1 SAMUEL 1:3 - Dios Rimashca Shimicunami

³ Elcanaca tucuita Mandaj Diosta adorangapaj, sacrificiocunata cungapajmi pai causacun pueblomantaca, Silo puebloman huatanta huichiyaj carca. Chaipica Elipaj Ofni, Finees shuti ishqui churicunami Mandaj Diospajta rurashpa causacurcacuna.

1 SAMUEL 1:3 Iomraidhean Croise

SALMOS 78:60

Chaimantami Silopi caj carpa huasipi canataca saquirca. Runacunapaj chaupipi pai causacushca carpa huasimantaca anchurcami.

ÉXODO 23:14

Ñucata yuyarishpa huatapi quimsa cutin jatun fiestata ruranguichij.

ÉXODO 23:17

Tucui c'aricunami Mandaj Jatun Diospaj ñaupajpica huatapi quimsa cutin ricurigrinataj canguichij.

ÉXODO 34:23

Israel cancunaca tucuicunami huatapi quimsa cutin israelcunapaj Mandaj Jatun Diospaj ñaupajpi ricurigrina canguichij.

Lucas 2:41

Jesuspaj yaya mamaca huatantami, Jerusalén Pascua fiestaman rijcuna carca.

DEUTERONOMIO 16:16

Mandaj Dios agllashca pueblopica, cada huatapaj quimsa cutinmi cai fiestacunapimi ricurigrina canguichij: Levadura illajlla tandata micuna jatun fiestapi, granota tandashcamanta cushicuna jatun fiestapi, ramacunahuan chugllacunata rurashca jatun fiestacunapimi tucui c'aricuna Mandaj Dios cancunapaj Taita Diospaj ñaupajpi ricurigrina canguichij. Chai jatun fiesta punllacunapica ni pi ama Mandaj Diospaj ñaupajpica chushaj maquilla ricurigringuichijchu.

JOSUÉ 18:1

Israelcunaca tucuicunata mishashpa llajtata japishca q'uipaca, Silo pueblopi tucuicuna tandanacushpami, Mandaj Dioshuan tupangapaj tandanacuna carpa huasita shayachircacuna.

JUECES 18:31

Chashnami Danpaj ailluca Micaía runa imamanpish rijchaj diosta caspipi rurashcata shayachishpa adorarcacuna. Diospaj carpa huasi Silo pueblopi cai punllacunaca tucui chai punllacunami chaipi shayachishca carca.

JUECES 21:19

Cashnapish nircami: Mandaj Diosta yuyarina fiestamari huatanta Silo pueblopi tiyan. Chai puebloca Bet-el pueblomantaca janajmanmi. Bet-elmanta Siquem puebloman rina ñanmantaca inti llujshinmanmi. Shinallataj Lebona pueblomantaca uranijmanmi” ninacurcacunami.

1 SAMUEL 1:21

Chai cati huatapish Elcanaca, tucui paipaj huasi ucu familiandij Mandaj Diosman sacrificiota cuj cashca shinallataj cunaman, Mandaj Diosman cusha nishcata pajtachingapajpishmi Silo puebloman rirca.

1 SAMUEL 1:9

Shuj cutin Silo puebloman Ana rishpaca micushca ubyashca q'uipami Mandaj Diospaj huasiman rirca. Chaipica Elí curami shuj pilar c'uchupi caj tiyanapi tiyacurca.

1 SAMUEL 14:3

Efod nishcata apajca, Ahitob curapaj churi Ahiasmi carca. Ahitobca, Icabodpaj huauquimi carca. Ahitobca, Fineespaj churimi carca. Fineesca, Elipaj churimi carca. Elica, Silo pueblopimi Mandaj Diospajta ruraj cura carca. Israelcunaca Jonatán rishcataca mana yacharcacunachu.

1 SAMUEL 2:19

Paipaj mamaca suni churanatami ruraj carca. Chaitaca paipaj cusa sacrificiota cunaman rij cashca shinallataj huatanta rijpimi, Samuelman cungapaj apaj carca.

1 SAMUEL 2:34

Cambaj Ofni, Finees shuti churicuna ishquindijtaj chai punllallataj huañushpami, ñuca canman chashna nishca pajtashcata ricuchijca canga.

1 SAMUEL 3:13

Elica, paipaj churicuna millaillata rurashpa ñucata yallitaj p'iñachicujta yachashca jahua, mana jarcashpa saquircallami. Chaimantaca paipaj huasi ucupurataca paicuna ima shina rurashcata ricuchishpami, huiñaicama llaquichisha.

1 SAMUEL 4:11

Taita Diospaj arcatapish quichurcami. Elipaj Ofni, Finees ishqui churicunapish huañurcami.

1 SAMUEL 4:4

Israelcunaca, Silo pueblomanmi taucacunata cacharcacuna. Paicunaca, querubincunapaj chaupipi tucuita Mandaj Dios causacun arcatami apamurcacuna. Elipaj churi Ofni, Finees shuti curacunapishmi shamurcacuna.