1 SAMUEL 26:6 - Dios Rimashca Shimicunami

⁶ Davidca heteo Ahimelecta, Joabpaj huauqui Sarviapaj churi Abisaitaca: –Carpa huasicunata shayachishpa Saúl maipi canmanca ¿maijantaj ñucahuan uriyashun ninguichij?– nijpi Abisaica: –Ñuca canhuan uriyasha– nirca.

1 SAMUEL 26:6 Iomraidhean Croise

GÉNESIS 10:15

Canaanca Sidón, Het shuti churicunatami charirca. Canaanpaj punta churica Sidonmi carca.

GÉNESIS 15:20

heteocunapaj, ferezeocunapaj, refaitacunapaj,

GÉNESIS 23:3

Abrahamca paipaj huarmi huañushca chaimanta jatarishpa rishpaca, Hetpaj huahuacunatami cashna nigrirca:

GÉNESIS 26:34

Esauca chuscu chunga huatayuj cashpami, heteo Beeripaj ushushi Judittapish, heteo Elonpaj ushushi Basemattapish paipaj huarmi cachun japirca.

2 SAMUEL 11:21

Jerobaalpaj churi Abimelectaca ¿Pitaj huañuchirca? ¿Manachu shuj huarmilla pirca jahuamanta cutana molino mirga rumita shitashpa huañuchirca? Tebes pueblopica pircaman yalli c'uchuyashcamantami chashna huañurca. Chashna cana cashcamanta ¿imapajtaj pircamanca yalli c'uchuyarcanguichij? ningachari. Shina nijpi canca: Cambajta ruraj heteo Uriaspishmari huañun ningui” nircami.

2 SAMUEL 11:24

Chashna cajpipish flechata shitajcunamari pirca jahuamanta cambajta rurajcunata flechacunahuan shitarcacuna. Chaimari can jatun mandajpajta ruraj maijancunaca huañuncuna. Cambajta ruraj heteo Uriaspishmi huañun– nircami.

2 SAMUEL 11:6

Chaimi Davidca: “Heteo Uriasta ñucapajman cachai” nishpa Joabman huillachun cacharca. Joabca Uriastaca Davidpajmanmi cacharca.

2 SAMUEL 12:9

Mandaj Diospaj ñaupajpi millaita rurashpa ¿ima nishpataj paipaj shimitaca, manapish ima cashcata shina rurarcanguiyari? Heteo Uriasta espadapi huañuchishpami, paipaj huarmitaca cambaj cachun japircangui. Paitaca amonitacunapaj espadapi huañuchunmi cacharcangui.

2 SAMUEL 18:5

Jatun mandajca chai macanacuiman cachacushpaca Joabtapish, Abisaitapish, Itaitapish: –Ñucata c'uyashpaca, Absalón huambrataca ama llaquichinguichijchu– nircami. Absalonta ama llaquichinguichij nishpa jatun mandaj soldadocunata pushajcunata mandacujtaca tucuicunami uyarcacuna.

2 SAMUEL 2:13

Sarviapaj churi Joabpish, Davidpajta rurajcunandij Hebronmanta llujshishpa rishpami, Gabaonpi caj yacu tanque c'uchupi Is-bosethuan tupanacurca. Chaipimi shujcunaca yacu tanque shuj ladoman, caishujcunaca chaishuj ladoman shayarircacuna.

2 SAMUEL 2:18

Chaipica: Sarviapaj Joab, Abisai, Asael quimsa churicunapishmi carca. Chai Asaelca urcupi purij tarugapaj chaquicuna shina yallitaj callpaj chaquicunayujmi carca.

2 SAMUEL 23:18

Sarviapaj churi Joabpaj huauqui Abisaica, soldadocunata mandaj quimsa chungacunata mandajmi carca. Paipaj lanzahuan 300 runacunata huañuchijmari paica. Chaimantami paica chai quimsa runacuna shinallataj alli nishca tucurca.

2 SAMUEL 23:34

Maacapaj churi Ahasbaipaj churi Elifeletpish, Gilomanta caj Ahitofelpaj churi Eliampish,

2 SAMUEL 23:39

heteo Uriaspishmi carca. Tucui paicunaca quimsa chunga canchiscunami carca.

1 REYES 10:29

Egipto llajtapica carroca, 600 cullquimi valij carca, caballoca 150 cullquimi valij carca. Chaicunataca Salomonpaj randishpa, c'atushpa purijcuna Egiptomanta apamujpimi heteocunata, Siriocunata jatun mandajcunaca paicunaman randijcuna carca.

2 REYES 7:6

Mandaj Diosmi sirio soldadocunapaj rinrinpica macanacuna carretacunapi, caballocunapi huaranga huaranga soldadocuna shamujta uyachishca carca. Chaimi chai soldadocunaca: “Israelcunata jatun mandajca, heteocunata jatun mandajcunamanpish, Egiptota jatun mandajcunamanpish cullquita cushpamari, ñucanchijhuan macanacuchun pushamushca yuyachin” ninacurcacuna.

JOSUÉ 3:10

Josueca cashnapish nircami: “Cancunaca caita ricushpami causaj Dios cancunahuan cashpa, chai Canaán llajtapi causacuj heteocunata, heveocunata, ferezeocunata, gergeseocunata, amorreocunata, jebuseocunata cancunapaj ñaupajmanta llujshichishpa cachanataj cashcata yachanguichij.

1 SAMUEL 26:7

Chai tutallatajmi Davidhuan, Abisaihuanca Saulpish, paipaj soldadocunapish maipi canman rircacuna. Saulca carpa huasi ucupimi, paipaj sauna pambapi lanzata shayachishpa huañuita dormicurca. Abnerpish soldadocunandijmi Saulpaj muyundijpi huañuita dormicurcacuna.