1 SAMUEL 2:12 - Dios Rimashca Shimicunami

¹² Elipaj churicunaca millaita rurajcuna, Mandaj Diostapish mana rijsijcunami carca.

1 SAMUEL 2:12 Iomraidhean Croise

JEREMÍAS 2:8

Curacunapish: ¿Mandaj Diosca maipitagari? ninallatapish mana yuyarircacunachu. Ñuca mandashcacunata charijcunallatajmi ñucataca mana rijsircacuna. Michijcunapish ñucata c'ariyancunami, ñucamanta huillajcunapish Baalpaj shutipimi imatapish huillancuna. Chashna rurashpami imata mana rurai tucuj, yanga dioscunata catincuna” ninmi.

2 Corintios 6:15

¿Cristoca, Belialhuanca shuj yuyailla tucunchari? ¿Shinallataj crijca, mana crijhuanca imata charingachu?

JUECES 2:10

Josuehuan huiñai israelcunapish huañushpami paicunapaj ñaupa yayacunahuan tandanacugrirca. Q'uipa huiñai israelcunaca Mandaj Diostaca mana rijsircacunachu. Israelcunapaj pai imalla rurashcatapish mana yacharcacunachu.

Romanos 1:21

Taita Diosta chashna rijsishpapish, Taita Diosta jatunyachina shinatajca mana jatunyachircacunachu, mana pagui nircacunallapishchu. Chaipaj randica, paicunapaj yuyaicunapipish yangallatami yuyarircacuna. Chaimantami paicunapaj rumi shungucunapish amsayachishca carca.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

JEREMÍAS 22:16

Paica llaquita apacujcunamantapish, huajchacunamantapish shayarishpa allita rurarcami. Chaimantami alli causarca. Ñucata rijsishpaca chashna rurana cashcataca ¿manachu yachangui imatagari? Ashtahuanpish canca canlla jahuanpi, jahuanpi charinatami munangui. Manapish ima millaita rurajcunata huañuchinata, pitapish imata quichushpa llaquichinallatami chaparangui ninmi” Mandaj Diosca.

JEREMÍAS 9:6

Tucui laya umarishpami causacuncuna. Chashna yallitaj umajcuna cashpami, ñucataca mana paicunapaj Dios cashcata rijsishun nincuna” ninmi Mandaj Diosca.

1 REYES 21:13

Ishqui millai runacuna shamushpaca Nabotpaj ñaupajpimi tiyarircacuna. Chai millai runacunaca tucuicunapaj ñaupajpimi: “Nabotca Taita Diostapish, jatun mandajtapish c'amircami” nishpa juchachishpa huillajpi, Nabottaca pueblomanta canllaman llujshichishpa rumicunahuan shitajpi huañurca.

1 REYES 21:10

Taita Diostapish jatun mandajtapish c'amircanguimi nichun ishqui millai runacunata paipaj ñaupajpi churanguichij. Chashna nijpica, paitaca pueblomanta canllaman llujshichishpa, rumicunahuan shitanguichij huañuchun” nircami.

1 SAMUEL 25:17

Chaimanta cunanca alli yuyarishpa imata rurana cashcata ricui. Ñucanchij amotapish, paipaj huasi ucupuratapish jatun llaquica ñami llapinalla. Cambaj cusaca yallitaj millai mana uyasha nij cajpimi, pi mana imata rimai tucun– nircami.

1 SAMUEL 10:27

Ashtahuanpish millai shungu maijan runacunaca: “¿Cai runachari ñucanchijtaca shujtajcunapaj maquimantaca quishpichingari?” nishpa yanganchishpami imata mana convidarcacuna. Saulca, mana uyaj tucushpa imata mana nircachu.

1 SAMUEL 3:7

Samuelca, Mandaj Diostaca manaraj rijsircachu. Mandaj Diospaj rimaitapish manaraj uyajchu carca.

JUECES 19:22

Paicuna cushicushpa tiyacujpimi, chai pueblopi causaj millai tauca runacuna shamushpa chai yuyaj runapaj huasi muyundijta shayarircacuna. Chaipica pungupi huajtashpami, huasiyuj yuyaj runataca: –Cambaj huasiman yaicuj runata llujshichi ñucanchij paihuan siriringapaj– nijpimi,

DEUTERONOMIO 13:13

cancunapuramanta millaita rurajcuna jatarishpa paicuna causan pueblocunapica: Cancuna mana rijsishca shujtaj dioscunapajta ruranaman jacuchij nicunmi nishca uyaringachari.

1 SAMUEL 3:13

Elica, paipaj churicuna millaillata rurashpa ñucata yallitaj p'iñachicujta yachashca jahua, mana jarcashpa saquircallami. Chaimantaca paipaj huasi ucupurataca paicuna ima shina rurashcata ricuchishpami, huiñaicama llaquichisha.

JEREMÍAS 9:3

Mandaj Diosca cashnami nin: “Paicunapaj c'alluhuanca puntajlla caspita arcohuan shitaj shinamari llullancuna. Cai llajtapi charijyashpapish, ima allitaca mana rurancunachu. Ashtahuanpish ashtahuan millaicuna tucushpami, ñucataca ña mana rijsincuna.

EZEQUIEL 22:26

Curacunapish ñuca mandashcacunata p'aquircacunami, ñucapajlla altarcunatapish mapayachircacunami. Imalla ñucapajlla ch'icanchishca cashcatapish, imalla mana ñucapaj ch'icanchishca cashcatapish, imalla mapa cashcatapish, imalla mana mapa cashcatapish manamari ch'icanpi charircacunachu. Ñuca samana punllacunatapish mana yuyarircacunachu. Chaimantami ñucataca yangapi charircacuna.

DEUTERONOMIO 13:14

Chashna uyarijpica chai yuyailla tucushpa chashnataj cashcata mana chashnataj cashcata alli tapushpa mashcangui. Cancunapurapi chashnataj millananata rurashca cajpica,