1 SAMUEL 2:10 - Dios Rimashca Shimicunami

¹⁰ Mandaj Diosta p'iñajcunataca, paipaj ñaupajllapitajmi ñutunga. Paicunapaj jahuapimi, jahua pachamanta c'ulun nichinga. Tucui cai pachapi causajcuna imalla rurashcatapish Mandaj Diosmi paicunaman ricuchinga. Jatun Mandajmanca tucuita rurai tucunatami cunga. Pai churashca tucuita rurai tucujtaca jatunyachingami” nircami.

1 SAMUEL 2:10 Iomraidhean Croise

2 SAMUEL 22:14

Mandaj Diosca jahua pachamantami c'ulun nirca. Jahua pacha Diosca chashnami rimarca.

2 SAMUEL 7:13

Paimi ñuca huasitaca shayachinga. Pai mandashpa tiyanataca ñucami huiñaipaj churasha.

2 SAMUEL 7:8

Ñucapajta ruraj Davidtaca cashna nigri: Tucuita Mandaj Diosca cashnami nin: Ovejacunata michishpa, ovejacunapaj corralpi cuidashpa puricujta japishpami, ñuca israelcunata mandaj cachun churarcani,

JOB 40:9

¿Canca Dios shina sinchi rigrayujchu cangui imatagari? ¿Cambaj rimashcapish c'ulun nishpachu uyarin imatagari?

SALMOS 132:17

Chaipimi David mandanataca retoñachisha. Ñuca churashca mandajpajca ñami lamparapish allichishca.

SALMOS 148:14

Paimi paipaj cajcuna mandanataca jatunyachishca. Tucui jucha illajcuna, tucui israelcuna alabaichigari. Paipaj c'uchupi cajcuna alabaichigari. ¡Mandaj Diosta alabaichigari!

SALMOS 2:2

Cai allpapi caj jatun mandajcunapish jataringami. Mandajcunapish tandanacushpa jatarishpami, Mandaj Diostapish, pai churashca mandajtapish:

SALMOS 2:6

“Ñucapajlla caj Sión urcu jahuapi mandachunca ñuca churashca jatun mandajtami churarcani.”

SALMOS 2:9

Paicunataca fierro varahuan p'aquingui. Allpa mangata shina ñutungui” ninmi.

SALMOS 20:6

Mandaj Diosca, pai agllashcataca quishpichij cashcataca cunanmi yachani. Jucha illaj paipaj jahua pachamantami uyanga. Tucuita rurai tucuj paipaj alli maquihuanmi quishpichinga.

SALMOS 20:7

Shujtajcunaca carrocunallapimi shunguta churan. Caishujcunaca caballocunallapimi shunguta churan. Ashtahuanpish ñucanchijca, ñucanchij Mandaj Diospimi shunguta churanchij. Pai yuyaillami canchij.

SALMOS 21:1

Mandaj Dioslla, jatun mandajca can tucuita rurai tucuj cashcapimi cushicun. Quiquin quishpichishcamantami cushicun.

SALMOS 28:8

Mandaj Diosca pai agllashcacuna paca tucuna pircami. Pai ch'icanchishca miticushpa quishpirinami.

SALMOS 45:7

Quiquinca cashcata ruranatami c'uyangui. Millaita ruranataca p'iñanguimi. Chaimi Taita Diosca quiquintaca agllarca. Quiquinpaj Taita Diosca cushichina aceitehuan churashpami agllarca. Quiquinhuan alli apanacujcunamanta yallipimi churarca.

SALMOS 89:17

Quiquinmi paicuna fuerzayuj canapish jatun canapish cangui. Quiquin munashcamantami ñucanchijmanca poderyuj canata cungui.

SALMOS 89:24

Ñuca mana llullaj canapish, llaquij canapish paihuanmi canga. Pai imata rurai tucunapish ñuca shutipimi jatunyachishca canga.

SALMOS 89:25

Paipaj maquitaca mama cucha jahuatami churasha. Paipaj alli lado maquitaca jatun yacucuna jahuapimi churasha.

SALMOS 96:13

Mandaj Diosca cai pachata mandangapaj ñami shamucun. Paica cai pachataca cashcata rurashpami mandanga. Gentecunataca mana llullaj canahuanmi mandanga. Paipaj ñaupajpi cushicunguichij.

SALMOS 98:9

Mandaj Diosca cai pachata mandangapaj ñami shamucun. Paica cai pachataca cashcata rurashpami mandanga. Tucuicunata cashcata rurashpami mandanga. Mandaj Diospaj ñaupajpi cushicuichigari.

