1 SAMUEL 1:26 - Dios Rimashca Shimicunami

²⁶ Chaipimi Ana huarmica: –Ñuca amito, canca causanguillami. Ñucaca caipi cambaj c'uchupi Mandaj Diosta ¿manachu mañacurcani? Chai huarmillatajmari cani.

1 SAMUEL 1:26 Iomraidhean Croise

GÉNESIS 42:15

Cancuna nishca chashnataj cashcataca caita rurashpami yachasha: ¡Tucui cancunapaj q'uipa huauqui shamungacama, caimantaca manataj llujshinguichijchu. Faraonpaj shutipimi chashna nini!

2 SAMUEL 11:11

Chaimi Uriasca Davidtaca: –Diospaj arcapish, israelcunapish, judacunapish carpa huasicunallapimi tiyacuncuna. Ñuca amo Joabpish, can jatun mandajpajta rurajcunapish pamballapimi dormicuncuna. Chashna cashca jahuaca ñucallachu ñuca huasiman rishpa alli micushpa, ubyashpa, ñuca huarmihuan dorminaman risha. Can jatun mandajpaj ñaupajpimi nini, chaitaca manataj rurashachu– nirca.

2 SAMUEL 14:19

Shina nijpi jatun mandajca: –Caicunataca ¿manachu Joabllataj yachachishpa cachajpi cashna nicungui?– nijpimi chai huarmica: –Jatun mandaj ñuca amo canca causacunguimi. Jatun mandaj ñuca amo nishcacunaca, ni alli ladoman ni lluqui ladoman mana pandachu. Cambajta ruraj Joabtajmari tucui caicunataca cutin cutin rimachishpa alli yachachishpa cambajta ruraj huarmitaca cambajman cacharca.

2 REYES 2:2

Chaipimi Eliasca Eliseotaca: –Ñucataca Mandaj Diosca Bet-elmanmi cacharca. Cunanca canca caillapi saquiri– nijpi Eliseoca Eliastaca: –Mandaj Diosca causajmi. Canpish causajmi cangui. Canmantaca manataj saquirishachu– nijpica, Bet-elmanmi ishquindijllataj uriyarcacuna.

2 REYES 2:4

Eliasca cutinmi Eliseotaca: –Ñucataca Mandaj Diosca Jericomanmi cacharca. Cunanca canca caillapi saquiri– nijpi Eliseoca: –Mandaj Diosca causajmi. Canpish causacunguimi. Canmantaca manataj saquirishachu– nijpica Jericomanmi ishquindijllataj rircacuna.

2 REYES 2:6

Chaipipish Eliasca cutinmi: –Ñucataca Mandaj Diosca Jordanmanmi cacharca. Cunantajca canca caillapi saquiripai– nijpi Eliseoca: –Mandaj Diosca causajmi. Canpish causacunguimi. Canmantaca manataj saquirishachu– nishpaca Jordanmanpish ishquindijllatajmi rircacuna.

2 REYES 4:30

Shina nijpi huambrapaj mamaca: –Mandaj Diosca causajmi. Canpish causacunguimi. Cantaca manataj saquishpa rishachu– nircami.

1 CRÓNICAS 4:10

Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

1 SAMUEL 17:55

Saulca filisteohuan David tupanaman ña rijpimi, soldadocunata mandaj Abnertaca: –Abner chai mosoca ¿pipaj churitaj?– nijpi Abnerca:

1 SAMUEL 20:3

Cutinmi Davidca: –Cambaj yayaca cambaj ñaupajpi ñuca alli ricurishcataca allimi yachan. Chaimantami Jonatanca llaquiringami nishpa mana huillashca canga. Mandaj Diosca causajmi, canpish yachanguimi. Ñuca huañunapajca shuj chaqui saruillami illan– nircami.

1 SAMUEL 25:26

Cunanca ñuca amito. ¡Mandaj Diosca causajmi, canpish causacunguimi! Canta llaquichijcunata cambaj maquihuantaj yahuarta jichashpa huañuchinaman shamucujtaca Mandaj Diosmi jarcashca. Can ñuca amota p'iñashpa llaquichisha nicujcunataca, Nabalta shinallataj tucuicunata llaquichishca cachun.