1 SAMUEL 12:2 - Dios Rimashca Shimicunami

² Cancunata pushaj jatun mandajca caipimi ñami charinguichij. Ñucaca ña yuyaj puzujlla umami cani. Ñuca churicunaca cancunahuanmi. Ñucapish jovenmantapacha cunan punllacamami cancunata pushacurcani.

1 SAMUEL 12:2 Iomraidhean Croise

SALMOS 71:18

Taita Dios, ñuca ña yuyaj cajpipish ama shitahuaichu. Yuraj uma cajpipish, ama saquihuaichu. Quiquin tucuita rurai tucuj cashcata, q'uipa huiñaicunaman huillangacama ama saquihuaichu. Quiquin jatun cashcataca, q'uipa huahua huahuacunaman huillangacama ama saquihuaichu.

NÚMEROS 27:17

Mandaj Dios agllashca israelcunaca michij illajlla ama saquirichun shuj pushajta churahuai. Paica israelcunapaj puntapi llujshichun. Israelcunapaj puntapi yaicuchun. Maiman llujshichishpapish maiman yaicuchishpapish pai pushachun churahuai– nirca.

2 Timoteo 4:6

Ñucaca Taita Diosman cushpa rupachinapaj animal shina ña huañunallami cani. Ñuca rina punllapish c'uchullapimi.

JOSUÉ 23:1

Achca punllacuna q'uipami Mandaj Diosca israelcunataca paicunapaj muyundij llajtacunahuan ña mana macanacushpa sumajta causachun churarca. Josuepish achca huatacunata causashpa, ña yuyaj cashpami,

JOSUÉ 23:2

tucui israelcunata, paicunata cunaj yuyajcunandij, mandajcunandij, juezcunandij, pushajcunandij cayachishpa cashna nirca: “Ñucaca ña achca huatacunata causashcamanta ña yuyajmi cani.

2 Pedro 1:14

Ñucanchijta Mandaj Jesucristo huillashca shinallataj, cai cuerpota ñalla shitashpa rina cashcata yachashcamantami chashnaca nini.

1 SAMUEL 2:22

Elica ña yuyajmi carca. Israelcunata paipaj churicuna imallata rurajtaca yacharcami. Dioshuan tupanacuna huasi pungupi imalla rurana cashcata ruraj huarmicunahuan paipaj churicuna dormij cashcatapish yachashpami,

1 SAMUEL 2:29

Ñucaman cushca sacrificiocunata, ñucaman cushcacunataca ñuca huasipi ñucaman cunguichij nishpa mandashcataca ¿ima nishpataj yangata rurashpa sarurcanguichij? Ñuca israelcuna cushcacunata ashtahuan allicunata cambaj churicunamanraj cushpamari paicunataca gordoyachingui. Chashna nishpaca ñucata alli ninapaj randica cambaj churicunatarajmari alli ningui.

1 SAMUEL 3:10

Mandaj Dios shamushpa shayarishpaca ñaupaman shinallatajmi: –¡Samuel! ¡Samuel!– nishpa cayajpi Samuelca: –Cambajta ruraj ñucaca uyacunimi. Imata cashpapish nihuailla– nirca.

1 SAMUEL 3:13

Elica, paipaj churicuna millaillata rurashpa ñucata yallitaj p'iñachicujta yachashca jahua, mana jarcashpa saquircallami. Chaimantaca paipaj huasi ucupurataca paicuna ima shina rurashcata ricuchishpami, huiñaicama llaquichisha.

1 SAMUEL 3:16

Ashtahuanpish Elica Samuelta cayashpami: –Samuel ñuca huahualla– nijpi paica: –Caipimi cani– nirca.

1 SAMUEL 8:1

Samuelca ña yuyaj cashpaca, israelcunapaj juez cachunca paipaj churicunatami churarca.

1 SAMUEL 8:20

ñucanchijpish shujtaj llajtacuna shinallatajmari cana canchij. Ñucanchij quiquin jatun mandajtajmi ñucanchijtaca mandana can. Macanacuicunapipish paimi ñucanchijta pushanga. Paimi ñucanchijta ñaupashpa ringa– nircacuna.

1 SAMUEL 8:3

Samuelpaj churicunaca, paicunapaj yaya purishca ñancunapica mana purircacunachu. Ashtahuanpish quiquinpajlla charij canata munashcamantami camaricunata japishpa, cashcata ruraj canata saquircacuna.

1 SAMUEL 8:5

cashna nircacuna: “Canca ñamari yuyajyangui. Cambaj churicunaca can purishca ñancunapica mana purincunachu. Cunanca shujtaj llajtacuna ima shinami jatun mandajta charincuna, chai shinallataj ñucanchijtapish jatun mandaj mandachun jatun mandajta churai” nircacuna.