ÉXODO 15:6

Mandaj Dioslla, cambaj alli maquica tucuita rurai tucujmari. Mandaj Dioslla cambaj alli maquica p'iñajcunataca chingachishcamari.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ECLESIASTÉS 12:14

Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.

ISAÍAS 29:6

C'ulun nishcacunahuan, allpa chujchushpa t'imburishcacunahuan, jatunta c'ulun nishcacunahuan, jatun acapanahuan, huairandij tamyahuan, tucuchij nina lunyacujhuan tucuita Mandaj Dios ricuj shamujpimi chashna canga.

ISAÍAS 32:1

Riqui, shuj mandajmi cashcata rurashpa mandagrin. Pai churashca mandajcunapish cashcata rurashpami mandanga.

ISAÍAS 45:24

Ñucataca cashnami ningacuna: Cashcata ruraj canapish, fuerzapish Mandaj Diospitajmi tiyan ningami. Mandaj Diospajman shamushpa nina sindirij shina p'iñarijcunaca tucuicunami pingachishca cangacuna.

EZEQUIEL 29:21

Chai punllamantami israelcunamanca, mandanataca cutin callarichisha. Ezequiel, canmi paicunamanca imatapish huillangui. Chaita ricushpami ñucataca, Mandaj Diostaj cashcata yachangacuna” nircami.

Mateo 25:34

Chaipimi jatun Mandajca, paipaj alli ladoman cajcunataca cashna ninga: “Ñuca Yaya alli nishcacuna, cancuna mandana cashcata shamuichij japinguichij. Chashna mandanataca cai pacha callarimanta pachami ña allichishca.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Lucas 1:69

Paipajta ruraj Davidpaj huasi ucupuramantami, tucuita rurai tucuj Quishpichijta cushca.

Lucas 19:27

Ñucata p'iñashpa mana mandaj cachun nijcunatapish pushamushpa, ñuca ñaupajpi cungata p'itichishpa huañuchichij nircami nishpami parlarca.

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 4:27

Chashna nishca shinallatajmi cai pueblopica, Herodesca, Poncio Pilatohuan, israelcunaca mana israelcunahuan tandanacurcacuna. Paicunaca Quishpichij cachun churashca cambaj jucha illaj Churi Jesusta p'iñashpami, shuj yuyailla tucurcacuna.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.

JUECES 5:31

Mandaj Dioslla, canta p'iñajcunaca tucuicuna chingarishca cachun. Canta c'uyajcunaca achijlla inti llujshicuj shina ashtahuan achijyachicuj cachun” nishpami cantarcacuna. Israelcunapajca, chuscu chunga huatacunatami sumaj causai tiyarca.

1 SAMUEL 12:13

Cunanca cancuna mañashca jatun mandajtaca ñami caipi charinguichij. Cancuna mañajpimi Mandaj Diosca paitaca cancunata mandaj cachun churarca.

1 SAMUEL 12:17

Cunanca ¿manachu trigota cozichana punllacuna? Cancunata jatun mandaj cachun jatun mandajta mañashpaca, Mandaj Diospaj ñaupajpi jatun millaita rurashcata ricuchingapajmi c'ulun nichishpa tamyachichun Mandaj Diosta caparishpa mañagrini– nircami.

1 SAMUEL 12:18

Chaimantaca Mandaj Diosta Samuel caparishpa mañajpi chai punllaca Mandaj Diosca c'ulun nichishpa tamyachijpimi, tucui israelcunaca Mandaj Diostapish, Samueltapish yallitaj mancharcacuna.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.

1 SAMUEL 15:28

Chaimi Samuelca, Saultaca: –Cantapish Mandaj Diosca cunanllatajmi israelcunata mandaj canamanta p'itishpa cambaj llajtallamantataj caj shujtaj canta yalli alli runaman mandachun cun.

1 SAMUEL 16:1

Mandaj Diosca Samueltaca: –Israelcunata ama jatun mandaj cachun Saulta ñuca ña anchuchishcamantaca ¿maicamataj huacacunguilla? Can charicun gachupi aceiteta jundachishpa, Belenpi causaj Isaipajman ri. Ñucaca paipaj churicunamanta shujtami jatun mandaj cachun ña agllarcani– nircami.

1 SAMUEL 7:10

Mandaj Diosman tucuita cushpa Samuel rupachicujpirajmi, filisteocunaca israelcunahuan macanacungapaj chayarcacuna. Ashtahuanpish Mandaj Diosca chai punllaca filisteocunapaj jahuapi yallitaj c'ulun nichishpa paicunata yallitaj manchachijpimi, filisteocunaca israelcuna mishashca saquirirca.