1 SAMUEL 26:10 - Dios Rimashca Shimicunami

¹⁰ Davidca cashnapishmi nirca: –¡Mandaj Diosca causajmi! Mandaj Diosmi huañuchinga, mana cashpaca huañuna punlla chayajpimi huañunga. Mana cashpaca macanacuiman rishpami chingaringa.

1 SAMUEL 26:10 Iomraidhean Croise

GÉNESIS 47:29

Israelca paipaj causai ña tucurigrijpimi paipaj churi Joseta cayashpaca: –Canpi ñuca alli cashca cajpica, cunanca cambaj maquita ñuca changa jahuapi churashpa can ñucata llaquishpa chaitataj pajtachina cashpaca Egiptopi ñucata amataj pambangapaj ari nichunmi rogapani.

JOB 14:14

¿Runaca huañushpaca, cutin causaringachu? Ñuca causashcacamaca ñucapaj quishpirina chayamungacama, punllanta shuyacushallami.

JOB 14:5

Paipaj causaica asha punllacunacamallamari. Pai causana quillacunapish cambaj c'uchullapimari. Can churashcamantaca, mana yallitaj causangachu.

JOB 7:1

Cai pachapi causaj runaca shaicuitami imatapish rurashpa causan. Paipaj punllacunaca, trabajaj runapaj punllacuna tucuricuj shinami tucuricun.

SALMOS 37:10

Millaicunaca ñallami mana tiyanga. Paicuna tiyacushcapi ricujpica ña mana ricuringachu.

SALMOS 37:13

Jatun Diosca, millaita rurajtaca asingami. Millaita rurajpaj punlla ña chayamucushcamantami asinga.

SALMOS 94:23

Paimari millaicunapaj juchataca, paicunapaj jahuallamantaj tigrachinga. Paicuna millaita rurashcallapitajmari paicunataca chingachinga. Ñucanchijta Mandaj Taita Diosmi paicunataca tucuchinga.

ECLESIASTÉS 3:2

Huacharinapajpish, huañunapajpish, tarpunapajpish, tarpushcata aisashpa shitangapajpish shuj punllami chayan.

Lucas 18:7

Taita Dioscarin tutapish punllapish pai agllashcacuna caparijpica, ¿manachu imatapish mana uniyashpalla paicuna mañashcata cutichinga?

Romanos 12:19

Ñuca c'uyashcacuna, cancunata llaquichijcunataca cancunallatajca ama llaquichishun nichijchu, ashtahuanpish Dios llaquichichun saquichij. Cashnami quillcashca tiyacun: “Ñucami llaquichisha, ñucami paicuna japina cashcataca cusha” ninmi Jatun Diosca.

DEUTERONOMIO 31:14

Chai q'uipami Mandaj Diosca Moisestaca: “Riqui, ñami can huañuna punllaca quichquiyamun. Ñucahuan tupanacuna carpa huasiman Josueta cayashpa chaipi shuyaichij. Chaipimi imalla rurana cashcataca mandasha” nircami. Moisespish, Josuepish Dioshuan tupana carpa huasiman rishpami chaipi shuyarcacuna.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

Hebreos 10:30

Jatun Diosca cashnami nin: “Ñucami paitapish llaquichisha, pai japina cashcatapish ñucami cusha” ninmi. Shinallataj cutinmi: “Jatun Diospaj cajcunataca paillatajmi imalla rurashcacunataca ricuchinga” ninmi.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.

1 SAMUEL 24:12

Cantapish, ñucatapish ima shina cashcataca Mandaj Diosllataj ricuchichun. Ñucata llaquichishcamantaca Mandaj Diosllataj canta llaquichichun. Ñuca maquihuanca cantaca manataj llaquichishachu.

1 SAMUEL 24:15

Imalla rurashcata ricuchijca Mandaj Dios cachun. Canpish ñucapish imalla rurashcataca paimi ricuchinga. Ñuca ima shina cashcataca Mandaj Dios ricushpa, cambaj maquimantapish pai ñucata mitsachun– nircami.

1 SAMUEL 25:26

Cunanca ñuca amito. ¡Mandaj Diosca causajmi, canpish causacunguimi! Canta llaquichijcunata cambaj maquihuantaj yahuarta jichashpa huañuchinaman shamucujtaca Mandaj Diosmi jarcashca. Can ñuca amota p'iñashpa llaquichisha nicujcunataca, Nabalta shinallataj tucuicunata llaquichishca cachun.

1 SAMUEL 25:38

Chunga punllacuna q'uipaca, Nabalca Mandaj Dios huañuchijpimi huañurca.

1 SAMUEL 25:39

Chai q'uipaca Davidca Nabal huañushcata uyashpami: –Mandaj Diosca alli nishca cachun. Mandaj Diosca ñucata llaquichishcamantami Nabaltaca llaquichishca. Paipajta ruraj ñucataca millaita ruranamantami huaquichishca. Nabal mana allita rurashcataca Mandaj Diosca paipaj jahuallamantajmi tigrachishca– nirca. Chai q'uipami Davidca paipajta rurajcunataca Abigailmanca ñuca huarmi cachun cantaca japigrinimi nishpa huillanaman cacharca.

1 SAMUEL 31:4

Saulca, paipaj escudota apajtaca: –Circuncisionta mana rurashca runacuna shamushpa ñucata ama asichun, paicunapaj espadahuan ama huañuchichun cambaj espadata surcushpa, huañuchi– nirca. Chashna nijpipish, Saulpaj escudota apaj runaca yallitaj manchashpami, mana imata rurarca. Chaimi Saulca paipaj espadallatataj japishpa, paillataj satirishpa huañurca.

1 SAMUEL 31:6

Saulpish, paipaj quimsa churicunapish, paipaj escudota apajpish, tucui paipaj runacunapish chai punllallatajmi tucuicuna chashna huañurcacuna.