1 SAMUEL 2:2 - Dios Rimashca Shimicunami

² Mandaj Dios shina jucha illajca, mana tiyanchu. Can Dios shinaca pi shujtaj mana tiyanchu. Ñucanchij Dios shina huaquichijca pi mana tiyanchu.

1 SAMUEL 2:2 Iomraidhean Croise

2 SAMUEL 22:3

Ñuca Taita Dioslla, ñuca pacatucunalla, paipimi shunguta churani. Paica ñuca escudomi. Tucuita rurai tucujhuan ñucata quishpichijmi. Tucuimanta yalli jahuaman ñuca miticunami. Ñuca quishpichijmi cangui. Llaquihuan cajpica canmi ñucata quishpichircangui.

2 SAMUEL 22:32

Mandaj Diosmanta shujtaj Diosca ¿pitaj tiyangari? Mandaj Diosllamari Diosca. ¿Pitaj rumica cangari? Ñucanchij Diosmari chai rumica.

2 SAMUEL 7:22

Chaimantami Mandaj Dioslla tucuicunata yalli jatun nishca cangui. Can shinaca shujtajca mana tiyanchu. Can imallata rurashcata ñucanchij uyashca shina shujtaj Diosca mana tiyanchu.

1 REYES 8:23

cashna nirca: “Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish cai pachapipish can Dios shinaca pi mana tiyanchu.

SALMOS 111:9

Paipaj cajcunamanca quishpirinatamari cachashca. Paicunahuanca huiñaipajmari shuj ruranata ari nirca. Paipaj shutica ima jucha illaj, manchanamari.

SALMOS 18:2

Mandaj Dioslla, ñuca jatun rumilla. Ñuca miticuna sinchi huasilla, ñucata quishpichijlla. Ñuca Dioslla, ñucaman fuerzata cujlla, paillapimi shunguta churani. Ñuca paca tucuna escudolla, ñucata quishpichij, ñuca fuerzalla. Jahuajman ñuca paca tucunalla.

SALMOS 18:31

Mandaj Diosmanta shujtaj Diosca ¿pitaj tiyangari? Mandaj Diosllamari Diosca. ¿Pitaj rumica cangari? Ñucanchij Diosmari chai rumica.

SALMOS 71:19

Taita Dios quiquin cashcata rurashcaca jahua pachacamami. ¡Quiquinca jatun allicunatami rurashcangui! Taita Dios ¿pitaj quiquin shinaca rurangari?

SALMOS 71:3

Quiquinca ñuca miticuna jatun rumi caiyari. Chaimi ñucaca quiquinpi miticunaman callpacushalla. Ñucata quishpichingapajca quiquinpaj mandashcacunatami curcangui. Quiquinca ñuca rumimi cangui. Ñuca muyundij pircami cangui.

SALMOS 73:25

Jahua pachapica, pi shujtajta mana charinichu, quiquinllatamari charini. Cai pachapipish, quiquinmanta ch'ican ima shujtajtaca mana charisha ninichu.

SALMOS 86:8

Jatun Dios, dioscunapaj chaupipica quiquin shinaca pi mana tiyanchu. Quiquinpaj rurashcacunahuanca pi rurashcacunataj igualangari.

SALMOS 89:6

Jahua pachapipish quiquin Mandaj Dioshuan ch'imbapuraipajca, pi mana tiyanchu. Diospaj churipuracunapica quiquin Mandaj Dioshuan ch'imbapuraipajca ¿pitaj tiyangari?

SALMOS 89:8

Mandaj Dioslla, tucuita Mandaj Taita Dioslla ¿pitaj quiquin shinaca tiyangari? Mandaj Dioslla tucuita rurai tucujmi cangui. Quiquinpaj pajtachij cashcahuan muyunchishcamari cangui.

SALMOS 99:3

Quiquinpaj shutica alabashca cachun. Quiquinpaj shutica jatunmi, chujchunami. Paica ima jucha illajmi.

SALMOS 99:5

Mandaj ñucanchij Taita Diosta jatunyachichij. Paipaj chaqui ñaupajpi cungurichij. Paica jucha illajmi.

