1 SAMUEL 10:1 - Dios Rimashca Shimicunami

¹ Chaipimi Samuelca, shuj botella aceiteta Saulpaj umapi tallishpa muchashpaca: –Mandaj Diosmi paipaj israelcunata mandaj cachun, aceitehuan churan.

1 SAMUEL 10:1 Iomraidhean Croise

2 SAMUEL 1:14

Chaimi Davidca: –Mandaj Dios churashca jatun mandajta cambaj maquihuan huañuchinataca ¿ima nishpataj mana mancharcanguiyari?– nishpa,

2 SAMUEL 19:39

Tucuicunami Jordán yacuta ch'imbarcacuna. Jatun mandajpish ch'imbarcami. Chaipimi Barzilaitaca jatun mandajca muchashpa Dios allicunata cuchun nijpi, Barzilaica paipaj huasiman tigrarca.

2 SAMUEL 20:19

Israel llajtapica, cai pueblomari mana p'iñanacushpa causajcuna canchij. Chashna cashpa tucui israelcunapaj mama shina llajtatamari canca chingachisha nicungui. ¿Ima nishpataj Mandaj Dios cushcataca chingachisha ninguiyari?– nircami.

2 SAMUEL 5:2

Saúl ñucanchijpaj jatun mandaj cajpipish, israelcunataca canmari macanacuiman pushaj carcangui. Canllatajmari tigrachimuj carcangui. Mandaj Diosmi cantaca: Ñuca israelcunataca can michingui. Canmi tucui israelcunata mandaj cangui nishcami carca” nircami.

1 REYES 1:34

Chaipimi Sadoc curahuan, profeta Natanhuanca Salomontaca aceitehuan churashpa israelcunata jatun mandajmi cangui nina canguichij. Trompetapi tocashpami: ¡Viva jatun mandaj Salomón! nina canguichij.

1 REYES 19:18

Ñucaca Israelpica Baalta mana cungurij, mana muchaj, 7.000 runacunatami puchuchigrini” nircami.

2 REYES 20:5

“Ñuca agllashcacunata mandaj Ezequiaspajman tigrashpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi. Can huacashcatapish ricunimi. Cantaca alliyachigrinimi, quimsa punllapica Mandaj Diospaj huasiman huichiyanguimi.

2 REYES 9:1

Profeta Eliseoca, profeta canata yachacujcunapuramanta shujta cayashpaca: –Chumbillirishpa, cai botella aceiteta apashpa Galaadpi caj Ramotman ri.

2 REYES 9:12

Shina nijpimi paicunaca: –Manapish imata yachanchijchu. Imata nishca cajpipish tucuita parlaillari– nijpi, paica Mandaj Diosca: –Cantaca israelcunata jatun mandaj cachun, ñucami aceitehuan churani ninmi nishpami rin– nirca.

SALMOS 135:4

Mandaj Diosmari Jacobtaca, paipaj cachun agllarca. Israelcunataca paipajlla cachunmari agllarca.

SALMOS 2:12

Pai p'iñarishpa cancunapaj causaita ama chingachichun paipaj churita alli nichij. Pai p'iñarishpaca mana saquingachu. Paipi shunguta churajcunaca cushichishcami canga.

SALMOS 78:71

Cunanlla huacharishca bachujcunapaj ladomantami apamurca. Pai agllashca Jacobpaj huahua huahuacunata michichunmi apamurca. Paipaj israelcunata michichunmi pushamurca.

ÉXODO 30:23

“Tucuimanta yalli mishquijllata ashnaj yuracunamantaca: Tucuimanta yalli alli mirratapish 500 siclota, mishquijllata ashnaj canelatapish 250 siclota, mishquijllata ashnaj calamotapish 250 siclota,

JEREMÍAS 10:16

Ashtahuanpish Jacobpaj Diosca manamari chashnachu. Paica tucui ima tiyajta rurajmari. Paimari israelcunataca, paipajlla cachun agllarca. Pai Diosca “Tucuita Mandaj” shutimari.

EZEQUIEL 16:13

Canca chashnamari curihuan, cullquihuan sumajyachishca carcangui. Shinallataj alli linomanta, sedamanta rurashca sumaj bordashca churanacunatami churarircangui. Micunatapish, trigo cutata, sacha chuspi huachashca mishquita, aceitetapishmi micurcangui. Chashnami canca tucuimanta yalli sumajyachishca carcangui. Chashna cashpami, jatun mandajpish tucurcangui.

OSEAS 13:2

Paicunaca ashtahuan ashtahuan chai juchallatataj cunancama rurashpa catishpami, cullquita yacuyachishpa imamanpish rijchaj dioscunata rurancuna. Quiquin yuyaimantami imamanpish rijchaj dioscunata rurancuna. ¡Tucui chaicunaca imatapish ruranata yachaj rurashcallami! Chashna rurashpaca chai dioscunaman animalcunata huañuchishpa cujcunataca chai bizicunata muchaichij nircacunami.

Hechos 13:21

Chai punllacunapimi israelcunaca shuj jatun mandajta mañarcacuna. Chaimi Taita Diosca, Benjaminpaj aillumanta Cis runapaj churi Saulta, chuscu chunga huatacunata mandachun curca.

DEUTERONOMIO 32:9

Chaimantami Mandaj Diosca paipajlla agllashcacunata rurarca. Jacobca pai munashcami carca.

1 Tesalonicenses 5:26

Tucui huauquicunata, jucha illaj muchahuan alli cashca canguichijman nichij.

