1 SAMUEL 2:1 - Dios Rimashca Shimicunami

¹ Ana mañashpaca cashnami nirca: “Ñuca shunguca Mandaj Diospimi cushicun. Mandaj Diosmi ñucamanca fuerzata cun. Ñucata p'iñajcunatapish upallachinimi. Ñucaca can quishpichishcamantami cushicuni.

1 SAMUEL 2:1 Iomraidhean Croise

2 CRÓNICAS 20:27

Mandaj Dios paicunata p'iñajcunamanta quishpichishpa cushichishcamantami, tucui Judá soldadocunapish, Jerusalén pueblo soldadocunapish Josafatta ñaupachishpa, cushicuihuan Jerusalenman tigramurcacuna.

NEHEMÍAS 11:17

Micaiapaj churi Matanías. Zabdipaj churi Micaía. Asafpaj churi Zabdimi carca. Asafca cantajcunata pushaj, Diosta mañana horas Diosta pagui nishpa cantachishpa callarichijmi carca. Bacbuquiasca punta huauquipaj q'uipami carca. Samuapaj churi Abda. Galalpaj churi Samúa. Jedutunpaj churi Galalmi carca.

JOB 16:15

Cañamazuta sirashpami, ñuca cara jahuata churarcani. Ñuca umatapish allpapimi pambarcani.

SALMOS 118:14

Mandaj Diosca ñucaman fuerzata cujmi, ñuca cantanami. Paica ñucata quishpichijmi.

SALMOS 13:5

Can llaquij cashcapimi shunguta churani. Canca ñucata quishpichij cajpimi, ñuca shunguca cushicun.

SALMOS 148:14

Paimi paipaj cajcuna mandanataca jatunyachishca. Tucui jucha illajcuna, tucui israelcuna alabaichigari. Paipaj c'uchupi cajcuna alabaichigari. ¡Mandaj Diosta alabaichigari!

SALMOS 18:2

Mandaj Dioslla, ñuca jatun rumilla. Ñuca miticuna sinchi huasilla, ñucata quishpichijlla. Ñuca Dioslla, ñucaman fuerzata cujlla, paillapimi shunguta churani. Ñuca paca tucuna escudolla, ñucata quishpichij, ñuca fuerzalla. Jahuajman ñuca paca tucunalla.

SALMOS 20:5

Canta mishachishcamantaca cushicushunmi. Ñucanchij Taita Diospaj shutipimi banderacunata alzashun. Mandaj Diosca tucui can mañashcacunata cuchun.

SALMOS 21:2

Paipaj shungu munashcatami cushcangui. Paipaj shimihuan mañashcataca mana mitsashcanguichu. Selah

SALMOS 35:9

Chashna tucujpica ñuca almaca Mandaj Diospimi cushicunga. Quishpichij Mandaj Diospimi cushicunga.

SALMOS 51:15

Jatun Dioslla, ñuca shimita pascahuai. Tucuicunapaj ñaupajpi quiquinta cantangapaj.

SALMOS 71:8

Ñuca shimica quiquinta alabanahuan junda cachun. Quiquinpaj sumaj cashcahuan tucui punlla junda cachun.

SALMOS 75:10

Juchayujcuna mandacuntaca chingachishami. Ashtahuanpish cashcata rurashpa mandajcunataca jatun canapimi churasha.

SALMOS 89:17

Quiquinmi paicuna fuerzayuj canapish jatun canapish cangui. Quiquin munashcamantami ñucanchijmanca poderyuj canata cungui.

SALMOS 89:18

Mandaj Diosca ñucanchij escudomari. Israelcunapaj jucha illaj Diosca ñucanchijta jatun mandajmari.

SALMOS 89:24

Ñuca mana llullaj canapish, llaquij canapish paihuanmi canga. Pai imata rurai tucunapish ñuca shutipimi jatunyachishca canga.

SALMOS 9:14

Cantaca alabanataj cashcata Sionpi causajcunapaj pungucunapi huillachunmi quishpichingui. Can quishpichishcamantaca, jatuntami cushicuni.

SALMOS 92:10

Quiquinmi ñucamanca fuerzata mirachingui. Sacha huagra shina fuerzayujtami rurangui. Cunanlla rurashca aceitehuan churashpa ch'icanchishcami casha.

ÉXODO 15:1

Moisespish, tucui israelcunapish cai cantotami Mandaj Diosta alabashpa cantarcacuna: “Mandaj Diostami ñucaca cantasha. Paica jatun cashcahuan pillurishcami. Caballocunatapish, soldadocunatapish cuchapimi shitashca.

ÉXODO 15:21

Mariaca cashna nishpami cantarca: “Mandaj Diosta cantaichij. Paica jatun cashcahuan pillurishcami. Caballocunatapish, soldadocunatapish cuchapimi shitashca” nishpami cantarca.

HABACUC 3:1

Dios ima nishcata huillaj Habacucca, Sigionot nishca shinami mañarca:

HABACUC 3:18

ñucaca Mandaj Dioshuanmi cushicusha. Ñucaca, ñucata quishpichij Taita Diospimi cushicuita charini.

Lucas 1:69

Paipajta ruraj Davidpaj huasi ucupuramantami, tucuita rurai tucuj Quishpichijta cushca.

Romanos 5:11

Mana chaillachu, Dioshuan alli tucunataca ñucanchij Mandaj Jesucristomanta chasquishcamantami Taita Diospica cushicunchij.

DEUTERONOMIO 33:17

Paipaj fuerzaca punta huacharishca huagrapaj shinami. Paipaj gachucunaca búfalo huagrapaj gachucuna shinami. Chai gachucunahuanmi tucui gentecunataca tucui cai pachapi urata janajta sagmashpa shitanga. Efrainpaj huahua huahuacunaca huaranga huarangacunami. Manasespaj huaranga huaranga runacunapish c'ari c'aricunami” nircami.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

Filipenses 4:4

Mandaj Jesuspi shujlla cashcamanta yallitaj cushicucuichijlla. Cutinmi nini: ¡Yallitaj cushicucuichijlla!

Filipenses 4:6

Imamantapish ama llaquilla canguichij. Ashtahuanpish Diosta mañacushpaca paiman tucuita huillaichij. Tucui imamantapish Diosta mañashpaca pagui nichij.

1 Pedro 1:8

Cancunaca mana ricushpapish, Jesucristotaca c'uyanguichijmi. Cunan mana ricushpapish paipi crishcamantami, mana huillai tucuipaj jatun sumaj cushicuihuan cancunaca cushicucunguichij.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.

1 SAMUEL 1:6

Anamanca huahuacunata charichunca Mandaj Diosllatajmi mana curca. Ashtahuanpish Penina huarmica Anataca chanzata rurashpa p'iñachishpami llaquichij carca.

1 SAMUEL 1:7

Mandaj Diospaj huasiman huatanta huichiyashpapish Penina huarmica Anataca chashnallataj nishpami llaquichij carca. Chaimantami Anaca huacashpa mana micuj carca.