1 SAMUEL 4:1 - Dios Rimashca Shimicunami

¹ Samuel rimashcaca tucui israelcunamanmi chayarca. Chai punllacunallatajmi israelcunaca, filisteocunahuan macanacungapaj llujshishpaca, Eben-ezer shuti pambapi carpa huasicunata shayachishpa tandanacurcacuna. Filisteocunapish Afec pueblo c'uchupimi, carpa huasicunata shayachishpa tandanacurcacuna.

1 SAMUEL 4:1 Iomraidhean Croise

1 REYES 20:26

Shuj huata q'uipami, Ben-adadca pai mandacun Siria llajtapaj soldadocunaca mashna cashcata ricushpa, israelcunahuan macanacungapaj Afec pambaman shamurca.

1 REYES 20:30

Chaipi mana huañuj maijancunaca Afec pueblopi miticugrijpimi, chai pueblo muyundij jatun pirca paicunapaj jahuapi urmashpa 27.000 siriocunata huañuchirca. Ben-adadpish chai pueblopi miticugrishpaca, shuj huasipi yaicushpami caishuj ucuman chaishuj ucuman miticushpa puricurca.

SALMOS 83:7

Gebalpi causajcuna, amonitacuna paicunami chashna shuj yuyailla tucushcacuna. Amalecitacunapish, filisteocunapish, Tiropi causajcunapish shuj yuyaillami tucushcacuna.

DEUTERONOMIO 29:10

Cunanca tucui cancunami Mandaj Dios cancunapaj Taita Diospaj ñaupajpi canguichij. Cancunapaj ailluta mandajcunapish, cancunata cunaj yuyajcunapish, ayudashpa mandajcunapish tucui Israel c'aricunapish,

JOSUÉ 12:18

Afecta jatun mandajta, Saronta jatun mandajta,

JOSUÉ 13:4

Cananeocuna causan tucui llajtatapish, sidoniocuna causan Mehara pueblomantaca, Afec pueblohuan tupanacuj llajtacunacamami israelcuna japinaraj tiyan.

JOSUÉ 15:53

Janum, Bet-tapúa, Afeca,

JOSUÉ 19:30

Uma, Afec, Rehob pueblocunapishmi carca. Chai pueblocunandijca ishqui chunga ishqui pueblocunami, muyundij llajtacunandij paicunapaj carca.

1 SAMUEL 10:19

Ashtahuanpish cancunaca, jatun llaquicunahuan huacashpa causacushcamanta llujshichimuj cancunapaj quiquin Diosta yanganchishpamari shuj jatun mandajta churayari nircanguichij. Chaimanta cunanca tucui aillucuna, tucui familiacuna Mandaj Diospaj ñaupajpi shayarichij– nircami.

1 SAMUEL 29:1

Filisteocunaca tucui paicunapaj soldadocunatami Afec pambapi tandachircacuna. Israelcunapish Jezreelpi caj yacu pugyu c'uchupimi carpa huasicunata shayachircacuna.

1 SAMUEL 3:11

Chaimi Mandaj Diosca Samueltaca: –Cai israelcunapurapica mancharinatami ruragrini. Chaita uyajcunapajca ishquindij rinrincunapimi uyaricujlla shina saquiringa.

1 SAMUEL 4:2

Filisteocuna macanacunalla tucushpa macanacushpaca israelcunatami misharca. Chai macanacuipica filisteocunaca 4.000 runacunatami huañuchircacuna.

1 SAMUEL 5:1

Filisteocunaca Eben-ezerpi israelcunata Diospaj arcata quichushpaca Asdod pueblomanmi aparcacuna.

1 SAMUEL 7:12

Samuelca, shuj rumita japishpami Mizpa pueblohuan, Sen pueblohuan chaupipi churarca. Chai rumitaca: “Mandaj Diosca ñucanchijtaca caicamami ayudan” nishpami, Eben-ezerta shutichirca.