1 SAMUEL 13:9 - Dios Rimashca Shimicunami

⁹ Chaimi Saulca: –Diosman cushpa tucui rupachinatapish, Dioshuan alli cangapaj cuna cashcatapish apamuichij– nishpaca, tucuita cushpa rupachirca.

1 SAMUEL 13:9 Iomraidhean Croise

2 SAMUEL 24:25

Chaipimi Davidca Mandaj Diospaj shuj altarta rurashpa, Diosman cushpa tucui rupachinatapish, Mandaj Dioshuan alli cangapaj cuna cashcatapish cushpa rupachirca. Chaimi Mandaj Diosca, cai pachamanta mañashcata uyashpa, israelcunata llaquichicun llaquitaca chaillapi parachirca.

1 REYES 3:4

Jatun mandajca Gabaonmanmi rirca. Chai lomapimi tucuimanta yalli alli nishca altar tiyarca. Chai altarpimi Salomonca huaranga animalcunata Mandaj Diosman cushpa tucui rupachij carca.

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

PROVERBIOS 15:8

Mandaj Diosca, paita mana manchajcuna cushpa rupachishcataca manataj ricunachinchu. Ashtahuanpish alli runacuna mañashcataca, cushicushpami uyan.

PROVERBIOS 20:22

Canta llaquichijpica, tigra llaquichishami ama niringuichu. Ashtahuanpish Mandaj Diosllapi shunguta churangui. Paimi cantaca llaquimanta llujshichinga.

PROVERBIOS 21:27

Taita Diosca paita mana manchajcuna, imata cushcataca manataj ricunachinchu. ¡Millai yuyaihuan cushcatacarin maitataj chasquingari!

PROVERBIOS 21:3

Mandaj Diosca cashcata rurashpa alli yuyaihuan causajpimi, paiman cushpa rupachishcatapish yalli cushicun.

ISAÍAS 66:3

Huagrata huañuchishpa cujca, shuj runata huañuchishpa cuj shinami. Ovejata huañuchishpa cujca, allcuta huañuchishpa cuj shinami. Vinota ñucaman cushpa tallijca, cuchi yahuarta cushpa tallij shinami. Inciensota cushpa rupachijca, rurashcalla diosta alli nicujmi tucunga. Paicunapaj quiquin ñanta agllashcamantami chashna tucurcacuna. Paicunallataj millanana ruranacunata c'uyashcamantami chashna tucungacuna.

DEUTERONOMIO 12:5

Mandaj Dios cancunapaj Taita Diosmi cancunapaj aillupurapi maipi cashpapish, paipaj shutita churanataca agllashpa chaipi causanga. Maipimi pai agllan chaimanmi paita adoranapajca rina canguichij.

DEUTERONOMIO 12:6

Diosman tucuita cushpa tucui rupachinata, paiman cushpa rupachinata, chungamanta shujta cunata, maquihuan huichi ricuchishpa cunata, cushatajmi nishcamanta cunata, cuna munaita charishcamanta cunata, punta huacharishca cancunapaj huagracunata, punta huacharishca ovejacunatapish chaimanmi apana canguichij.

1 SAMUEL 14:18

Chai punllapica Diospaj arcaca israelcunapurapimi carca. Chaimi Saulca Ahiastaca: –Diospaj arcata apamui– nirca.