1 Juan 5:17 - Dios Rimashca Shimicunami

¹⁷ Tucui imapish millaita ruranaca juchami. Shina cajpipish huañuiman mana apaj juchapish tiyanmi.

Mushuj Testamento Diospaj Shimi

¹⁷ Tucui imatapish millaita ruranaca, juchami. Shina cajpipish, mana huañuiman apaj juchapish tiyanmi.

1 Juan 5:17 Iomraidhean Croise

ISAÍAS 1:18

Tucui caicunata ch'imbapura parlanacungapaj shamuichij ninmi Mandaj Diosca. Cancunapaj juchacuna amsa puca cajpipish, rasu shina yurajllata yurajyachishcami canga. Cancunapaj juchacuna pucanicuj cashpapish, yurajlla millmata shina rurashcami canga.

DEUTERONOMIO 12:32

Ñuca tucui mandashcacunata, chaitataj pajtachina yuyailla pajtachinguichij. Chai mandashcacunataca imata ama mirachinguichijchu, imata ama anchuchinguichijchu.

DEUTERONOMIO 5:32

Chaimanta cunanca israelcuna Mandaj Dios cancunapaj Taita Dios mandashca shina ruraichij. Alli ladomanpish, lluqui ladomanpish manataj anchurinachu canguichij.

Santiago 1:15

Chai millai yuyaicunata chichushca q'uipami, juchaca huacharin. Chai juchapi catijpica, huañuitami cun.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 3:4

Maijanpish juchata rurajca Mandashcatami p'aquin. Juchaca Mandashcata p'aquinami.

1 Juan 5:16

Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.