricuchun tigrachimungami.

1 CRÓNICAS 17:1

Davidca paipaj huasipi ña causacushpami, profeta Natantaca: –Riqui, ñucaca cedro caspicunahuan rurashca huasipimari causacuni. Mandaj Diospaj arcaca linsocunahuan shayachishca ucullapimari tiyacun– nirca.

SALMOS 74:1

Taita Dioslla, ¿imamantataj ñucanchijtaca huiñaipaj yanganchinguiyari? ¿Imamantataj quiquinpaj q'uihua pambacunapi purij ovejacunahuanca nina sindirij shina p'iñaringuiyari?

SALMOS 74:11

¿Ima nishpataj quiquinpaj maquita tandanguiyari? ¿Ima nishpataj quiquinpaj alli maquita pecho ucupi pacanguiyari?

ISAÍAS 50:1

Mandaj Diosca cashnami nirca: “Cancunapaj mama Israelta ñuca shitashca cajpica shitashca cashcata ricuchij quillcaca ¿maipitagari? ¿Pimantaj ñucaca divishcaniyari? Chai divimantaca c'atushpa p'angangapajpish ñucaca ¿pimantaj diviyashcaniyari? Ashtahuanpish cancunataca millaicuna tucushcamantami c'aturcani. Cancunallataj c'ariyashcamantami cancunapaj mama Israeltaca shitarcani.

ISAÍAS 58:3

Cancunaca: Ayunajpipish mana uyajpica ¿imapajtaj ayunashunri? Ñucanchij llaquilla tucujpipish mana ricujpica ¿imapajtaj llaquilla tucushunri? ninguichijmi. Riquichij, cancuna ayunacui punllapica cancunapaj allitarajmi mashcanguichij. Cancunapaj trabajajcunatapish llaquichishpami charinguichij.

ISAÍAS 59:1

Riqui, Mandaj Diosca cancunata mana quishpichingapajca, mana maqui utuchu. Paipaj rinrinpish mana uyangapajca, mana uyajchari.

ISAÍAS 59:2

Ashtahuanpish cancuna millaita rurashcamari, cancunahuan cancunapaj Taita Dioshuan ch'icanchishca. Cancunapaj juchacunamari cancuna mañashcata ama uyachun Taita Diospaj ñahuita tapan.

JEREMÍAS 3:16

Mandaj Diosca cashnapishmi nin: “Cancuna mirarishpa, cai llajtapi achca huahuacunayuj tucui punllacunapica: Mandaj Dioshuan ari ninacushcata huaquichina cajón nishpa parlanacushcaca, ña mana uyaringachu. Chai cajón tiyashca canman ninallatapish, mana yuyangacunachu. Chai cajontaca mana yuyaringacunallapishchu, ña mana minishtingacunapishchu. Chai cajón shina shujtajtapish, ña mana rurana cangachu.

JEREMÍAS 7:4

Caica Mandaj Diospaj huasimari, caica Mandaj Diospaj huasimari, caica Mandaj Diospaj huasimari nishpa cancunata inquitajcunapica, ama shunguta churaichijchu.

NÚMEROS 10:33

Israelcunaca Mandaj Diospaj urcumanta rishpaca, quimsa punllacunatami purircacuna. Maipi carpa huasicunata shayachinata mashcashpami, quimsa punllata purishpa Mandaj Dioshuan ari ninacushca quillcata huaquichina arcata israelcunapaj puntapi apashpa ñaupashpa purircacuna.

NÚMEROS 10:35

Diospaj arcahuan ña puri callarijpica, Moisesca: “¡Mandaj Dios, jatariyari! ¡Quiquinta p'iñajcunataca caita chaita cachayari. Quiquinta mana ricunachijcunataca quiquinpaj ñaupajmanta callpachiyari!” nijmi carca.

