1 Juan 5:14 - Dios Rimashca Shimicunami

¹⁴ Pai munashca shina imatapish mañajpica, paica uyashpa cujlla cashcata yachashcamantami paipi shunguta churanchij.

Mushuj Testamento Diospaj Shimi

¹⁴ Pai munashca shina rurangapaj imatapish mañajpica, Paica ñucanchijta uyashpa cujlla cashcata yachanchijmi. Chaimantami Paipi shunguta churanchij.

1 Juan 5:14 Iomraidhean Croise

1 REYES 3:12

Can shinaca cambaj ñaupapish pi shujtajca mana tiyashcachu. Cambaj q'uipapish can shina shujtajca pi mana tiyangachu. Chaimanta can mañashca shinallatajmi curcani. Alli yuyaiyuj, yachaisapa canatami curcani.

JOB 34:28

Huajchacunatapish, imata mana charijcunatapish jatunta llaquichishpami, Diospaj ñaupajpi uyarijta caparichircacuna.

SALMOS 145:19

Paita manchajcuna imata yuyarishcataca pajtachingami. Paicuna mañashcata uyangami. Paicunataca quishpichingami.

SALMOS 31:22

Llaquihuan ñuca musparicushpaca: “Quiquinpaj ñahuimantaca anchuchishca cashcatami” yuyarcani. Ashtahuanpish ñuca quiquinta rogashpa mañashcataca uyashcanguimi. Quiquinta ñuca caparishcata uyashcanguimi.

SALMOS 34:17

Cashcata rurajcunaca Mandaj Diostami mañan. Mandaj Diospish paicunatami uyacun. Tucui paicunapaj llaquicunamantami quishpichin.

SALMOS 69:33

Mandaj Diosca huajchacunata uyanmi. Paipaj cajcuna prezu cajpipish, mana yanganchinchu.

PROVERBIOS 10:24

Diosta mana manchaj runaca imata manchashpapish, chaitajmi tucunga. Ashtahuanpish cashcata rurajcunamanca, paicuna munashcatatajmi cunga.

PROVERBIOS 15:29

Mandaj Diosca, paita mana manchajcunamantaca carupimi. Ashtahuanpish cashcata rurajcunataca, mañashcata cutichingapaj uyaracunmi.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

Mateo 21:22

Tucui imatapish crishpa Diosta mañashpaca, chasquinguichijmi– nircami.

Juan 11:42

Ñuca mañashcata uyaracuj cashcataca yachanimi. Ashtahuanpish cai ñuca muyundijpi caj achcacuna can cachashca cashcata crichunmi chashnaca nini– nircami.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Juan 15:7

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Juan 16:24

Caicamaca ñuca Yayataca imata mana ñucallamantaca mañashcanguichijchu. Mañaichij chasquinguichijmi. Chashna cashpami cushicuihuantaj canguichij.

Juan 9:31

Taita Diosca juchayujcunataca mana uyaj cashcataca yachanchijmi. Pipish Taita Diosta manchaj, Taita Diospaj munaita rurajllatami uyan.

Efesios 3:12

Ñucanchijca paipi crishcamantami, shuj yuyai yaicunatataj charinchij.

Hebreos 10:35

Chaimanta cancunaca, chai yuyailla canataca amataj chingachichijchu. Chaimi cancunapaj cashca jatun japinataca japinguichij.

Hebreos 3:14

Cristohuan japijcunata rurashcacunami canchij. Chaimanta callaripi shunguta churashpa sinchi, caticushcataca tucuringacama caticunallami canchij.

Hebreos 3:6

Ashtahuanpish Cristoca, Diospaj Churi cashpami, Diospaj huasi ucupurataca tucuita mandacun. Chaimanta tucuringacama sinchi, chai yuyailla cushicuihuan catishpaca, chai huasica ñucanchijmi canchij.

Santiago 4:3

Mañashpapish mana chasquinguichijchu. Cancuna munashcapi cushicushpa tucuchingapajlla mana alli yuyaihuan mañashcamantami mana chasquinguichij.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

1 Juan 2:28

Cunanca huahuacuna, pai ricurijpi ama manchashpa ñahui ñahui ricuringapajca, paihuan shuj shinalla catichijlla.