1 SAMUEL 2:8 - Dios Rimashca Shimicunami

⁸ Mandaj Diosmi huajchataca allpamanta jatarichin. Paimi mañashpalla causajtapish ñucumanta llujshichin. Alli nishca tiyarinata cungapaj jatun mandajcunahuan chaipi tiyachingapajmi chashna ruran. Cai pachata aparijcunapish Mandaj Diospajmari. Paimi cai pachataca chai jahuacunapi churarca.

1 SAMUEL 2:8 Iomraidhean Croise

GÉNESIS 41:14

Chaimi faraonca Joseta cayamuchun cacharca. Paitaca carcelmanta utca llujshichijpimi, barbasta tucui rasparishpa, shujtaj churanacunata churarishpa faraonpajman shamurca.

GÉNESIS 41:40

Ñuca huasitaca canmi mandangui. Tucui ñuca mandacun llajtami can mandashcata cazungacuna. Jatun tiyarinallapimi ñucalla tiyasha– nircami.

2 SAMUEL 7:8

Ñucapajta ruraj Davidtaca cashna nigri: Tucuita Mandaj Diosca cashnami nin: Ovejacunata michishpa, ovejacunapaj corralpi cuidashpa puricujta japishpami, ñuca israelcunata mandaj cachun churarcani,

1 REYES 16:2

“Cantaca ñutu allpamanta jatarichishpami, ñuca agllashca israelcunata mandaj cachun churarcani. Ashtahuanpish canca Jeroboampaj ñanta purishpami, ñuca agllashca israelcunata juchallichingui. Chashnami canca cambaj juchacunahuan ñucataca p'iñachingui.

2 REYES 9:6

Shina nijpi Jehuca jatarishcahuan rishpami, shuj ucuman paihuan yaicurca. Chai ucupimi chai huillaj runaca, aceiteta paipaj umapi tallishpaca: –Israelcunata Mandaj Diosca cashnami nin: Ñuca agllashca israelcunata jatun mandaj cachunmi, aceitehuan umapi churachini.

JOB 1:21

cashna nirca: –Ñuca mamapaj huijsamantaca lluchullatajmi huacharircani, lluchullatajmi allpamanca tigrana cani. Mandaj Diosllatajmi curca, Mandaj Diosllatajmi quichun. Mandaj Diosca alli nishca cachun– nircami.

JOB 2:8

Chaimantami Jobca ushpapi tiyarishpa mirga callanata japishpa, chaihuan aspirirca.

SALMOS 102:25

Callaripica quiquinmi cai pachataca rurarcangui. Jahua pachapish quiquinpaj maquihuan rurashcamari.

SALMOS 104:5

Paimi cai pachatapish callari rumicuna jahuapi sinchita churarca. Nunca pi mana cuyuchingachu.

SALMOS 107:41

Ashtahuanpish huajchacunataca, ima illaj canamantami jatarichin. Oveja canllata shinami achca familiata ruran.

SALMOS 24:2

Paimari allpataca mama cucha jahuapi callarichirca, jatun yacucuna jahuapimari sinchita shayachirca.

SALMOS 75:3

Allpaca paipi causajcunandijmi chujchungacuna. Chashna cajpipish allpapaj pilarcunataca ñucami sinchita charicuni. Selah

SALMOS 75:4

Ch'ahuancunataca: “Allimi cani ama” nirichijchu ninimi. Diosta mana rijsijcunataca: “Ama jatun tucuichijchu nircanimi.

SALMOS 75:7

Ashtahuanpish juezca Taita Diosmari. Paimi shujcunataca cumurichin. Caishujcunataca jatun canapi churan.

ECLESIASTÉS 4:14

Chai jatun mandajca carcelmanta llujshishpami, mandanata japirca. Huajchacunapaj huahuapishmi carca.

ISAÍAS 22:23

Paitaca clavota clavaj shinami, pi mana cuyuchipaj sinchipi churasha. Chai mandanapi pai tiyacujpica paipaj yayapaj huahua huahuacunaca alli nishcami canga.

DANIEL 2:48

Shina nishpami jatun mandajca, Danieltaca jatunyachirca. Jatun canapi churashpami achca convidanacunatapish curca. Tucui Babilonia llajtata mandachun, Babilonia llajtapi tiyaj tucui jatun yachajcunata mandachunpishmi churarca.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 6:3

Danielca tucuimanta yalli espíritu paipi cashcamantami satrapacunatapish, jatun mandaj churashca mandajcunatapish yalli yachaj ricurirca. Chaimi jatun mandajca Danieltaca tucui llajtacunata mandaj cachun churanata yuyacurca.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.

Apocalipsis 1:6

Chashna rurashpami ñucanchijtaca jatun mandajcunata, curacunata paipaj Yaya Diospajta rurachun rurarca. Chaimanta Jesucristoca tucuita rurai tucuj canapipish, jatunyachishca canapipish huiñai huiñaita cashca cachun. Chashna cachun.

Apocalipsis 22:5

Chaipica, tutaca mana tiyangachu. Mandaj Taita Dios paicunata achijyachishcamanta achijyachij lamparatapish, intitapish ña mana minishtingacunachu. Paihuanmi huiñai huiñaita mandangacuna.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 5:10

Chashnami ñucanchij Dios mandana llajta cachun, paipajta ruraj curacuna cachun ñucanchijtaca rurashcangui. Chaimantami cai pachataca mandashun” nishpami cantarcacuna.

1 SAMUEL 15:17

Samuelca: –Canca cambaj ricuillapitaj yangalla cashcatami yuyarcangui. Chashna cajpipish ¿manachu Israel aillucunata mandaj cachun churashca cangui? Mandaj Diosmi cantaca aceitehuan churashpa israelcunata jatun mandaj cachun churarca.