1 SAMUEL 22:2 - Dios Rimashca Shimicunami

² Llaquichishca causacujcunapish, ima mañashcata mana tigrachi tucujcunapish, yuyaipi llaquilla cajcunapish tucuicunami tandanacurcacuna. Davidtaca paicunata mandaj cachunmi churarcacuna. Paihuanca 400 shina gentecunami carca.

1 SAMUEL 22:2 Iomraidhean Croise

2 SAMUEL 17:8

Husai runaca cashnapishmi nirca: –Cambaj yayapish paihuan caj runacunapish c'ari c'aricuna cashcataca canllataj yachanguimi. Cunancarin mama osa paipaj huahuata quichushcamanta yallitaj p'iñarishca sachapi puricuj shinami canga. Cambaj yayaca macanacuipi ima shina canata alli yachajmi. Chaimanta cunan tutaca mana paihuan caj runacunahuanchu canga.

2 SAMUEL 5:2

Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

2 REYES 20:5

“Ñuca agllashcacunata mandaj Ezequiaspajman tigrashpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi. Can huacashcatapish ricunimi. Cantaca alliyachigrinimi, quimsa punllapica Mandaj Diospaj huasiman huichiyanguimi.

2 REYES 4:1

Profeta canata yachacujcunapaj shuj huarmimi: –Cambajta ruraj ñuca cusaca ñami huañurca. Cambajta ruraj paica Mandaj Diosta manchajmi carca. Chaitaca canllataj yachanguimi. Ashtahuanpish cullquita ñucanchijman mañachij runamari paipajta ruraj cachun ñuca ishqui churicunata apasha nicun– nishpami Eliseota caparirca.

PROVERBIOS 31:6

Sidrataca llaquilla causajcuna ubyachun cuichijlla, vinotapish shaicushca cajcuna ubyachun saquichijlla.

Mateo 11:12

Bautizaj Juan huillai callarishca punllamanta cunancamami, jahua pachamanta mandacunca llaquita apacun. Chai mandacunman yaicusha nijcuna ama yaicuchunmi millaicunaca chingachisha nicuncuna.

Mateo 11:28

Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha.

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

JUECES 11:3

Chaimi Jefteca paipaj huauquicunamanta miticushpa, Tob llajtapi causagrirca. Q'uilla runacuna paihuan tandanacujpimi, paica paicunahuan llujshij carca.

JUECES 18:25

Danpaj aillupish: –Ñucanchijtaca ama caparishpa catichijchu, ñataj ñucanchijpuramanta maijan yallitaj p'iñarishpa cantapish, cambaj huasi ucupuracunatapish huañuchinman– nircacunami.

1 SAMUEL 1:10

Chaipimi Anaca shungumanta llaquirishpa achcata huacashpa Mandaj Diosta mañarca. 0

1 SAMUEL 22:3

Chaimantaca Davidca, Moabpi caj Mizpaman rishpami Moab llajtata jatun mandajtaca: –Dios ñucata imata ruranata yachangacama ñuca yaya mamata mingui tucupai– nishpami,

1 SAMUEL 23:13

Davidca paihuan caj 600 shina runacunandij Keila pueblomanta llujshishpaca, maiman rinata mana yachashpami caiman chaiman puricurcacuna. Keila pueblomanta David miticushpa rishcata Saulman yachaj chayachijpica, paica ña mana rishpami saquirircalla.

1 SAMUEL 25:13

Chaimi Davidca paipaj runacunataca: –Tucuicuna cancunapaj espadahuan caj chumbillirinata chumbillirichij– nijpica, tucuicuna paicunapaj espadahuan caj chumbillirinata chumbillirircacuna. Davidpish espadahuan caj paipaj chumbillirinatami chumbillirirca. Chashnami Davidca 400 runacunata ñaupashca huichiyarca. 200 runacuna shinataca imalla charishcacunata cuidachunmi saquirircacuna.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.

1 SAMUEL 9:16

“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.