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

Apocalipsis 5:8

Librota ña japijpica, causaiyuj chuscucuna, ishqui chunga chuscu ancianocunapishmi, Ovejapaj ñaupajpi cungurircacuna. Chai ancianocunaca tucuicunami arpacunata, inciensohuan junda curi copacunatapish charicurcacuna. Chai inciensoca jucha illajcuna Diosta mañashcacunami.

1 SAMUEL 12:3

Caipimi cani. Cancuna imamanta ñucata rimana cashpaca, Mandaj Diospaj ñaupajpi pai churashca jatun mandajpaj ñaupajpi huillahuaichijlla. Maijanpaj huagrata, maijanpaj burrota japishca cajpipish huillahuaichijlla. Maijanta yanga juchachij caj cashca cajpipish, maijanta llaquichij caj cashca cajpipish, mana cashpaca maijanpajta camarita japishcamanta ñahuita huichcashpa shujllaman tucuj caj cashca cajpipish huillahuaichijlla. Chaitaca cunan ñuca allichingapaj– nirca.

1 SAMUEL 13:14

Cunanca canca mana unita mandanguichu. Mandaj Dios mandashcata canllataj mana huaquichishcamantami, Mandaj Diosca pai agllashcacunata mandachunca, pai munashcata ruraj runa mandachun pai agllashca runata churanga– nircami.

1 SAMUEL 15:1

Shuj punllami Samuelca, Saultaca: –Mandaj Diosmi paipaj israelcunata jatun mandaj cachun cambaj umapi aceitehuan churachun ñucata cacharca. Cunanca Mandaj Dios rimashcata uyai.

1 SAMUEL 15:17

Samuelca: –Canca cambaj ricuillapitaj yangalla cashcatami yuyarcangui. Chashna cajpipish ¿manachu Israel aillucunata mandaj cachun churashca cangui? Mandaj Diosmi cantaca aceitehuan churashpa israelcunata jatun mandaj cachun churarca.

1 SAMUEL 16:1

Mandaj Diosca Samueltaca: –Israelcunata ama jatun mandaj cachun Saulta ñuca ña anchuchishcamantaca ¿maicamataj huacacunguilla? Can charicun gachupi aceiteta jundachishpa, Belenpi causaj Isaipajman ri. Ñucaca paipaj churicunamanta shujtami jatun mandaj cachun ña agllarcani– nircami.

1 SAMUEL 16:13

Chaimi Samuelca, aceitehuan caj gachuta japishpaca, paipaj huauquicunapaj chaupillapitaj Davidtaca aceitehuan churarca. Chai punllamanta pachami Mandaj Diospaj Espirituca Davidpaj jahuaman shamurca. Chai q'uipaca Samuelca jatarishpa Ramá puebloman tigrarcallami.

1 SAMUEL 2:10

Mandaj Diosta p'iñajcunataca, paipaj ñaupajllapitajmi ñutunga. Paicunapaj jahuapimi, jahua pachamanta c'ulun nichinga. Tucui cai pachapi causajcuna imalla rurashcatapish Mandaj Diosmi paicunaman ricuchinga. Jatun Mandajmanca tucuita rurai tucunatami cunga. Pai churashca tucuita rurai tucujtaca jatunyachingami” nircami.

1 SAMUEL 24:6

Chaimi paihuan caj runacunataca: –Ñuca amota cancuna nishca shina llaquichichunca Mandaj Dios ñucataca huaquichichun. Paica Mandaj Dios churashca jatun mandajmari. Paitaca Mandaj Dios churashca jatun mandaj cashcamantaca ñuca maquihuanca imata mana rurashachu– nirca.

1 SAMUEL 26:11

Mandaj Dios churashca mandajta ñuca maquihuan huañuchinamantaca Mandaj Dios huaquichichun. Ashtahuanpish cunanca paipaj saunapi shayacuj lanzata, paipaj yacu mangatapish apashpa jaculla– nirca.

1 SAMUEL 26:9

Chaimi Davidca Abisaitaca: –Ama huañuchichu. Mandaj Dios churashca mandajta maijanpish paipaj maquihuan huañuchishpaca ¿maitataj juchachina illajca saquiringari?– nirca.

1 SAMUEL 8:19

Ashtahuanpish Samuel nishcataca israelcunaca mana uyashpami: –Ñucanchijta jatun mandajca tiyanatajmi can nishpa,

1 SAMUEL 8:9

Cunanca paicuna mañashcata uyailla. Jatun mandaj paicunata mandacushpaca ima shina mandana cashcata ricuchishpa tucuicunaman alli huillangui” nircami.

1 SAMUEL 9:16

“Caya cai horas shinallatajmi, ñucaca Benjaminpaj llajtamanta shuj runata cambajman cachasha. Paitaca ñucapaj caj israelcunata mandaj cachun aceitehuan churangui. Paimi ñucapaj cajcunataca filisteocunapaj maquimanta quishpichinga. Ñucapaj cajcuna llaquita apacujtaca ricunimi. Paicuna caparishpa mañashcapish ñucapajmanmi chayan” nirca.

1 SAMUEL 9:27

Ña chai pueblomanta llujshigrishpami, Samuelca Saultaca: –Cambajta rurajtaca ñaupashpa rilla ni nirca. Saulpajta ruraj ña rijpimi Saultaca Taita Dios imalla nishcata canman huillangapaj ashata shuyai– nirca.