1 SAMUEL 11:1 - Dios Rimashca Shimicunami

¹ Chai q'uipami amonitacunata jatun mandaj Nahasca, Galaad llajtapi caj Jabes pueblopi causajcunahuan macanacungapaj huichiyashpa carpa huasicunata shayachirca. Jabes pueblopi causaj tucuicunami Nahastaca: –Ñucanchijhuanca mana macanacunata ari nihuailla. Can chaita ari nijpica, ñucanchijca cambajta rurajcunami tucushun– nircacuna.

1 SAMUEL 11:1 Iomraidhean Croise

GÉNESIS 26:28

Shina nijpimi, paicunaca: –Ñucanchijca Mandaj Dios canhuan cajtami ricunchij. Cunanca canhuan ñucanchijhuan shuj ruranatami ari ninacushun ninchij. Chai ari ninacunaca caimi:

2 SAMUEL 10:1

Tucui chaicuna q'uipaca, amonitacunata jatun mandajmi huañurca. Pai huañujpica paipaj churi Hanunmi mandarca.

2 SAMUEL 10:2

Chaimi Davidca: “Ñucami Nahaspaj churi Hanunhuanca paipaj yaya ñucahuan alli cashca shinallataj paihuanpish llaquishcata ricuchigrini” nishpami, paipaj yaya huañushcamanta cushichingapaj Davidca paipajta ruraj maijancunata cacharca. Davidpajta rurajcuna amonitacunapajman chayajpica,

2 SAMUEL 17:27

Mahanaimman David chayashca q'uipami, Rabá pueblopi causaj amonita Nahaspaj churi Sobipish, Lodebarpi causaj Amielpaj churi Maquirpish, Galaadpi caj Rogelimpi causaj Barzilaipish,

2 SAMUEL 2:5

Chaimi Davidca Galaadpi caj Jabespi cajcunamanca: “Cancunapaj amo Saulta llaquishpa paita churanapaj jutcuta cushcamantaca Mandaj Dios cancunata alli nishca cachun nishpa huillachunmi huillajcunata cacharca.

1 REYES 20:34

Chaipimi Ben-adadca Acabtaca: –Ñuca yaya cambaj yayata quichushca pueblocunataca canman tigrachishami. Samariapi ñuca yaya plazacunata rurashca shinallataj, canpish Damascopica plazacunata ruranguilla– nijpimi Acabca: –Chashnataj ruranata pajtachingapaj ari ninacushpa Ben-adadtaca richun– saquircalla.

1 CRÓNICAS 10:11

Galaadpi caj Jabes pueblopi causaj israelcunaca, filisteocuna Saulta imallata rurashcata yachaj chayashpami,

1 CRÓNICAS 10:12

tucui c'ari c'ari runacuna jatarishpa Saulpaj cuerpotapish, paipaj churicunapaj cuerpocunatapish chai Jabes Galaadman apashpa paicunapaj tullucunataca Jabes pueblopi caj encina yura ucupi pambashpa canchis punllacunata ayunarcacuna.

JOB 41:4

¿Paica tucui causaipi canta servingapaj canhuanca ari ninacunmanchu?

ÉXODO 23:32

Chai llajtapi causajcunahuan tandalla imata rurangapajca ama ari ninacunguichij. Paicunapaj dioscunapaj, imata rurangapajpish ama ari ninacunguichij.

ISAÍAS 36:16

Chashna nijpipish Ezequiastaca ama uyaichijchu. Ashtahuanpish Asiria llajtata jatun mandajca cashnami nin: Ñucata rogarishpa ñucahuan alli tucuichij. Chashna cashpaca quiquin uva chagracunamanta, quiquin higo yuracunamantami micunguichij, quiquin pugyucunamantami yacutapish ubyanguichij.

JEREMÍAS 40:11

Shinallataj Judá llajtamanta rishpa Moab, Amón, Edom shuti llajtacunapi cajcunapish, tucui caishuj llajtacunapi cajcunapishmi Babilonia llajtata jatun mandajca, Judá llajtapi huaquincunata saquishcata yachaj chayarcacuna. Shinallataj chaipi saquirishcacunata mandachunca, Safanpaj churi caj Ahicampaj churi Gedaliasta saquishcatapishmi yachaj chayarcacuna.

JEREMÍAS 40:14

Paicunami Gedaliastaca: –Amón runacunata jatun mandaj Baalisca, Netaniaspaj churi Ismaeltamari canta huañuchichun cachashca. ¿Chaitaca manachu yachangui?– nircacunami. Shina nijpipish, Ahicampaj churi Gedaliasca mana crircachu.

EZEQUIEL 17:13

Shinallataj jatun mandajpaj huahua huahuacunapuramanta shuj pushajta japishpami, chai runataca imata ruranatapish pajtachichun ari nichirca. Chaimantaca cai llajtata jatun mandajcunata pushashpa rircallami.

DEUTERONOMIO 23:3

Mandaj Diospaj tandanacuimanca amonitacunapish, moabitacunapish mana yaicungacunachu. Chunga huahua huahuacunacamapish Mandaj Diospaj tandanacuimanca nunca manataj yaicungacunachu.

JUECES 10:7

Mandaj Diosca nina sindirij shina israelcunahuan p'iñarishpami filisteocunapaj, amonitacunapaj maquipi churarca.

JUECES 11:4

Chaimanta asha punllacuna q'uipami amonitacunaca israelcunahuan macanacurcacuna.

JUECES 21:8

“Mandaj Diospaj ñaupajpi Mizpa pueblopi tandanacui punllaca, ñucanchij Israel aillupuramanta ¿maijan mana shamuj tiyanchu imashi?” nishpami tapunacurcacuna. Chaimi Jabes-galaad pueblopi causajcuna chai tandanacuiman shujllapish mana shamushcata yuyarircacuna.

1 SAMUEL 12:12

Chashna cajpipish amonitacunata jatun mandaj Nahas cancunahuan macanacungapaj shamujta ricushpami: Ñucanchijpish shuj jatun mandajtami ninchij– nishpa ñucata mañarcanguichij. Mandaj cancunapaj Dios jatun mandaj cashcata yachashca jahuamari chashna nircanguichij.

1 SAMUEL 14:47

Saulca, israelcunata jatun mandaj tucushca q'uipaca, muyundijpi caj paita p'iñaj cai llajtacunahuanmi macanacurca. Moab, Amón, Edom llajtacunahuanpish, Soba llajtata jatun mandajcunahuanpish, filisteocunahuanpishmi macanacushpa misharca. Maipi macanacugrishpapish paica mishajtajmi carca.