1 SAMUEL 2:5 - Dios Rimashca Shimicunami

⁵ Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.

1 SAMUEL 2:5 Iomraidhean Croise

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 34:10

Malta leoncunapish ima illaj tucunllami, yaricaihuan purinllami. Mandaj Diosta mashcajcunaca ima illajpish, yaricaihuanpish mana puringachu.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 54:1

¡Mana chichuj, mana huachaj huarmi, cushicuiyari! ¡Manataj huachaj huarmi, jatun cushicuihuan caparishpa cantayari! “Cusa shitashca cashpapish, canmari cusayuj huarmitapish yalli huahuacunayuj tucungui” ninmi Mandaj Diosca.

JEREMÍAS 15:9

Canchis churicunayuj huarmipish pingai tucushpa shungu p'aquirircani. Inti jahuaman cajpirajmi, paipajca ña tutayashca shina carca. Imata mana rurai tucushpa musparircani. Paipaj churicunamanta saquirishcacunatapish paicunata p'iñajcuna espadahuan huañuchichunmi, paicunapaj maquipi churasha” ninmi Mandaj Diosca.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 16:25

Ashtahuanpish Abrahamca: “Huahua, yuyariyari, canca causaipirajmi cambaj charishcacunahuan sumajta cushicurcangui. Lazaroca causaipica llaquitami aparca. Paica cunanca caipimi cushicucun. Ashtahuanpish canca llaquitami apacungui.

Gálatas 4:27

Cashnami quillcashca tiyacun: “¡Cushicui, mana chichuj, mana huachaj. Canca huachana nanaita mana charishcamanta jatunta cushicushpa capari! Shitashca huarmipajca, cusayuj huarmipajta yalli achca huahuacunami” ninmi.

RUT 4:15

Cai huahuami cambaj alma llaquihuan huañucujtaca cushichinga. Can yuyaj cajpipish, paimi cuidanga. Cambaj nueraca canta c'uyashcamantami cai huahuataca huachashca. Paica can canchis churicunata charishcatapish ashtahuan yalli allimari– nircacunami.

1 SAMUEL 1:20

Chaimi Anaca chichushpa huachana punlla pajtajpica, shuj c'ari huahuata huacharca. “Mandaj Diosta mañajpi, paimi cai huahuataca cun” nishpami Samuelta shutichirca.

1 SAMUEL 1:6

Anamanca huahuacunata charichunca Mandaj Diosllatajmi mana curca. Ashtahuanpish Penina huarmica Anataca chanzata rurashpa p'iñachishpami llaquichij carca.