1 SAMUEL 1:5 - Dios Rimashca Shimicunami

⁵ Ana huarmimanca Mandaj Dios huahuacunata mana cujpi mana huahuacunayuj cajpipish Elcanaca Anataca yallitaj c'uyashcamantami ashtahuan allita agllashpa cuj carca.

1 SAMUEL 1:5 Iomraidhean Croise

GÉNESIS 11:30

Saraica mana huachaj cashpami, huahuacunataca mana charirca.

GÉNESIS 16:1

Abrampaj huarmi Saraica mana huachajmi carca. Paica Egiptomanta caj Agar huarmitami paipajta ruraj cachun charirca.

GÉNESIS 20:18

Abrahampaj huarmi Sarata Abimelec paipaj huarmi cachun japishcamantami, Mandaj Diosca Abimelecpaj huarmitapish, paipajta ruraj huarmicunatapish mana huachajta rurashca carca.

GÉNESIS 30:1

Raquelca mana huachaj cashpami, paipaj ñañata envidiashpa pai shinallataj huahuacunata charinata munashpa Jacobtaca: –Ñucamanpish huahuacunata cui, mana cashpaca huañushami– nirca.

GÉNESIS 30:2

Chaimi Jacobca, Raquelhuan p'iñarishpaca: –Ñucaca Taita Dios cashpatajmari, canmanca huahuacunata cusha. Ashtahuanpish paimi cantaca huahuacuna illajlla cachun munashca– nirca.

GÉNESIS 43:34

Joseca paipaj huauquicunamanca, pai micunallatatajmi carachirca. Benjaminmanca caishuj huauquicunaman carashcamanta, pichca cutinhuan yallitami carachirca. Josepish paipaj huauquicunapish tandalla micushpa ubyashpaca, achcatami cushicurcacuna.

GÉNESIS 45:22

Paipaj huauquicunamanca tucuicunamanmi mushuj churanacunata curca. Benjaminmancarin, 300 cullquita, pichca mushuj churanacunatami curca.

DEUTERONOMIO 21:15

Maijanca ishqui huarmita charijpi shujca c'uyashca cangachari, caishujca mana c'uyashca cangachari. Ishquindijpitaj huahuacunata charijpica, punta churica mana c'uyashca huarmipi cangachari.