1 SAMUEL 2:9 - Dios Rimashca Shimicunami

⁹ Jucha illaj paipaj cajcunataca maita purinapipish paimi huaquichin. Ashtahuanpish Diosta mana manchajcunaca, amsapimari chingarin. Maijanpish quiquin fuerzallamantaca, mana imata rurai tucunchu.

1 SAMUEL 2:9 Iomraidhean Croise

JOB 18:18

Achijmantaca amsaman shitashcami canga. Cai pachamantaca anchuchishcami canga.

JOB 40:13

Paicunataca tucuicunata allpahuan pambayari. Ñahuillapish ama ricuchun amsapi huichcayari.

JOB 5:16

Huajcha runaca paillatami shuyan. Millaicunataca millaita rurashcallatajmi shimitaca huichcanga.

JOB 5:24

Cambaj huasipica sumaj causai tiyashcatami yachaj chayangui. Can causana huasita ricunaman yaicushpaca, imapish mana illashcatami ricungui.

SALMOS 1:6

Cashcata rurajcunapaj causaitaca Mandaj Diosca rijsinmi. Ashtahuanpish millaicunapaj causaica chingaringallami.

SALMOS 105:37

Israelcunataca cullquindij, curindijmi llujshichimurca. Paicunapaj aillucunapurapica ungushcacunaca mana tiyarcachu.

SALMOS 121:3

Paica cambaj chaqui lluchcarichunca mana saquingachu. Canta huaquichijca mana dormiringallapishchu.

SALMOS 121:5

Mandaj Diosca canta huaquichijmi. Mandaj Diosca cambaj alli maqui ladopi llandujmi.

SALMOS 121:8

Mandaj Diosmi cambaj llujshinapi, cambaj yaicunapi huaquichinga. Cunanpish, tucui causaipipish paimi huaquichinga.

SALMOS 145:20

Mandaj Diosca tucui paita c'uyajcunatami huaquichin. Ashtahuanpish tucui millaicunataca chingachingami.

SALMOS 31:17

Mandaj Dioslla, ñucaca quiquinta mañashpa causajmi cani. Ñuca pingai tucuchun ama saquihuaichu. Quiquinta mana rijsijcunataca pingachishca cachun. Seolman shitashca cachun.

SALMOS 37:28

Mandaj Diosca, ima pandata mana rurajtami c'uyan. Paipaj agllashcacunataca mana saquinchu. Paicunataca huiñaipajmi huaquichinga. Ashtahuanpish Diosta mana rijsijcunapaj huahuacunataca ñutuchingami.

SALMOS 94:18

“Ñuca chaqui lluchcaricunca” nishpa ñuca huillajpica, Mandaj Dioslla quiquin llaquij cashcahuanmi charihuarcangui.

SALMOS 97:10

Mandaj Diosta c'uyajcunaca, millaita ruranataca p'iñaichigari. Paipajlla caj jucha illajcunapaj almataca paimi huaquichin. Paita mana rijsijcunapaj maquimantapish paimi quishpichin.

PROVERBIOS 16:9

Runacuna shungupi imata yuyarijpipish, Mandaj Diosmi pai munashca shina pushan.

PROVERBIOS 2:8

Cashcata rurajcunata cuidajmi, paipajllacunata huaquichijmi.

PROVERBIOS 3:26

Mandaj Diosllapimi shunguta churangui. Ima mana allipi cambaj chaqui huashicunamantapish paica huaquichingami.

ECLESIASTÉS 5:17

Ashtahuantajcarin tucui causaipimi llaquihuan, nanaihuan llaquirishpalla trabajashpa causanchij.

ECLESIASTÉS 9:11

Inti achijyachicun cai pachapica caitapishmi ricuni: Mishanacuipica mana alli callpajcunallachu mishancuna. Macanacuipipish mana c'ari c'aricunallachu mishancuna. Micunatapish mana yachajcunallachu allita micuncuna. Charijyanatapish mana alli yuyaiyujcunallachu charijyancuna. Chasquinatapish mana sumajta rimajllata alli chasquincunachu. Ashtahuanpish ima punlla ima tucuna cashpaca, chashna tucunllami.

