1 Juan 5:16 - Dios Rimashca Shimicunami

¹⁶ Maijan huauqui mana huañuiman apaj juchata ruracujta ricushpaca, paimanta Diosta mañachun. Pai mana huañuiman apaj juchata rurashca cajpica, Diosca causaita cungami. Huañuiman apaj juchapish tiyanmi. Chaimantaca mana mañachun ninichu.

Mushuj Testamento Diospaj Shimi

¹⁶ Maijan huauqui mana huañuiman apaj juchata ruracujpica, maijan chaita ricushpaca, paimanta Diosta mañachun. Chashna mañajpica, Taita Diosca paiman causaita cungami. Huañuiman mana apaj juchata rurajcunamantami, Diosta mañachun nini. Huañuiman apaj juchapish tiyanmi. Chai juchata rurajmantaca, mana mañachun ninichu.

1 Juan 5:16 Iomraidhean Croise

GÉNESIS 20:17

Abrahamca Taita Diostami mañarca. Taita Diosca Abimelectaca alliyachircami. Abimelecpaj huarmitapish, paipajta ruraj huarmicunatapish huahuacunayuj tucunatami cutin rurarca.

GÉNESIS 20:7

Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

ÉXODO 34:9

cashna nirca: –Jatun Dioslla, quiquinpaj ñaupajpi ñuca allitaj ricurishca cajpica cunanca Jatun Dioslla ñucanchijhuan jacupai. Cai israelcunaca rumi shungucunami. Shina cajpipish ñucanchij millaita rurashcacunata, ñucanchij juchacunata perdonashpa cambaj huahuacunata rurahuai– nircami.

JEREMÍAS 11:14

Chashna cashcamantaca, canca ama paicunamanta ñucata mañanguichu, ama ñucata caparinguichu. Ñucaca llaquipi cashpa, paicunataj mañajpipish mana uyashachu.

JEREMÍAS 14:11

Shinallataj Mandaj Diosca, ñucataca cashnapishmi nirca: “Ñucataca ama cai runacunapaj ima allita rurachun mañaichu.

JEREMÍAS 7:16

Canca cai runacunamantaca ama mañaichu. Ama paicunamantaca caparishpa ñucata mañaichu, ama saquipailla nichu. Paicunamanta mañashcataca mana uyashachu.

EZEQUIEL 22:30

Cai llajtata ama llaquichichun nishpa ñuca ñaupajpi jarcashpa pata tunirishcapi shayarichunmi, israelcunapuramanta shuj runata mashcarcani. Chaita ruraj runataca manamari japircanichu.

NÚMEROS 12:13

Moisesca Mandaj Diosta caparishpaca: “Taita Dios, cunanca Mariata alliyachichunmi” rogapani nirca.

NÚMEROS 15:30

Israelcuna cashpapish, mana israelcuna cashpapish jatun tucushpa mana cazuj cashcamanta, Mandaj Dios mandashcata yuyaipi cashca jahuallataj juchallingachari. Chashna rurajtaca israelcunapaj chaupimanta anchuchishca cachun.

Lucas 12:10

Runa Aichayujta maijanpish p'iñajtaca perdonangami. Ashtahuanpish jucha illaj Espirituta p'iñashpa rimajtaca, manataj perdonangachu.

Juan 17:9

Ñucaca paicunamantami mañacuni. Cai pachapaj cajcunamantaca mana mañanichu. Ashtahuanpish quiquin ñucaman cushcacunaca, quiquinpaj cajpimi paicunamanta mañacuni.

2 Timoteo 4:14

Fierromanta imatapish ruraj Alejandroca, ñucataca achcatami llaquichirca. Chaimantaca Mandaj Jesusmi, pai rurashca shinallataj cunga.

1 Juan 5:17

Tucui imapish millaita ruranaca juchami. Shina cajpipish huañuiman mana apaj juchapish tiyanmi.

1 SAMUEL 12:19

Tucui israelcunami Samueltaca: –Cambajta rurajcuna ama huañuchun Mandaj cambaj Diosta mañapaiyari. Tucui ñucanchijmari juchata rurashca jahua ñucanchijta mandachun jatun mandajta churai nishpa mañashpaca millaita rurashcanchij– nircacuna.

1 SAMUEL 2:25

Maijanpish shuj runata llaquichijpica, juezcunami ricushpa imatapish ninga. Mandaj Diosta p'iñachishpa juchallijpica ¿pitaj paimantaca rogaringari?” nircami. Mandaj Dios paicunapaj causaita quichunataj cashcacuna cashpami, paicunapaj yaya rimashcataca mana uyarcacuna.