1 SAMUEL 26:9 - Dios Rimashca Shimicunami

⁹ Chaimi Davidca Abisaitaca: –Ama huañuchichu. Mandaj Dios churashca mandajta maijanpish paipaj maquihuan huañuchishpaca ¿maitataj juchachina illajca saquiringari?– nirca.

1 SAMUEL 26:9 Iomraidhean Croise

2 SAMUEL 1:14

Chaimi Davidca: –Mandaj Dios churashca jatun mandajta cambaj maquihuan huañuchinataca ¿ima nishpataj mana mancharcanguiyari?– nishpa,

2 SAMUEL 1:16

–Mandaj Dios churashca jatun mandajta ñucami huañuchircani nishpa cambaj shimillahuantaj huillashcamantaca cambaj yahuarmantaca cambaj jahuallatajmi canga– nircami.

2 SAMUEL 19:22

Shina nijpi, Davidca: –Sarviapaj churicuna, cancuna ñucata p'iñajcuna tucuchunca cancunapajca ¿ima mana allitataj rurashcaniyari? Manachari ñucaca tucui israelcunata jatun mandaj cani. Chashna cajpica israelcunaca maijanpish mana huañungachu– nircami.

SALMOS 105:15

“Ñuca agllashcacunataca ama tuparinguichij. Ñuca profetacunataca, ama llaquichinguichij” nircami.

SALMOS 17:4

Gentecuna rurashca shinaca cambaj shimita yachashcamantami mana rurani. Millaicunata catina ñanmantaca huaquichirishcanimi.

SALMOS 57:1

Taita Dios ñucata llaquihuayari. Ñucata llaquihuayari. Ñuca almaca quiquinpimari shunguta churan. Quiquinpaj alas llandupimi miticusha. Llaquicuna tucuringacamami miticusha.

SALMOS 7:4

Ñucahuan alli caj ñucapaj allita ruraj runatachu mana allihuan cutichircani imatagari. Ashtahuanpish ñucata yangamanta p'iñajtapish llaquimanta llujshichircanimari.

1 SAMUEL 10:1

Chaipimi Samuelca, shuj botella aceiteta Saulpaj umapi tallishpa muchashpaca: –Mandaj Diosmi paipaj israelcunata mandaj cachun, aceitehuan churan.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.

1 SAMUEL 26:8

Chaipimi Abisaica Davidtaca: –Cunanmari Taita Diosca canta p'iñajtaca cambaj maquipi churashca. Cunanca paipaj lanzallatataj japishpa shuj cutin pambacama pasajta satishpa huañuchisha, ama jarcanguichu– nirca.