1 SAMUEL 2:6 - Dios Rimashca Shimicunami

⁶ Mandaj Diosmi huañuchin, paillatajmi causachin. Paillatajmi Seolpipish churan. Paillatajmi chaimantapish llujshichin.

1 SAMUEL 2:6 Iomraidhean Croise

1 REYES 17:22

Elías mañashcata Mandaj Dios uyashpa chai huambraman almata tigrachijpimi paica causarirca.

2 REYES 5:7

Israel llajtata jatun mandaj chai quillcata rezashpaca, p'iñarishpa paipaj churanata lliquirishpami: –Ñucaca Dios shina causaita cui tucuj, causaita quichui tucuj cajpi shinamari, cai runataca lepra ungüimanta alliyachichun ñucapajman cachashca. ¡Chashna rurashpaca ñucahuan p'iñanacungapaj mashcacushcatami ricuchin. Chaitaca cancunallataj ricunguichijmi!– nirca.

JOB 5:18

Paillatajmi caracha ungüitaca churarca, chaitaca paillatajmi maillashpa huatanga. Pai chugrichishcataca, paipaj maquicunallahuantajmi jambin.

SALMOS 116:3

Huañuica ñucataca huatashpami charicurca. Ña huañushca pambashca cashca shina tucushpami llaquihuan huañucurcani. Llaqui, nanaimi ñucataca japirca.

SALMOS 30:4

Jucha illajllacuna Mandaj Diosta cantaichij. Mandaj Diosca jucha illajlla cashcata yuyarishpa tandanacuichij.

SALMOS 68:20

Dios, ñucanchij Dioslla, paimi quishpichinga. Huañuimanta quishpichinapish Mandaj Jatun Diospajmi.

SALMOS 71:20

Quiquinca achca llaquicunatami curcangui. Achca nanaicunatami apachircangui. Quiquinllatajmi cutin jatarichingui. Cai pachapi ucujta caj jutcumantapish llujshichinguimi.

ECLESIASTÉS 3:3

Huañuchingapajpish, jambingapajpish, imata shayachingapajpish, imata urmachingapajpish punllami chayan.

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

EZEQUIEL 37:12

Paicunamanca cashna huillai: Mandaj Jatun Diosca cashnami nin: Ñuca agllashca israelcunalla, cancunataca pambashca jutcucunamanta llujshichishpami, israelcunapaj llajtaman pushamusha.

EZEQUIEL 37:3

Chaimantami ñucataca cashna nirca: “Huañujlla aichayuj runalla, ¿cai tullucunaca causacungarajchu imashi?” nijpimi, ñucaca: “Mandaj Dioslla, canllami yachangui” nircani.

Mateo 12:40

Jonas, shuj jatun chalhuapaj huijsa ucupi quimsa punllata, quimsa tutata cashca shinallatajmi. Runa Aichayujpish, allpa ucupi quimsa punllata, quimsa tutata canga.

Juan 11:25

Jesusca: –Ñucami causachijpish, causaiyujpish cani. Maijanpish ñucata crijca, huañushca cashpapish causaringami.

DEUTERONOMIO 32:39

Cunanca ñucalla Taita Diostaj cashcataca alli ricuichij. Ñuca shina Diosca pi shujtaj diosca mana tiyanchu. Ñucami causaita quichuni, ñucallatajmi causaita cuni. Ñucami chugrichini, ñucallatajmi alliyachini. Ñuca maquimantaca pi mana quishpiri tucunchu.

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

1 SAMUEL 20:3

Cutinmi Davidca: –Cambaj yayaca cambaj ñaupajpi ñuca alli ricurishcataca allimi yachan. Chaimantami Jonatanca llaquiringami nishpa mana huillashca canga. Mandaj Diosca causajmi, canpish yachanguimi. Ñuca huañunapajca shuj chaqui saruillami illan– nircami.