1 SAMUEL 1:10 - Dios Rimashca Shimicunami

¹⁰ Chaipimi Anaca shungumanta llaquirishpa achcata huacashpa Mandaj Diosta mañarca. 0

1 SAMUEL 1:10 Iomraidhean Croise

GÉNESIS 30:1

Raquelca mana huachaj cashpami, paipaj ñañata envidiashpa pai shinallataj huahuacunata charinata munashpa Jacobtaca: –Ñucamanpish huahuacunata cui, mana cashpaca huañushami– nirca.

GÉNESIS 50:10

Jordán yacumanta inti llujshin ladoman caj Atad nishca trillana pambaman chayashpaca, llaquijllatami jatunta huacarcacuna. Chaipimi Joseca paipaj yayamantaca canchis punllacunata llaquilla carca.

2 SAMUEL 13:36

Pai tucui rimancami jatun mandajpaj churicunaca chayamushpa caparishpa huacarcacuna. Jatun mandajpish, paipajta rurajcunapish yallitaj llaquirishpami jatunta huacarcacuna.

2 SAMUEL 17:8

Husai runaca cashnapishmi nirca: –Cambaj yayapish paihuan caj runacunapish c'ari c'aricuna cashcataca canllataj yachanguimi. Cunancarin mama osa paipaj huahuata quichushcamanta yallitaj p'iñarishca sachapi puricuj shinami canga. Cambaj yayaca macanacuipi ima shina canata alli yachajmi. Chaimanta cunan tutaca mana paihuan caj runacunahuanchu canga.

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

JOB 10:1

Ñuca almaca, ñuca causaihuanca ñamari shaicushca. Caitaj llaquicunataca huillacushallami. Ñuca almapi huacaihuan huillacushallami.

JOB 7:11

Chaimanta ñuca shimitaca, mana huichcashachu. Yuyaipi llaquihuan huañucushcamantaca rimacushallami. Tucui shunguhuan huacashpami, canmanca huillacushalla.

JOB 9:18

Cushicuita charichunpish, mana saquinchu. Ashtahuanpish jatun llaquicunallatamari apachihuarca.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 91:15

Ñucata mañajpica ñucapish cutichishami. Llaquihuan cajpipish, ñucapish paihuanmi casha. Paitaca cacharichishami, sumajyachishami.

PROVERBIOS 14:10

Llaquilla cajpipish, cushijlla cajpipish, quiquin shungullami yachan. Chaitaca shujtajcunaca mana yachai tucunchu.

ISAÍAS 38:15

Ñuca imalla tucunata huillacujllataj ñucata llaquichicushcamantaca ¿imatataj nishari? Ñuca causaipi llaquihuan cashcamanta tucui ñuca causaipimi llaquilla purisha.

ISAÍAS 54:6

Cantaca cusa shitashca huarmi shina llaquilla shungu cajpimi Mandaj Diosca cayarca. Chairaj huarmita cusa shitashca cashpapish cutin cashna nij shinami cambaj Taita Diosca cashna nin:

JEREMÍAS 13:17

Cancuna jatun tucushpa caita mana uyajpica imatataj rurashapish, cancunamantaca pacallapi huacashpa saquirishatajchari. Mandaj Diospaj oveja canllata prezu apajpica, ñuca ñahuicuna yacuyashpa tucuringacama jatunta huacacushallatajchari.

JEREMÍAS 22:10

Huañushca mandajmantaca ama huacaichijchu, ama llaquirichijllapishchu. Ashtahuanpish shujtaj llajtaman prezu rijmanta caparirishpa huacaichij. Paica ña mana tigramungachu. Pai huacharishca cai llajtataca, ña manataj cutinca ricungachu.

LAMENTACIONES 3:15

Cai tucui llaquicunahuanmi ñacachihuarca. Ajenjota ubyachishpamari machachihuarca.

Lucas 22:44

Jesusca llaquihuan huañucushpami ashtahuan Taita Diosta mañacurca. Chaimantami paipaj jumbica, yahuar shina pambaman achca shuturca.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

JUECES 21:2

Chai q'uipaca tucuicuna Diospaj huasiman rishpami, Taita Diospaj ñaupajpi tutayangacama chaipi carcacuna. Chaipi caparishpa achcata huacashpaca:

RUT 1:20

Chaimi Noemica: –Ñucataca ama Noemí nihuaichijchu. Ashtahuanpish Mara nihuaichij. Tucuita Rurai Tucuj Diosca, jatun llaquitamari rurahuarca.

1 SAMUEL 1:11

Ana huarmica: “Tucuita Mandaj Dios, cambajta ruraj ñuca llaquihuan cajta ricuhuayari. Cambajta ruraj ñucataca amataj cungarichu. Ashtahuanpish cambajta rurajmanca shuj c'ari huahuata cuhuai. Ñucaca paitaca paipaj tucui causaipi can Mandaj Diospaj cachunmi canman cusha. Paipaj ajchatapish manataj p'itichishcami canga” nishpami mañarca.

1 SAMUEL 1:9

Shuj cutin Silo puebloman Ana rishpaca micushca ubyashca q'uipami Mandaj Diospaj huasiman rirca. Chaipica Elí curami shuj pilar c'uchupi caj tiyanapi tiyacurca.