1 SAMUEL 26:2 - Dios Rimashca Shimicunami

² Chaimi Saúl jatarishpaca Zifpi tiyaj shitashca c'acacunaman rirca. Paica Davidta mashcangapajmi israelcunamanta agllashca 3.000 runacunata paihuan pushashpa, chai Zifpi tiyaj shitashca c'acacunaman rirca.

1 SAMUEL 26:2 Iomraidhean Croise

SALMOS 38:12

Ñucata huañuchishun nicujcunaca, laziyanapaj angutami rurancuna. Ñucata llaquichishun yuyacujcunaca, millaitami rimancuna. Ñucata ima shina umanatami punllanta yuyarincuna.

1 SAMUEL 13:2

3.000 Israel runacunatami agllarca. Micmas pueblopi, Bet-el urcupica 2.000 runacunami Saulhuan carca. Gabaapi caj Benjaminpaj aillupi caj Jonatanhuanca 1.000 runacunami carca. Shujtajcunataca paicunapaj carpa huasiman richunmi cacharca.

1 SAMUEL 24:17

Davidtaca: –Canca ñucata yalli cashcata rurajmari cangui. Ñuca canta llaquichicujpipish, canca ñucapajca allita rurashpamari ricuchingui.

1 SAMUEL 24:2

Chaimi Saulca tucui israelcunapuramanta, 3.000 agllashca runacunata pushashpa, Davidtapish, paipaj runacunatapish sacha chivocuna causana c'acacunapi mashcanaman rirca.

1 SAMUEL 24:3

Chaipica ñan c'uchullapi tiyaj ovejacunapaj corralman chayashpami, Saulca chai c'uchullapi tiyaj jutcupi mapangapaj yaicurca. Chai jutcu ucu c'uchumanca Davidpish, paihuan caj runacunapishmi tiyacurcacuna.