1 SAMUEL 4:2 - Dios Rimashca Shimicunami

² Filisteocuna macanacunalla tucushpa macanacushpaca israelcunatami misharca. Chai macanacuipica filisteocunaca 4.000 runacunatami huañuchircacuna.

1 SAMUEL 4:2 Iomraidhean Croise

LAMENTACIONES 3:40

Ñucanchij ima shina causacushcataca callarishpa, alli yuyarishunchij. Chashna yuyarishpa, Mandaj Diosman cutirishunchij.

LEVÍTICO 26:37

Pipish mana caticujpimi, jatun macanacuimanta miticushpa ricuj shina rishpa caishuj chaishuj huajtarinacunguichij. Chashna cashcamantaca cancunata p'iñajcunahuancarin manataj macanacui tucunguichijchu.

NÚMEROS 14:45

Chaipimi chai urcupi causaj amalecitacunapish, cananeocunapish uriyamushpa israelcunahuan macanacushpa chugrichishpa mishashpaca, Horma shuti pueblocama catircacuna.

JOSUÉ 7:12

Paicunapish chingachinapajlla cajcuna tucushcamantami, paicunata p'iñajcunahuanca mana ch'imbapura shayari tucuncuna. Cancunapaj chaupimanta chai chingarinapaj tucushcata mana anchuchijpica, ña mana ashtahuan cancunahuan cashachu.

1 SAMUEL 17:21

Israelcunapish, filisteocunapish macanacungapaj macanacunalla tucushpami caishujpaj, chaishujpaj soldadocunahuan ch'imbapura shayarircacuna.

1 SAMUEL 17:8

Goliat chaipi shayarishpaca, Israel soldadocunataca: –Cancunaca ¿ima nishpataj macanacungapaj macanacunalla tucushpa shayacunguichij? ¿Manachu ñucaca filisteo cani? ¿Manachu cancunaca Saulpajta rurajcunalla canguichij? Ñucahuan macanacuchun cancunapuramanta shuj runata agllashpa cachaichij.

1 SAMUEL 4:1

Samuel rimashcaca tucui israelcunamanmi chayarca. Chai punllacunallatajmi israelcunaca, filisteocunahuan macanacungapaj llujshishpaca, Eben-ezer shuti pambapi carpa huasicunata shayachishpa tandanacurcacuna. Filisteocunapish Afec pueblo c'uchupimi, carpa huasicunata shayachishpa tandanacurcacuna.

1 SAMUEL 4:10

Filisteocuna macanacushpa israelcunata mishajpica, tucuicunami paicunapaj carpa huasicunapi miticugrircacuna. Chaipica yallitaj huañuimi tiyarca. 30.000 chaquillahuan purij Israel runacunami huañurcacuna.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.