1 SAMUEL 2:14 - Dios Rimashca Shimicunami

¹⁴ aichata maijan mangapi yanucujpipish fierrota satishpa, aichataca chai fierropi mashna llujshishcata curapaj apaj carca. Silo puebloman shamuj tucui israelcunapajtami chashna rurajcuna carca.

1 SAMUEL 2:14 Iomraidhean Croise

ISAÍAS 56:11

Chai allcucunaca micunatatajca mashnata micushpapish, manataj sajsajcunami. Michijcunapish chai shinallatajmi alli cashcata mana alli cashcata agllanata mana yachancuna. Tucui paicunami paicunapaj quiquin ñanta catinllacuna. Tucuicunami paicunapaj alli canallata mashcancuna. Paicunapaj alli canapajllami imatapish rurancuna.

LEVÍTICO 7:34

Sumaj causaimanta israelcuna cushca animalta huañuchishca pecho aichata huichi ricuchishpa cushcatapish, cuna cashcamanta cushca changa aichatapish cushcacunataca ñucami japircani. Chaicunataca ñuca japishpami Aarón curaman paipaj churicunaman curcani. Cai mandashcacunaca israelcunapaj huahua huahuacuna chaitataj pajtachicuchunlla mandashcani”.

MIQUEAS 3:3

Shinallataj caipi causajcunatapish micurcanguichijmi. Paicunapaj aicha caratapish anchuchircanguichijmi. Paicunapaj tullucunatapish mangapi churashpa yanuna tullucunata shinami ñututa p'aquircanguichij. Paicunaca yanunapaj mangapi tiyacuj aicha shinami carcacuna.

MALAQUÍAS 1:10

Ñuca altar jahuapi imata cushpa rupachinaman ama yanga shamuchunca, cancunapuramanta maijan ¿manachu ñuca huasi punguta huichcanguichijman? Ñucaca cancunapica manataj cushicuitaca charinichu. Cancuna ñucaman imalla cuna cashcata cujpipish, manataj chasquishachu. Tucuita Mandaj Diostajmi chashna nini.

1 SAMUEL 2:13

Paicunaca israelcunahuanca cashnami rurajcuna carca: Sacrificiota maijan cujpi chai aichata yanucujpica, curapajta rurajmi garfio nishca quimsa puntayuj fierrohuan shamushpaca,

1 SAMUEL 2:15

Huirasapa aichata altarpi rupachishpa cucujpipish manaraj rupachijpimi, curapajta ruraj runa shamushpaca: “Cusana aichata curapaj apangapaj cui. Curaca yanushca aicha cajpica mana chasquinchu, chahua cajllapimi chasquin” nij carca.

1 SAMUEL 2:29

Ñucaman cushca sacrificiocunata, ñucaman cushcacunataca ñuca huasipi ñucaman cunguichij nishpa mandashcataca ¿ima nishpataj yangata rurashpa sarurcanguichij? Ñuca israelcuna cushcacunata ashtahuan allicunata cambaj churicunamanraj cushpamari paicunataca gordoyachingui. Chashna nishpaca ñucata alli ninapaj randica cambaj churicunatarajmari alli ningui.