1 SAMUEL 15:3 - Dios Rimashca Shimicunami

³ Amalecitacunata huañuchishpa imalla charishcacunata tucui chingachigri. Paicunataca ama llaquishpa c'aricunatapish, huarmicunatapish, huahuacunatapish, chuchucuj huahuacunacama tucuita huañuchigri. Vacacunatapish, ovejacunatapish, camellocunatapish, burrocunatapish huañuchigri ninmi– nircami.

1 SAMUEL 15:3 Iomraidhean Croise

GÉNESIS 36:12

Esaupaj churi Elifazca, Timna shuti caishuj huarmitapishmi charirca. Chai huarmipica Amalec churitami charirca. Chaicunaca Ada huarmipi Esaú charishca churipaj churicunami carca.

2 SAMUEL 1:8

Chaipimi ñucataca: ¿Canca pitaj cangui? nijpi: Ñucaca amalecita runami cani nircani.

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

NÚMEROS 24:20

Amaleccunata ricushpapish shamuj punllacunapi paicuna imalla tucunatami cashna huillarca: “Amalecca llajtacunapaj umami. Ashtahuanpish tucuitaj chingachishcami canga” nircami.

NÚMEROS 31:17

Chaimanta cunanca c'ari huahuacunatapish, c'arihuan chayarishca huarmicunatapish tucuicunata huañuchichij.

JOSUÉ 10:39

Chaipi causajcunataca paicunata jatun mandajndij chai jatun mandaj mandacushca caishuj pueblocunapi causajcunandijmi espadacunahuan tucuicunata huañuchircacuna. Paicunatapish causaiyujcunataca shujllatapish mana saquishpami tucuicunata chingachircacuna. Chai Debir pueblopi causajcunatapish paicunapaj jatun mandajtapish Hebronpi, Libnapi causajcunata paicunapaj jatun mandajndij ima shina rurashca shinallatajmi rurarcacuna.

1 SAMUEL 14:48

Saulca soldadocunata tandachishpami, amalecitacunata mishashpa, israelcunataca imatapish quichujcunapaj maquimanta llujshichirca.

1 SAMUEL 15:18

Mandaj Diosca cantaca: Juchata ruraj amaleccunahuan macanacushpaca tucui paicunata tucuringacama chingachina yuyaihuan richunmi cantaca cacharca.

1 SAMUEL 15:9

Saulpish, paipaj soldadocunapish Agagtaca mana huañuchircacunachu. Ovejacunatapish, huagracunatapish, ashtahuan allicunataca mana huañuchircachu. Huirayashca animalcunatapish, carnerocunatapish tucui alli allitaca mana chingachishun nircachu. Ashtahuanpish imapish mana vali, yangacunallatami tucui chingachircacuna.

1 SAMUEL 22:19

Chai q'uipaca curacuna causana Nob puebloman rishpami Saulca, c'aricunata, huarmicunata, chuchucuj huahuacunacama espadahuan huañuchirca. Huagracunatapish, burrocunatapish, ovejacunatapish tucuicunatami espadahuan huañuchirca.

1 SAMUEL 27:9

Davidca chai llajtacunaman rishpaca, c'aricunatapish, huarmicunatapish shujllatapish causaiyujta mana saquishpami, ovejacunata, vacacunata, burrocunata, camellocunata, churanacunata apashpa chai llajtataca chushajta saquishpa Aquispajman tigraj carca.

1 SAMUEL 30:17

Davidca chai tutamantamanta callarishpaca, cayandij punlla chishicamami tucuicunata huañuchirca. Paicunamanta shujllapish mana quishpirircacunachu. 400 mosocunallami paicunapaj camellocunapi tiyarishcahuan miticugrishcamanta quishpirircacuna.