1 SAMUEL 1:19 - Dios Rimashca Shimicunami

¹⁹ Cayandijta utca jatarishpaca, Mandaj Diosta adorashpami, Ramá pueblopi caj paicunapaj huasiman tigrarcacuna. Elcanaca paipaj huarmi Anahuan chayarinacucujpimi, Mandaj Diosca Ana mañashcata yuyarirca.

1 SAMUEL 1:19 Iomraidhean Croise

GÉNESIS 21:1

Mandaj Diosca pai nishca shinallatajmi Sara huarmitaca ricuj shamurca. Mandaj Diosca pai cusha nishpa ari nishca shinallatajmi pajtachirca.

GÉNESIS 30:22

Taita Diosca Raquelta yuyarishpa, paita uyashpami, huahuacunata curca.

GÉNESIS 4:1

Evaca paipaj cusa Adán chayarijpimi, chichushpa shuj huahuata huacharca. “Mandaj Dios munashpa cujpimari shuj c'ari huahuata charini” nishpami, chai huahuataca Cainta shutichirca.

GÉNESIS 8:1

Chai q'uipami Taita Diosca Noetapish, paihuan caj animalcunatapish huambuj huasipi cashcata yuyarirca. Chaimi Taita Diosca huairata cachashpa cai pachapi junda tiyacuj yacutaca chaquichishpa catirca.

2 REYES 4:17

Chai huarmica chichushpa caishuj huatapajca Eliseo nishca punllacuna shinallapitajmi shuj c'ari huahuata huacharca.

SALMOS 119:147

Manaraj pacarijpimari mañarcani. Quiquinpaj shimipimari ñuca shunguta churani.

SALMOS 136:23

Ñucanchij llaquihuan cajpipish ñucanchijta yuyarijta alabaichigari. Pai llaquij canaca huiñaipajmari.

SALMOS 25:7

Huambraraj cashpa ñuca juchallishcata ama yuyaripangui. Huambraraj cashpa ñuca c'ariyashcacunata ama yuyaripangui. Quiquin llaquij cashca shinallataj ñucata yuyaripangui. Mandaj Dioslla, quiquin c'uyaj cashca shinallataj c'uyangui.

SALMOS 5:3

Mandaj Dioslla, tutamantaman ñuca caparishcata uyarapangui. Tutamantaman canman mañashpa huillashcataca shuyaracushami.

SALMOS 55:17

Chishipish, tutamantapish, chaupi punllapish, mañashami, caparishami. Paica ñuca caparishcata uyangami.

Marcos 1:35

Jesusca amsaraj cajpi utca jatarishpa chaimanta llujshishpaca, pi mana causan chulunllaman rishpami, Taita Diosta mañarca.

Lucas 23:42

Chai runaca Jesustaca: –Can mandangapaj shamushpaca, ñucata yuyaripangui– nijpimi,

JOSUÉ 18:25

Gabaón, Ramá, Beerot,

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.

1 SAMUEL 15:34

Chai q'uipami Samuelca, Ramá puebloman tigrarca. Saulpish, Gabaapi caj paipaj huasimanmi huichiyarca.

1 SAMUEL 16:13

Chaimi Samuelca, aceitehuan caj gachuta japishpaca, paipaj huauquicunapaj chaupillapitaj Davidtaca aceitehuan churarca. Chai punllamanta pachami Mandaj Diospaj Espirituca Davidpaj jahuaman shamurca. Chai q'uipaca Samuelca jatarishpa Ramá puebloman tigrarcallami.

1 SAMUEL 19:18

Davidca miticushpa rishpami quishpirirca. Chaimantaca Ramá pueblomanmi Samuelpajman rirca. Chaipimi Saúl paita imallata rurashcata tucuita parlarca. Chai q'uipaca Samuelpish, Davidpish Naiot pueblopimi causanaman rircacuna.

1 SAMUEL 2:11

Chai q'uipaca Elcanaca Ramá pueblopi caj paipaj huasimanmi tigrarca. Chai huahuaca Elí curahuan tucushpa Mandaj Diospajta rurangapajmi saquirirca.

1 SAMUEL 25:1

Samuel huañujpica, tucui israelcunami paimanta huacangapaj tandanacurcacuna. Samueltaca Ramá pueblopi caj paipaj huasipimi pambarcacuna. Davidca chaimanta rishpaca Parán shuti shitashca pambamanmi rirca.

1 SAMUEL 7:17

Chaimantaca Ramá pueblopi caj paipaj huasimanmi tigrajlla carca. Paica chaipimi israelcunapurapi ima allichinatapish allichij carca. Chaipica Mandaj Diospaj shuj altartapishmi rurarca.

1 SAMUEL 8:4

Chaimi israelcunata cunaj yuyajcunaca tucuicuna tandanacushpa, Ramá pueblopi Samuelta ricunaman shamushpaca,

1 SAMUEL 9:26

Cayandij tutamanta utca jatarishpami, manaraj inti llujshijpi Samuelca huasi jahuapi Saúl cajpi cashna nirca: –Saúl jatari, caya minchacama ningapaj– nijpi Saúl jatarijpica Samuelndij ishquimi llujshircacuna.