SALMOS 99:9

Mandaj ñucanchij Taita Diosta jatunyachichij. Paipajlla urcu chaquipi cungurichij. Mandaj Dios, ñucanchij Taita Diosca ima jucha illajmari.

ÉXODO 15:11

Mandaj Dioslla, dioscunapaj chaupipica ¿pitaj can shinaca tiyangari? ¿Can shina jucha illaj, tucuita rurai tucujca pitaj tiyangari? Canca pi mana rurai tucushca jatun mancharinacunata rurajmi cangui. Milagrocunata rurajmi cangui.

ISAÍAS 40:18

Taita Diostaca ¿imahuantaj ch'imbapurai tucunguichigari? Mana cashpaca paiman rijchajtapish imata mana rurai tucunguichijchu.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

ISAÍAS 44:8

Ama manchaichijchu, ama chujchuichijchu. Imalla tucuna cashcataca ¿manachu cancunamanca ñaupamantapacha ña huillarcani? Chaitaca cancunallataj allimi yachanguichij. ¡Shujtaj Diosca mana tiyanchu, ñucallami cani! ¡Shujtaj jatun rumica mana tiyanchu, pita mana ricushcanichu!

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 6:3

Paicunaca caishuj chaishujmi: “¡Tucuita Mandaj Diosca, jucha illaj, jucha illaj, jucha illaj Diosmari! ¡Tucui allpapish paipaj achij nicuj cashcahuan jundamari!” nijcunami carca.

JEREMÍAS 10:6

Mandaj Dioslla, can shina tucuita rurai tucujca, pi shujtaj mana tiyanchu. Canca jatun Diosmari cangui.

LEVÍTICO 11:44

Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 11:45

Ñucaca Mandaj Diosmi cani. Cancunapaj Dios cangapaj, Egiptomanta cancunata llujshichimujmi cani. Ñuca ima jucha illaj caj shinallataj cancunapish ima jucha illajllami cana canguichij” nircami.

LEVÍTICO 19:2

“Tandanacushca tucui israelcunamanca cashna nishpa huillai: Mandaj ñuca cancunapaj Diosca ima jucha illaj cashcamanta, cancunapish ima jucha illajlla caichij.

Romanos 15:4

Chashna cajpica ñaupaman Quillcachishcacunaca, ñucanchijta yachachingapajmi quillcashca carca. Mana p'iñarishpalla, cushijlla, shuyana yuyailla canata yachachingapajmi quillcachirca.

Romanos 4:8

Maijanpaj juchata Jatun Dios mana imata nishpa saquijpica cushijllami” ninmi.

DEUTERONOMIO 3:24

Mandaj Jatun Dios quiquinpajta ruraj ñucamanmi quiquinpaj tucuita ruraj cashcata, quiquinpaj maquica tucuita rurai tucuj cashcata ricuchi callarircangui. Quiquin rurashcacuna shinata ruraj, mancharinacunata ruraj shujtaj diosca jahua pachapipish, cai pachapipish mana tiyanchu.

DEUTERONOMIO 32:20

Chaimi paica: 'Ñuca ñahuitaca paicunamanta anchuchishami. Paicunaca yallitaj millai mana pajtachij huahua huahuacunami. Paicuna ima shina chingarijtaca ricushatajmi.

DEUTERONOMIO 32:39

Cunanca ñucalla Taita Diostaj cashcataca alli ricuichij. Ñuca shina Diosca pi shujtaj diosca mana tiyanchu. Ñucami causaita quichuni, ñucallatajmi causaita cuni. Ñucami chugrichini, ñucallatajmi alliyachini. Ñuca maquimantaca pi mana quishpiri tucunchu.

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.

DEUTERONOMIO 4:35

Mandaj Diosca Diostaj cashcata, pi shujtaj pai shinaca mana tiyashcata yachachunmi tucui chaicunataca canpi ricuchirca.

DEUTERONOMIO 4:39

“Cunanca chaita alli yachashpa cancunapaj shungupi alli yuyaringuichij. Jahua pachapipish, cai pachapipish Taita Diosca Mandaj Dios cashcata yuyaringuichij. Pi shujtajca mana tiyanchu.

1 Pedro 1:16

Quillcachishcapica: “Ñucaca ima jucha illajmi cani, cancunapish ima jucha illajlla caichij” ninmi.