1 Juan 5:7 - Dios Rimashca Shimicunami

⁷ Jahua pachapica cai quimsami huillacun. Paicunaca: Yaya, Rimai Shuti, Jucha Illaj Espiritumi. Cai quimsaca shujllami.

Mushuj Testamento Diospaj Shimi

⁷ Jahua pachapica quimsa huillajcunami tiyan: Yayapish, Rimashca Shimipish, jucha illaj Espiritupishmi. Paicunaca quimsandijtaj shujllami.

1 Juan 5:7 Iomraidhean Croise

SALMOS 33:6

Mandaj Diosca rimashcallahuanmi jahua pachacunataca rurarca. Chaipi imalla tiyajcunatapish p'ucushpallami rurarca.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 18:16

Ashtahuanpish can rimashcata mana uyajpica, shujta cashpa, ishquita cashpa pushashpa cutin paipajman ringui. Paicunami imallata uyashcata alli huillajcuna canga.

Mateo 28:19

Chaimanta tucui cai pachata richij, ñuca yachacujcunata ruraichij. Paicunataca Yayapaj, Churipaj, jucha illaj Espiritupaj shutipi bautizaichij.

Juan 1:1

Taita Dios imatapish manaraj rurajpimi Rimashca Shutica ña tiyarca. Rimashca Shutica Taita Dioshuanmi carca. Rimashca Shutica Taita Diosllatajmi carca.

Juan 10:30

Ñuca Yayapish, ñucapish shujllami canchij– nijpimi,

Juan 12:28

Ashtahuanpish cashna nisha: Yayitu, can tucuita rurai tucuj cashcata ricuchi– nijpica jahua pachamanta shuj rimashcami: “Ñami tucuita rurai tucuj cashcataca ricuchircani, ñuca tucuita rurai tucuj cashcataca cutinpish ricuchisharajmi” nishcami uyarirca.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 5:26

Yayaca paillapitajmi causaita charin. Shinallatajmi Churimanpish, paillapitaj causaita charichun curca.

Juan 8:18

Shina cajpica ñucapish ñucallamantataj huillajmi cani. Ñucata cachaj Yayapish ñucallamantataj huillajmi– nircami.

Juan 8:54

Chaimi Jesusca: –Ñucallataj allimi cani nirijpica, ñuca allimi cani nirishcaca yangallami canman. Ñuca Yayami ñucataca alli nin. Paillatatajmi cancunapish ñucanchij Taita Diosmi nicunguichij.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Hechos 5:32

Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

DEUTERONOMIO 6:4

Israelcuna uyaichij. Mandaj Dios ñucanchij Taita Diosca shujlla Diosmari.

1 Juan 1:1

Callarichinapaj ña tiyajtaca ñucanchijtajmi uyarcanchij, ñucanchij ñahuihuantajmi ricurcanchij. Causaiyuj Rimaitaca, ñucanchij maquicunahuantajmi tuparircanchij.

1 Juan 5:6

Jesucristo shamushcataca yacumi yahuarmi ricuchin. Mana yacullachu ricuchin, ashtahuanpish yacupish yahuarpishmi ricuchin. Diospaj Espiritupish chaitami ricuchin. Espirituca mana llullajmi.

1 Juan 5:8

Cai pachapipish quimsami huillacuncuna. Chaicunaca: Espíritu, yacu, yahuarmi. Chai quimsandijmi chaillatataj huillancuna.

Apocalipsis 19:13

Paica yahuarpi tinishca churanata churashcami carca. Paipaj Shutica: Diospaj Rimaimi carca.