1 SAMUEL 2:7 - Dios Rimashca Shimicunami

⁷ Mandaj Diosmi huajchayachin. Paillatajmi charijyachin. Paillatajmi cumurichin. Paillatajmi jatunyachin.

1 SAMUEL 2:7 Iomraidhean Croise

2 REYES 9:6

Shina nijpi Jehuca jatarishcahuan rishpami, shuj ucuman paihuan yaicurca. Chai ucupimi chai huillaj runaca, aceiteta paipaj umapi tallishpaca: –Israelcunata Mandaj Diosca cashnami nin: Ñuca agllashca israelcunata jatun mandaj cachunmi, aceitehuan umapi churachini.

1 CRÓNICAS 29:12

Charij canapish, sumaj canapish canmantami shamun. Canmi tucuicunata cazuchingui. Fuerzapish, tucuita rurai tucuj canapish cambaj maquipimi. Tucuicunaman jatun canata, imatapish rurai tucuj canata cunaca cambaj maquipimi.

2 CRÓNICAS 32:27

Ezequiasca yallitaj charijpish, alli nishcapishmi tucurca. Paica achca cullquita, curita, achij nicuj sumaj rumicunata, mishquijllata ashnaj jambicunata, escudocunatapish munanajlla tucui laya sumaj aparinacunatapishmi charirca.

2 CRÓNICAS 32:29

Achca pueblocunatapish rurachircami. Huagracunatapish, ovejacunatapish canlla, canlla yallitaj achcatami charirca. Taita Diosmi chashna yallitaj achca allicunata Ezequiasman curca.

JOB 1:21

cashna nirca: –Ñuca mamapaj huijsamantaca lluchullatajmi huacharircani, lluchullatajmi allpamanca tigrana cani. Mandaj Diosllatajmi curca, Mandaj Diosllatajmi quichun. Mandaj Diosca alli nishca cachun– nircami.

JOB 40:12

Jatun tucushcacunatapish pingachiyari. Diosta mana manchajcunatapish, paicuna tiyacunllapitaj llaquichiyari.

JOB 5:11

Yangacunatapish jatuntami ruran. Llaquilla cajcunataca mana urmanapi churashpa cushichinmi.

SALMOS 102:10

Quiquin yallitaj p'iñarishcamantamari ñucaca chashna tucuni. Jahuaman huichiyachishpamari, ñucataca ucuman shitarcangui.

SALMOS 75:7

Ashtahuanpish juezca Taita Diosmari. Paimi shujcunataca cumurichin. Caishujcunataca jatun canapi churan.

SALMOS 75:8

Copaca Mandaj Diospaj maquipimari. Vinoca tucuihuan chagrushca p'ucushcamari. Chai vinotaca paimi tallinga. Cai pachapi causaj Diosta mana rijsijcunami tucuringacama ubyangacuna.

PROVERBIOS 22:2

Charij runahuan huajcha runahuan ishquimi purin. Mandaj Diosllatajmi ishquitataj rurashca.

ISAÍAS 2:12

Tucuita Mandaj Dios llaquichina punllaca, atirishcacunata, jatun tucushcacunata, caimi jatun nishcacunata cumurichingapajmi shamunga.

JEREMÍAS 49:15

Cancunataca uchilla llajtacunapi causajcunatapish yalli ashalla runacunatami ruragrini. Tucui runacuna p'iñashcatami ruragrini.

EZEQUIEL 17:24

Jatun yurata urmachishcata, uchilla yurata jatunyachishcata, verdijlla yuratapish chaquichishcata, chaquishca yuratapish verdijllatami rurarcani. Mandaj Dios ñucallataj chashna rurashcatami tucui shujtaj yuracunaca yachangacuna. Mandaj Dios ñucallatajmi chashna nircani, chaitaca pajtachishatajmi” nircami.

Santiago 4:10

Jatun Diospaj ñaupajpica, ama jatun tucuichijchu. Paimi cancunataca jatunyachinga.