1 SAMUEL 11:7 - Dios Rimashca Shimicunami

⁷ ishqui huagracunata japishpa mirga mirga p'itishpa, tucui Israel llajtapi causajcunaman chai aichata ricuchishpa cashna huillachun huillajcunata cacharca: “Maijanpish Saulpajman, Samuelpajman mana tandanacujcunapaj huagracunataca chashnallatajmi ruranga” nishpa huillachun cacharca. Chaimi Mandaj Dios tucui israelcunaman manchana yuyaita cujpi shuj shinalla tandanacurcacuna.

1 SAMUEL 11:7 Iomraidhean Croise

JUECES 19:29

Huasiman ña chayashpaca shuj cuchillota japishpami, chai huarmitaca, tullu mucucunapi p'itishpa chunga ishqui mirgata rurashpaca, tucui chunga ishqui aillucunapajman cacharca.

JUECES 20:1

Ña alli yuyarinacushpaca tucui israelcunami, Mandaj Diospaj ñaupajpi tandanacurcacuna. Tucuicuna shuj yuyaillami Mizpapi tandanacurcacuna. Danpi causajcunamanta callarishpaca, Beersebapi causajcunacama Galaad llajtapi causajcunandijmi tandanacurcacuna.

2 CRÓNICAS 17:10

Chaimantami Judá llajta muyundijpi caj tucui llajtacunapi causajcunaca, Mandaj Diosta yallitaj mancharcacuna. Chaimantami Josafathuan macanacunatapish mancharcacuna.

2 CRÓNICAS 14:14

Chai q'uipaca, Gerar pueblo c'uchupi caj tucui pueblocunapi causajcunahuanmi macanacurcacuna. Chai pueblocunapi tucui causajcunapish Mandaj Diostaca yallitajmi mancharcacuna. Judá llajta soldadocunaca chai pueblocunamantapish, imalla tiyashcacunatami quichushpa aparcacuna. Chai pueblocunapi causajcunaca yallitaj charijcunami carca.

GÉNESIS 35:5

Paicuna Bet-elman ña ricujpimi, Taita Diosca chai muyundij llajtacunapi causajcunaman jatun manchaita cujpi Jacobtapish, paihuan caj tucuicunatapish llaquichingapajca mana catishpa rircacuna.

2 CRÓNICAS 19:7

Cancunaca Mandaj Diosta manchashpa causanguichij. Ñucanchijta Mandaj Taita Diosca manapish llaquichina cajta llaquichichunpish, ñahuita ricushpalla mitsachunpish, camaricunata huashalla japishpa mitsachunpish mana munanchu. Chashna cashcamantaca, cancuna rurana cashcataca alli yuyaihuan ruranguichij” nircami.

ISAÍAS 8:13

Cancunaca tucuita Mandaj Diosta manchaichij. Paillata jucha illajmi cangui nichij. Cancuna manchana, cancuna chujchunaca Mandaj Dioslla cachun.