1 SAMUEL 1:8 - Dios Rimashca Shimicunami

⁸ Paipaj cusa Elcanaca: “Ana, ¿imamantataj huacangui? ¿Ima nishpataj mana micungui? ¿Ima nishpataj cambaj shunguca llaquilla? ¿Manachu ñucallataj cambajca chunga churicunatapish yalli cani?” nijmi carca.

1 SAMUEL 1:8 Iomraidhean Croise

2 REYES 8:12

Hazaelca Eliseotaca: –Ñuca amito ¿ima nishpataj huacangui?– nijpimi Eliseoca: –Israelcunata can llaquichinata yachashcamantami huacani. Torrecunataca canmari rupachingui, q'uipa huiñaicunatapish espadahuanmi huañuchingui. Huahuacunatapish pircacunapi huajtashpami huañuchingui, chichu huarmicunatapish huijsatamari lliquingui– nirca.

JOB 6:14

Tucuita Mandaj Diosta mana cazuj, manchai illaj runatapish llaqui tucujpica, paipaj rijsishca runaca cushichintajmari.

SALMOS 43:4

Taita Diospaj altarmanmi c'uchuyasha. Ñuca llaquita anchuchij, ñucata cushichij Taita Diospajmanmi c'uchuyasha. Taita Dioslla, ñuca Dioslla arpapi tocashpami quiquintaca alabasha.

ISAÍAS 54:1

¡Mana chichuj, mana huachaj huarmi, cushicuiyari! ¡Manataj huachaj huarmi, jatun cushicuihuan caparishpa cantayari! “Cusa shitashca cashpapish, canmari cusayuj huarmitapish yalli huahuacunayuj tucungui” ninmi Mandaj Diosca.

ISAÍAS 54:6

Cantaca cusa shitashca huarmi shina llaquilla shungu cajpimi Mandaj Diosca cayarca. Chairaj huarmita cusa shitashca cashpapish cutin cashna nij shinami cambaj Taita Diosca cashna nin:

Juan 20:13

Chai angelcunaca: –Huarmi ¿imamantataj huacacungui?– nijpi, chai huarmica: –Ñuca Mandaj Jesustamari apashcacuna. Paita maipi churashcatamari mana yachani– nirca.

Juan 20:15

Jesusca: –Huarmi ¿imamantataj huacacungui? ¿Pitataj mashcacungui?– nijpimi, huertata allichijmi yuyashpa chai huarmica: –Mandaj Jesusta, can apashca cashpaca, maipi churashcata huillahuai, ñuca apangapaj– nirca.

1 Tesalonicenses 5:14

Huauquicuna, caitapishmi roganchij. Imata mana rurasha nij q'uillacunataca sinchita cunaichij, llaquilla cajcunataca cushichichij, manaraj alli yachajcunataca yachachipaichij. Tucuicunahuan alli caichij.

RUT 4:15

Cai huahuami cambaj alma llaquihuan huañucujtaca cushichinga. Can yuyaj cajpipish, paimi cuidanga. Cambaj nueraca canta c'uyashcamantami cai huahuataca huachashca. Paica can canchis churicunata charishcatapish ashtahuan yalli allimari– nircacunami.

1 SAMUEL 1:7

Mandaj Diospaj huasiman huatanta huichiyashpapish Penina huarmica Anataca chashnallataj nishpami llaquichij carca. Chaimantami Anaca huacashpa mana micuj carca.