ISAÍAS 27:3

“Mandaj Dios ñucami cuidaj cani. Punllapi cutin cutinmi yacutapish churasha. Pi ama llaquichichun tutai punllami cuidasha.

ISAÍAS 47:5

“Caldeocunapaj ushushi, upajlla tiyarishpa amsaman yaicui. Cantaca: Llajtacunata mandaj huarmi ña mana ningacunachu”.

JEREMÍAS 8:14

Ñucanchijta Mandaj Diostamari juchahuan p'iñachishcanchij. Chaimantamari paica hielhuan chagrushca yacuta ubyachishca. Chashna cashcamantaca ¿imapajtaj caipica tiyacushunri? Tucui ñucanchijta huañuchichunca tandanacushpa, jatun pircacunayuj pueblocunaman jacuchijlla.

JEREMÍAS 9:23

Mandaj Diosca cashnami nin: “Yachajpish ama pai yachashcallahuan cushicuchun. C'ari c'ari runapish, ama c'ari c'ari cashcallamanta cushicuchun. Charij runapish, ama pai charishcacunallamanta cushicuchun.

NAHUM 1:8

Ashtahuanpish paita p'iñajcunataca, yacupi cachashpami tucuchinga. Paita mana ricunachijcunapajca, manchanana amsa shinami llaquica shamunga.

SOFONÍAS 1:15

Chai punllaca llaqui, huacai, nanarina, caparirina, tucurina punllami canga. Chai punllaca manchanana amsa tuta, p'uyuhuan tapashcapish, amsajlla tutapishmi canga.

ZACARÍAS 4:6

Chaimantami chai angelca, ñucamanca cashna nirca: “Zorobabelmanmi Mandaj Diosca cashna nin: Mana soldadocunallahuanchu, mana c'ari c'ari macanacushpallachu mishangui. Ashtahuanpish ñuca Espirituhuanmari mishangui.

NÚMEROS 6:24

Mandaj Diosca cancunata alli cashca cachun nichun. Mandaj Diosca cancunata huaquichichun.

Mateo 8:12

Ashtahuanpish Taita Dios mandacujpi chaipi cana cashcacunarajmi, amsapi canllaman shitashca cangacuna. Chaipica huacangacunami, nanaihuanpish quirucunata caniringacunami– nircami.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

DEUTERONOMIO 33:3

Paipajlla cajcunataca c'uyanmi. Paipajlla cachun tucui ch'icanyachishcacunaca paipaj maquipimi. Chaimi paicunaca can purishcata catircacuna. Quiquin yachachishcata catishpami chashna purircacuna.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

2 Pedro 2:17

Chai yachachijcunaca, manapish yacu llujshicuj pugyucuna shinami. P'uyuta acapana apashca shinami. Chaicunapajca tucuita yalli amsami huiñaipaj ch'icanchishca tiyacun.

Judas 1:1

Jesucristopajta ruraj Judas, Jacobopaj huauquimi cani. Dios Yaya cayashpa, jucha illajta rurashpa agllashcacunamanmi quillcani: Cancunataca Jesucristomi huaquichicun.

Judas 1:13

Paicunapaj rurashcacunaca mama cucha t'imburishpa puscuricuj shinami. Luzerocuna quiquin ñanta chingachishca shinami. Chashnacunapajca tucuita yalli huiñaipaj amsami ch'icanchishca shuyacun.

Judas 1:3

C'uyashcacuna, cancunapish ñucapish quishpichishca cashcamantami chai quishpichishcamanta quillcana yuyai shamujpi cancunamanca quillcasha nicurcani. Crijpimi jucha illajta rurashpa shuj cutin huiñaipaj quishpichirca. Chaitaca alli macanacuj shina shungumantataj alli catichun nishpami, yuyachishpa quillcanataj cajpi quillcani.

1 SAMUEL 25:26

Cunanca ñuca amito. ¡Mandaj Diosca causajmi, canpish causacunguimi! Canta llaquichijcunata cambaj maquihuantaj yahuarta jichashpa huañuchinaman shamucujtaca Mandaj Diosmi jarcashca. Can ñuca amota p'iñashpa llaquichisha nicujcunataca, Nabalta shinallataj tucuicunata llaquichishca cachun.