1 Juan 5:3 - Dios Rimashca Shimicunami

³ Diosta c'uyacushcataca pai mandashcacunata cazushpami ricuchina. Pai mandashcacunata cazunaca mana sinchichu.

Mushuj Testamento Diospaj Shimi

³ Taita Diosta cʼuyashcataca, cashnapimi ricuna: Pai mandashcacunatami pajtachina. Paita cʼuyajpica, Pai mandashcacunata pajtachinaca mana sinchichu.

1 Juan 5:3 Iomraidhean Croise

2 REYES 18:6

Ezequiasca Mandaj Dios mandashcata Moisesman cushpa ima shinalla pajtachina cashcata mandashca shina huaquichishpa causashpami, Mandaj Diosllata catishpa paimantaca mana anchurirca.

SALMOS 119:140

Quiquinpaj shimicunaca tucuimanta yalli chuyamari. Chaimantami quiquinpajta ruraj ñucaca c'uyani.

SALMOS 119:45

Quiquin mandashcacunatami mashcani. Pi mana imata nishcami purisha.

ÉXODO 20:6

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

PROVERBIOS 3:17

Paipaj ñancunaca, cushicushpa purina ñancunami. Pai cushca causaipish sumajmari.

DANIEL 9:4

Mandaj ñuca Taita Diosta mañashpa, paiman tucuita huillashpaca cashnami nircani: “Jatun Dios quiquinca manchashca cana jatun Taita Diosmi cangui. Quiquinta c'uyajcunata, quiquinpaj mandashcacunata huaquichijcunapajca, paicunapaj imata rurasha nishpa ari nishcatapish, llaquij canatapish pajtachijmi cangui.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

Mateo 23:4

Paicunaca pi mana apai tucuipaj jatun quipitami gentecunamanca apachincuna. Ashtahuanpish paicunaca shuj dedollahuanpish mana tuparincunachu.

Juan 14:15

Ñucata c'uyashpaca, ñuca mandashcacunata ruraichij.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.

Romanos 7:12

Mandashcaca jucha illajtajmi. Chai Mandashcapi imalla nishcacunapish jucha illajmi, cashcata rurajmi, allimi.

Romanos 7:22

Ñuca ucu yuyaipica, Dios mandashcallahuanmi cushicuni.

DEUTERONOMIO 5:10

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

1 Juan 2:3

Pai mandashcacunata cazushpami, paita rijsishpa causacushcata yachanchij.

2 Juan 1:6

C'uyajtajca Dios mandashcacunata cazunami. Callarimanta cancuna uyashca shinallataj Dios mandashca shina caishuj chaishuj c'uyanacushpa causanami.