1 SAMUEL 10:3 - Dios Rimashca Shimicunami

³ Chaimanta rishpa, Tabor pambapi tiyaj encina yuraman ña chayagricujpica, Bet-el pueblopi Diosman cungapaj huichiyangapaj llujshicuj quimsa runacunami canhuan tupangacuna. Paicunaca shujca quimsa chivota, caishujca quimsa tandata, caishujca shuj puñu vinota apashpami ricungacuna.

1 SAMUEL 10:3 Iomraidhean Croise

GÉNESIS 28:19

Ñaupamanca chai puebloca, Luz shuti cashca cajpipish, Jacobca chaitaca, Bet-el shutitami shutichirca.

GÉNESIS 28:22

Taita Dios caipi cashcata ricuchij cachun ñuca caipi churashca rumi tiyacunpish, Taita Diospaj huasimi canga. Tucui imallata Dios ñucaman cushcacunamantapish, chungamanta shujta ch'icanchishpa cucushallami” nircami.

GÉNESIS 35:1

Taita Diosca Jacobtaca: “Jatari, Bet-elman huichiyashpa chaipi causagri. Chaipica cambaj huauqui Esauta miticushpa ricujpi, ricurij Taita Diospaj shuj altarta ruragri” nijpimi,

GÉNESIS 35:3

Cunanca Bet-elman huichiyashunchij. Taita Diosca ñuca llaquilla puricujpipish tucui ñanpimi ñucataca huaquichihuarca. Paita pagui ningapajmi, ñucaca chaipi shuj altarta Taita Diospaj ruragrini– nirca.

SALMOS 89:12

Janaj ladotapish ura ladotapish quiquinmari rurarcangui. Tabor urcupish, Hermón urcupish quiquinpaj shutipimari cantangacuna.

JEREMÍAS 32:8

Ñuca primo Hanameelca, Mandaj Dios nishca shinallatajmi, ñuca prezu tiyacun carcelman shamushpa cashna nirca: Benjamín llajtapi caj Anatotpi ñuca charishca allpata cunantaj randi. Ñuca yayamanta japishcataca, canmari randina cangui. Chai allpa ama shujtajcunapaj tucuchunca, canmari ñuca c'uchulla familia cashcamantaca randina cangui. Chashna cashcamantaca, cambaj cachun chai allpata randi nircami. Chashna nijpimi ñucaca, Mandaj Diostaj chaita randichun ñucata mandashcata yacharcani.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 23:13

Mandaj Diosman cuna cashcata cungapajca ashtahuan alli cutata shuj efamanta chungapi chaupishca, ishqui parteta aceitehuan chapushcata apamuchun. Chaitaca Mandaj Diosman cushpa rupachijpi mishquijllata ashnaj cachun cungapaj apamuchun. Mandaj Diosman cushpa tallina vinotapish shuj hinmanta chuscupi chaupishca shuj parteta apamuchun.

LEVÍTICO 3:12

Mandaj Diosman chivota cucushpaca, Mandaj Diospaj ñaupajman apamushpa,

LEVÍTICO 3:6

Mandaj Dioshuan alli cangapaj Mandaj Diosman ovejata cushpa rupachicushpaca, c'ari ovejata cashpa, huarmi ovejata cashpa ima mana tucushcata cuchun.

LEVÍTICO 7:13

Sumaj causaimanta animalta cucushcandij Mandaj Diosta pagui nishpa cucushpaca, levadurahuan p'unguichishca tandahuan cuchun.

JOSUÉ 19:12

Jatun yacumantaca inti llujshin ladoman caj Saridman muyurishpa, Quislot-tabor lindecamami. Daberatta pasashpaca Jafiacamami huichiyan.

JOSUÉ 19:22

Chai llajtapaj lindeca caitami: Tabor, Sahazima, Bet-semes shuti pueblocunacama chayashpami Jordán jatun yacupi tucurin. Chai chunga sujta pueblocunapish, tucui muyundij llajtacunandijmi paicunapaj carca.

JUECES 20:18

Chai q'uipami israelcunaca tucuicuna jatarishpa Diospaj huasiman huichiyashpa: “¿Benjaminpaj ailluhuanca, maijan aillutaj punta macanacugrina canchij?” nishpa Taita Diosta tapujpi paica: “Judapaj ailluraj macanacugrichun” nirca.

JUECES 20:23

Chaimantaca israelcunaca Mandaj Diospaj ñaupajpi tutayangacama huacashpami Mandaj Diostaca: “¿Benjaminpaj aillu ñucanchij huauquicunahuanca cutin macanacugrishunchu?” nishpa tapujpi, Mandaj Diosca: “Ari, macanacunaman huichiyaichijlla” nirca.

JUECES 20:27

Mandaj Dioshuan ari ninacushca quillcata huaquichina arcaca, chai punllacunaca chaipi cajpimi israelcunaca Mandaj Diostaca tapurcacuna.

JUECES 4:12

Abinoampaj churi Barac runa macanacungapaj Tabor urcuman llujshishcatami, Sisaraman huillanaman chayamurca.

JUECES 4:6

Chai Débora huarmimi, Cedespi causaj Neftalí aillupuramanta caj Abinoampaj churi Baracta cayanaman cachashpa cashna nirca: –Israelcunata Mandaj Diosca cantaca ¿manachu cashna mandarca?: Tabor urcuman rishpa cambaj gentecunata tandachi. Paicunataca Neftalipaj, Zabulonpaj aillucunamanta, 10.000 gentecunata canhuan cachun tandachi.

JUECES 8:18

Chai q'uipami Gedeonca Zebatapish, Zalmunatapish: –Tabor urcupi cancuna huañuchishca runacunaca ¿ima shina runacunataj carca?– nijpi paicunaca: –Can shinallatajmi carca. Paicunaca jatun mandajpaj churicuna shinami carca– nircacuna.

1 SAMUEL 10:4

Allillachu cangui nishca q'uipaca, canmanca ishqui tandatami cungacuna. Chaitaca japinguilla.