1 SAMUEL 18:3 - Dios Rimashca Shimicunami

³ Jonatanhuan Davidhuanca caishujmanta chaishujmanta quiquinta shinallataj c'uyanacushcamantami tucui causaipi alli apanacungapaj ari ninacurca.

1 SAMUEL 18:3 Iomraidhean Croise

2 SAMUEL 21:7

Davidca Saulpaj churi Jonatanhuanmi, cambaj familiataca imata mana rurashachu nishpa Mandaj Diospaj ñaupajpi ari ninacushca carca. Chaimi Jonatanpaj churi Saulpaj nieto Mefi-bosettaca perdonashpa gabaonitacunamanca mana curca.

PROVERBIOS 18:24

Maijanpish paihuan apanacujcunamanca, apanacujtaj cashcata ricuchichun. Maijancunaca quiquin huauquindijtapish yallimi apanacuncuna.

1 SAMUEL 19:1

Saulca paipaj churi Jonatantapish, paipajta rurajcunatapish Davidta huañuchichij nishpami mandarca. Ashtahuanpish Saulpaj churi Jonatanca, Davidtaca yallitaj c'uyashpami,

1 SAMUEL 20:41

Chai moso ña rijpimi, Davidca miticushpa tiyacushcamanta jatarishpa Jonatanpaj ñaupajpi quimsa cutin pambaman tupajta cumurirca. Chaipica caishujmanta chaishujmanta muchanacushpami ishquindijtaj huacarcacuna. Davidmi yallitaj huacarca.

1 SAMUEL 20:42

Chaipimi Jonatanca, Davidtaca: –Imata ama manchashpa rilla. Ñucanchijca ishquindijtajmi Mandaj Diospaj shutipi cashna nishpa ari ninacurcanchij. Mandaj Diosca canhuanpish, ñucahuanpish, cambaj huahuacunahuanpish ñuca huahuacunahuanpish huiñaita cashca cachun nircanchijmi– nircami. Chashna nijpica Davidca jatarishpa rircallami. Jonatanpish pai causacun pueblomanmi tigrarca.

1 SAMUEL 22:8

tucui cancunapish ñucata p'iñashpa jataringuichij? Isaipaj churihuan, ñuca churihuan imata ruranata ari ninacushcata yachashpapish, pi mana huillashcanguichijchu. Cancunamanta shujllapish ñucata llaquijca mana tiyashcanguichijchu. Chaimi ñuca churillataj ñucapajta ruraj David ñucata p'iñachun yuyaita cujpi ñucata p'iñashpa macanacungapaj puricun. Chaita yachashpapish mana huillashcanguichijchu– nirca.

1 SAMUEL 23:18

Chashna ruranataca paicunaca Mandaj Diospaj ñaupajpimi ishquindijtaj ari ninacurca. Davidca Hores urcullapitajmi saquirirca. Jonatanca paipaj huasiman tigrarcallami.