1 Juan 5:20 - Dios Rimashca Shimicunami

²⁰ Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

Mushuj Testamento Diospaj Shimi

²⁰ Ashtahuanpish ñucanchijmanca, Diospaj Churi shamushpamari, Pai Diostataj rijsichun yuyaita pascashca. Cunanca ñucanchijca, Cashcatataj huillaj Diospaj Churi Jesucristohuanmi causacunchij. Paica Diostajmi, huiñai causaipish Paillatajmi. Chaitapish allimari yachanchij.

1 Juan 5:20 Iomraidhean Croise

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

ISAÍAS 54:5

Canta Ruraj Diosmari cambaj cusa, paipaj shutica tucuita Mandaj Diosmi. Paica canta Quishpichij israelcunapaj jucha illaj Diosmi. Tucui cai pachapi causajcunapaj Dios nishcami canga.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

Mateo 13:11

Shina nijpi Jesusca: –Taita Dios mandagrin, pi mana yachashca pacalla cajtaca, cancunamanmi ricuchishca. Ashtahuanpish paicunamanca, chaitaca mana ricuchishcachu.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Lucas 24:45

Chashna nishpami Quillcachishcacunata alli entendichun, paicunapaj yuyaicunata pascashpa,

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 10:30

Ñuca Yayapish, ñucapish shujllami canchij– nijpimi,

Juan 14:20

Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 14:9

Chaimi Jesusca: –Unitami cancunahuan carcani. Felipe ¿manarajchu ñucataca rijsingui? Pipish ñucata rijsijca, ñuca Yayatapish ñami rijsin. ¿Ima nishpataj canca: “Yayata ñucanchijman ricuchi” ningui?

Juan 15:4

Cancunaca ñucahuan shuj shinalla catichij, ñucapish cancunahuanca shuj shinallami casha. Ima shinami ramaca yurapi mana cashpaca, paillatajca mana p'ucui tucun. Ñucahuan mana shuj shinalla catishpaca, cancunapish chashnallatajmi mana p'ucui tucunguichij.

Juan 17:14

Ñucaca paicunamanca quiquin huillai nishcatami huillarcani. Ima shinami ñucaca mana cai pachapaj cani, shinallatajmi paicunapish mana cai pachapaj. Chaimantami cai pachapaj cajcunaca paicunataca p'iñancuna.

Juan 17:25

Cashcata ruraj Yayitu, cai pachapaj cajcunaca cantaca mana rijsircacunachu, ashtahuanpish ñucaca rijsinimi. Ñucapaj cajcunapish can ñucata cachashcataca rijsincunami.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 20:28

Tomasca: –¡Ñucata Mandaj, ñuca Taita Dioslla!– nirca.

Juan 8:42

Chaimi Jesusca: –Cancunapaj Yaya, Taita Dios cajpica, ñucataca c'uyanguichijmanmi. Ñucaca, Taita Diospajmantami shamurcani. Mana ñuca yuyaillamantachu shamurcani. Paimari ñucataca cacharca.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Romanos 9:5

Paicunaca callari yayacunapaj huahua huahuacunami. Aichamantaca paicunapurapimi Cristoca shamurca. Paica tucui ima tiyajcunapaj jahuapi caj Diosmi. Paitaca, huiñai huiñaita alli nishca cachun. Chaica chashnatajmi.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

2 Corintios 5:17

Chaimanta maijanpish Cristopi cajca, tucuita mushujyachishcamanta mushujmi. Ñaupa ima shina cashcaca ña chingarircami, cunanca tucuita mushujyachishcami.

Efesios 3:18

Cristopaj c'uyaica chainijta, cainijta, ucujta, jahuajta cashcataca, tucui jucha illajcuna entedi tucuipaj cachunmi mañacuni.

Filipenses 3:9

Paihuanmi shujlla casha nini. Mandashcapi nishca shinata rurashpa ñuca quiquin justificarinataca mana yuyanichu. Ashtahuanpish justificashca canataca, Cristopi crishpami japircani. Chaica Diosmantami shamun, crishpallami japina.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

Tito 2:13

Chaimi ñucanchij jatun Dios Quishpichij Jesucristo sumaj cashcahuan shamunataca, ñucanchijca chai yuyailla cushijlla shuyacunchij.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

1 Juan 2:23

Jesusca mana Cristochu nijca, Yayatapish mana charinchu. Jesusca Diospaj Churimi nishpa huillajmi Yayatapish charin.

1 Juan 2:24

Callarimanta imatami cancuna uyarcanguichij, chaica cancunapi catichun. Callarimanta uyashca cancunapi catijpica cancunapish Churihuan, Yayahuan shujllami canguichij.

1 Juan 2:6

Maijanpish Dioshuan shujllami cani nijca, Jesucristo causashca shina causachun.

1 Juan 4:14

Cai pachapi causajcunata Quishpichij cachun, Yayaca paipaj Churita cachashcatami ricurcanchij. Chaitami ñucanchijca huillacunchij.

1 Juan 4:16

Chaimantami Dios ñucanchijta c'uyashcataca yachanchij, crinchij. Diosca c'uyajmi. Maijanpish c'uyajca Dioshuan shujllami, Diospish paihuanca shujllami.

1 Juan 4:2

Diospaj Espirituhuan cajtaca caipi rijsichij: Jesucristoca runa aichayuj tucushpami shamushca nishpa huillajca, Diospaj Espirituhuanmi.

1 Juan 5:1

Jesustaca Cristo cashcata maijanpish crijca, Diosmanta huacharishcami. Diosta maijanpish c'uyajca, paipaj huahuacunatapish c'uyanmi.

1 Juan 5:15

Paica ñucanchij ima mañashcatapish uyajlla cashcata yachashpami, imata mañashcatapish ña charina cashcatataj yachanchij.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.

1 Juan 5:5

¿Pitaj cai pachapi millaita ruranataca mishan? Jesusca Diospaj Churi cashcatataj crijmi mishan.

Apocalipsis 15:3

Paicunaca, Diospajta ruraj Moisespaj cantota, Ovejapaj cantotapishmi, cashna nishpa cantacurcacuna: “Tucuita Rurai Tucuj Mandaj Taita Dios, cambaj rurashcacunaca jatun sumajmari. Jucha illajcunapaj jatun mandaj. Canca imatapish cashcata ruraj, mana llullami cangui.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

Apocalipsis 3:14

Laodicea pueblopi caj tandanacushca crijcunapaj angelmanpish quillcai: “Chashna Cachun shutiyuj, cashcata huillaj, mana llullaj, Dios tucuita ruranapaj ña tiyajca, caitami nin:

Apocalipsis 3:7

Filadelfia pueblopi caj tandanacushca crijcunapaj angelmanpish quillcai: “Jucha Illaj, Mana Llullajca, Davidpaj llavetami charicun. Pai pascajpica pi mana huichcai tucunchu. Pai huichcajpica pi mana pascai tucunchu. Paica caitami nin:

Apocalipsis 6:10

Paicunaca: “Jatun Dioslla canca jucha illaj, imata rurasha nishcatapish rurajtajmi cangui. Allpapi causajcuna yahuarta jichashpa ñucanchijta huañuchishcamantaca ¿paicunataca maicamataj manaraj llaquichishpa shuyacungui?” nishpami sinchita caparircacuna.