NÚMEROS 31:6

Moisesca chai macanacuimanca cada aillumanta 1.000 soldadocunatami cacharca. Eleazar curapaj churi Fineesca Diospajlla ucupi tiyaj vasocunata, tocanapaj trompetacunatapish apashcami rirca.

DEUTERONOMIO 29:24

Shujtaj llajtacunapish: “¿Mandaj Diosca ima nishpashi chai llajtataca chashna rurarca? Mandaj Dios chai llajtahuan nina sindirij shina yallitaj p'iñarishcaca ¿imatashi nisha nin?” nishpami tapungacuna.

DEUTERONOMIO 31:26

“Cai mandashcacunata quillcashca librota japishpa, Mandaj Dios cancunapaj Taita Dioshuan ari ninacushca quillcata huaquichina arca c'uchullapi churaichij. Chaitaca cancuna imallata rurashcata ricuchij cachunmi chaipi churana canguichij.

2 Timoteo 3:5

Ricuipica Dios yuyailla caj shinami cangacuna. Ashtahuanpish paicuna rurashcahuanca Diosca mana tiyashca cashcatami ricuchingacuna. Chaicunamantaca anchuringui.

Hebreos 9:4

Chaipica incensiota rupachina curi altarpish, ari nishcata ricuchij tucuita curihuan llihuishca arcapishmi tiyarca. Chai arca ucupica, maná tandata huaquichina curi manga, Aaronpaj verdijlla tucuj vara, ari nishcata quillcashca tablajlla rumicunapishmi carca.

JOSUÉ 4:7

cashna huillanguichij: Mandaj Dioshuan ari ninacushca quillcata huaquichina arcata apashca Jordán yacuta ch'imbacujpimari chai yacuca p'itirishpa chaquirirca ninguichij. Chai rumicunami caya mincha cancunapaj tucui huahua huahua israelcunapaj yuyarina canga” nircami.

JOSUÉ 6:6

Chaimi Nunpaj churi Josueca, curacunata cayashpaca: “Cancunaca Dioshuan ari ninacushca quillcata huaquichina arcata apaichij. Cancunapuramanta canchis curacunaca carneropaj gachu bocinacunata apashpa, chai arcata apashcacunata ñaupashpa ringuichij” nirca.

JOSUÉ 7:7

Chaipimi Josueca: –¡Aij, Mandaj Jatun Dioslla! ¿Imapajtaj Jordán yacutaca ch'imbachircanguiyari? Amorreocuna ñucanchijta chingachichun, paicunapaj maquipi churangapajllamari ch'imbachishcangui. Jordán yacuta mana ch'imbashca cashpachari alli canchijman carca.

JOSUÉ 7:8

¡Aij, Jatun Dioslla! Israelcunaca paicunata p'iñajcuna mishajpimari callpashpa tigramushcacuna. ¿Cunanca imatataj nishari?

1 Pedro 3:21

Chai bautismoca cunan punlla quishpirinatami ricuchin. (Mana cuerpomanta mapatachu anchuchin. Ashtahuanpish alli yuyaihuan Diosman c'uchuyajtami ruran). Chaica Jesucristo causarishcamantami.

Judas 1:5

Cancuna yachashca cajpipish, caitami yuyachisha nini. Jatun Diosca, Egiptomanta israelcunata llujshichishca cashpapish, paicunapurapi paita mana crijcunataca huañuchircami.

1 SAMUEL 1:24

Ña huahuata raquishca q'uipaca huahua uchillaraj cajpipish, Mandaj Diospaj huasimanmi Silo puebloman aparca. Quimsa malta huagratapish, shuj efa cutatapish, shuj puñu vinotapishmi aparca.

1 SAMUEL 14:18

Chai punllapica Diospaj arcaca israelcunapurapimi carca. Chaimi Saulca Ahiastaca: –Diospaj arcata apamui– nirca.

1 SAMUEL 4:2

Filisteocuna macanacunalla tucushpa macanacushpaca israelcunatami misharca. Chai macanacuipica filisteocunaca 4.000 runacunatami huañuchircacuna.